Don't Miss

സ്വന്തം പേറ്റുനോവിനിടെ മറ്റൊരു സ്ത്രീയുടെ പ്രസവമെടുത്ത് ഒരു ഡോക്ടര്‍ കൈയടി നേടുന്നു

സ്വന്തം കുഞ്ഞിനു ജന്മം നല്‍കാന്‍ ലേബര്‍ റൂമില്‍ കാത്തിരിക്കുമ്പോഴും ഡോക്ടര്‍ എന്ന നിലയില്‍ തന്റെ കര്‍ത്തവ്യങ്ങളോട് മുഖം തിരിക്കാതെ ആത്മവിശ്വാസത്തോടെ പ്രവര്‍ത്തിച്ച ഒരു ഡോക്ടര്‍ ലോകത്തിന്റെ മുഴുവന്‍ ആദരവ് നേടി. അമാന്‍ഡ ഹെസ്, എന്നാണവളുടെ പേരെങ്കിലും സൈബര്‍ ലോകം ഇന്ന് ഇവരെ വാഴ്ത്തുന്നത് 'ഡോക്ടര്‍ മോം' എന്ന ഓമനപ്പേരിലാണ്.

രണ്ടാമത്തെ കുഞ്ഞിന് ജന്മം നല്‍കുന്നതിനായി ജൂലൈ 23നാണ് ഗൈനോക്കോളജി ഡോക്ടര്‍ കൂടിയായ അമാന്‍ഡയെ കെന്റക്കിയിലെ ആശുപത്രിയിലെ ലേബര്‍ റൂമില്‍ പ്രവേശിപ്പിച്ചത്. എന്നാല്‍ പ്രസവത്തിനായുള്ള വേദനയ്ക്കിടയിലും അമാന്‍ഡ കേട്ടത് ലേബര്‍ റൂമില്‍ കൂടെ ഉണ്ടായിരുന്ന ലീ ഹാലിഡേ എന്ന മറ്റൊരു സ്ത്രീയുടെ കരച്ചിലായിരുന്നു. ഗര്‍ഭസ്ഥ ശിശു അത്യന്തം അപകടകരമായ അവസ്ഥയിലാണ് ഉള്ളിലുള്ളതെന്ന് മനസ്സിലായതിനെ തുടര്‍ന്ന് സ്വന്തം പ്രസവ വേദന പോലും വകവയ്ക്കാതെ അമാന്‍ഡ ഉടന്‍ തന്നെ ലീയെ സഹായിക്കാനിറങ്ങി. ലീയുടെ കുഞ്ഞിന്റെ കഴുത്തില്‍ പൊക്കിള്‍ കൊടി ചുറ്റിയ നിലയിലായിരുന്നു. ലീയുടെ ശസ്ത്രക്രിയയില്‍ പങ്കുചേര്‍ന്ന് സുരക്ഷിതമായി തന്നെ കുട്ടിയെ പുറത്തെടുത്തതിന് ശേഷം മാത്രമാണ് തന്റെ പ്രസവ വേദനയെ കുറിച്ച് അമാന്‍ഡ ഓര്‍ത്തതു പോലും.


'അമ്മമാര്‍ ജീവനുമായി ബന്ധപ്പെട്ടിരിക്കുന്നു, അമാന്‍ഡയുടെ രണ്ട് കുഞ്ഞുങ്ങള്‍ക്കും വളര്‍ന്നു വരുമ്പോള്‍ കേട്ട് രസിക്കാനുള്ള ഒരു അനുഭവമാവും ഇത്. അമ്മമാരായ ഡോക്ടര്‍മാര്‍ എല്ലായ്‌പ്പോഴും സ്വന്തം കുടുംബത്തേയും സ്വന്തം രോഗികളേയും ഒരു പോലെ നോക്കാന്‍ ഉത്തരവാദിത്തപ്പെട്ടവരാണ്. പ്രിയപ്പെട്ട അമാന്‍ഡ ഹെസ്, നിങ്ങളുടെ മാതൃത്വം ആഘോഷിക്കൂ..- അമാന്‍ഡയുടെ ധൈര്യത്തേയും കര്‍ത്തവ്യ ബോധത്തേയും പുകഴ്ത്തി ലേബര്‍ റൂമിലെ അനുഭവം പങ്കുവച്ചു കൊണ്ട് സുഹൃത്തായ ഹല സബ്രി ഫെയ്‌സ്ബുക്കില്‍ കുറിച്ചു. പ്രസവിച്ച് മിനുട്ടുകള്‍ക്കുള്ളില്‍ പകര്‍ത്തിയ കുഞ്ഞിനൊപ്പമുള്ള അമാന്‍ഡയുടെ ചിത്രവും ഹല ഫെയ്‌സ്ബുക്കില്‍ പോസ്റ്റ് ചെയ്തിട്ടുണ്ട്.

  • ചുള്ളന്‍ ലുക്കില്‍ മോഹന്‍ലാല്‍ നെടുമ്പാശേരിയില്‍ ; അമ്പരന്ന് എയര്‍പോര്‍ട്ട് ജീവനക്കാര്‍
  • റിലാക്‌സേഷനൊക്കെയുണ്ടെന്ന് പറഞ്ഞ് ഭാര്യയെ കളിയാക്കുന്നവര്‍ക്ക് മറുപടിയുമായി അല്‍ഫോണ്‍സ് കണ്ണന്താനം
  • രോഹിത്തിന് മൂന്നാം ഡബിള്‍ സെഞ്ച്വറി; ശ്രീലങ്കയ്ക്കെതിരെ ഇന്ത്യക്ക് കൂറ്റന്‍ സ്‌കോര്‍
  • ഉദുമല്‍പേട്ട് ദുരഭിമാനക്കൊല: പെണ്‍കുട്ടിയുടെ പിതാവ് അടക്കം ആറു പ്രതികള്‍ക്ക് വധശിക്ഷ
  • 'ക്ഷണക്കത്തിന് കാത്തിരിക്കേണ്ട, അനുഷ്‌കയും വിരാടും വിവാഹിതരായി'; പുതിയ വെളിപ്പെടുത്തല്‍
  • ജയന്റെ ബന്ധുത്വത്തെ ചൊല്ലി തര്‍ക്കം; സീരിയല്‍ താരവും ജയന്റെ സഹോദരന്റെ മകളും തമ്മില്‍ പരസ്യമായ പേര്‍വിളി
  • ജീവനക്കാരില്ലെന്ന കാരണം പറഞ്ഞു കേരളത്തില് ഓടുന്ന എട്ട് പാസഞ്ചര്‍ ട്രെയിനുകള്‍ റെയില്‍വേ റദ്ദാക്കി
  • ആഞ്ജലീന ജോളിയെപ്പോലെയാവാന്‍ 50 ശസ്ത്രക്രിയ നടത്തി 'വിരൂപ'യായ പെണ്‍കുട്ടി ലോകത്തെ മുഴുവന്‍ പറ്റിച്ചു
  • ഭാര്യയേയും സഹോദരിയേയും വെടിവച്ച ശേഷം എന്‍എസ്ജി കമാന്‍ഡോ ജീവനൊടുക്കി
  • ബിബിസിക്കു 'ശശി കപൂര്‍ ' അമിതാഭ് ബച്ചന്‍ ; ഇന്ത്യയില്‍ ആദരാഞ്ജലി ശശി തരൂരിന്
  •  
        © 2012 ukmalayalamnews.com All rights reserved. Powered by Phoenix Infoway