യു.കെ.വാര്‍ത്തകള്‍

ബിബിസിയില്‍ അവതാരകയുടെ വാര്‍ത്താവായനക്കിടെ ലൈവായി നീലച്ചിത്രം


ലണ്ടന്‍ : രാത്രി 10 മണിക്ക് വാര്‍ത്ത കാണുവാനിരുന്ന കുടുംബസദസിനെ ഞെട്ടിച്ചു ബിബിസിയില്‍ ലൈവായി നീലച്ചിത്ര പ്രദര്‍ശനം. വാര്‍ത്ത കാണാന്‍ 3.8 മില്ല്യണ്‍പ്രേക്ഷകര്‍ ടെലിവിഷന് മുന്നില്‍ ഇരിക്കവെയാണ് ഏവരെയും അമ്പരപ്പിച്ച് അവതാരകയായ സോഫി റാവോര്‍ത്തിന്റെ തൊട്ടുപിന്നിലെ സ്‌ക്രീനില്‍ നീലച്ചിത്രം ഓടിയത്. കമ്പ്യൂട്ടര്‍ സ്‌ക്രീനില്‍ ദൃശ്യങ്ങള്‍ തെളിഞ്ഞത് തന്റെ സ്‌ക്രീന്‍ ക്യാമറ ഒപ്പിയെടുക്കുന്നത് അറിയാതെ ബിബിസി ജീവനക്കാരന്‍ ഹെഡ്‌ഫോണും ഫിറ്റ് ചെയ്ത് കസേരയില്‍ ചാഞ്ഞുകിടന്നാണ് ദൃശ്യങ്ങള്‍ കണ്ടത്.

ക്രിക്കറ്റില്‍ സൗത്ത് ആഫ്രിക്കക്കെതിരെ ഇംഗ്ലണ്ട് ടീം നേടിയ വിജയവാര്‍ത്തയാണ് 49-കാരിയായ റാവോര്‍ത്ത് അവതരിപ്പിച്ചത്. ഇതിന്റെ വിശദീകരണങ്ങള്‍ നല്‍കുമ്പോള്‍ പ്രേക്ഷകരുടെ കണ്ണുകള്‍ ഇടതുഭാഗത്തുള്ള സ്‌ക്രീനിലേക്ക് ആകര്‍ഷിക്കപ്പെടുകയായിരുന്നു, അവതാരിക തനിക്ക് പിന്നില്‍ അരങ്ങേറുന്ന സംഭവങ്ങള്‍ അറിഞ്ഞില്ലെങ്കിലും പ്രേക്ഷകര്‍ ഉടന്‍ ട്വീറ്റുകളുമായി രംഗത്തെത്തി. 'നിങ്ങളുടെ അവതാരിക ഒരു റിപ്പോര്‍ട്ട് നല്‍കുമ്പോള്‍ എന്തുകൊണ്ടാണ് ഒരു നീലച്ചിത്രം പിന്നണിയില്‍ അരങ്ങേറുന്നത്?', പ്രേക്ഷകര്‍ ട്വീറ്റ് ചെയ്തു.
സംഭവത്തെക്കുറിച്ച് അന്വേഷണം പ്രഖ്യാപിച്ചിരിക്കുകയാണ് ബിബിസി. മധ്യ ലണ്ടനിലെ ബ്രോഡ്കാസ്റ്റിംഗ് ഹൗസില്‍ ജീവനക്കാര്‍ ചാറ്റ് ചെയ്യുന്നതും, സൊള്ളുന്നതും, വഴക്കിടുന്നതുമായ നിരവധി സംഭവങ്ങള്‍ ഇതിന് മുന്‍പ് കണ്ടെത്തിയിട്ടുണ്ട്. ഇതാദ്യമായാണ് ബിബിസി പോലൊരു ചാനലില്‍ ജീവനക്കാരന്‍ നീലച്ചിത്രം കാണുന്നത് ലൈവില്‍ പിടിക്കപ്പെടുന്നത്. എന്നാല്‍ ജീവനക്കാരന്‍ ഒരു ആക്ഷന്‍ ചിത്രമാണ് കണ്ടതെന്നാണ് അവകാശവാദം. ആ ദിവസത്തെ പ്രധാനവാര്‍ത്തകള്‍ അടങ്ങുന്നതിനാല്‍ പത്തുമണിവാര്‍ത്തക്കു വളരെയധികം പ്രേക്ഷകരുണ്ട്.

  • ജെറ്റ്സിയ്ക്ക് കൊവന്‍ട്രി നാളെ വിടനല്‍കും; പൊതുദര്‍ശനം വീട്ടില്‍
  • ഹാരി-മേഗന്‍ വിവാഹ ശുശ്രൂഷ നയിക്കാന്‍ സന്നദ്ധതയറിയിച്ച് കാന്റര്‍ബറി ആര്‍ച്ച്ബിഷപ്പ്
  • ബിര്‍മിങ്ഹാമില്‍ താമസിക്കുന്ന കോട്ടയം സ്വദേശിനി കാന്‍സര്‍ രോഗത്തെ തുടര്‍ന്ന് നാട്ടില്‍ മരിച്ചു
  • ബ്രക്‌സിറ്റ് ബില്‍ വോട്ടിങ്ങില്‍ പാര്‍ലമെന്റില്‍ സര്‍ക്കാര്‍ പരാജയപ്പെട്ടു, 11 ഭരണകക്ഷി അംഗങ്ങള്‍ എതിര്‍ത്തു
  • കൊവന്‍ട്രിയില്‍ നിര്യാതയായ ജെറ്റ്സി യുടെ സംസ്കാര ശുശ്രൂഷകള്‍ ശനിയാഴ്ച
  • കീഴ്വഴക്കം തിരുത്തി രാജ്ഞി: രാജകുടുംബത്തിന്റെ ക്രിസ്മസ് ദിനാഘോഷ ചടങ്ങില്‍ ഹാരിക്കൊപ്പം മേഗനും
  • ബെന്നിമാത്യുവിന് അന്ത്യാജ്ഞലി അര്‍പ്പിക്കാന്‍ മലയാളിസമൂഹം മിഡില്‍സ്ബറോയിലേക്ക് , സംസ്‌കാരശുശ്രൂഷകള്‍ രാവിലെ 10ന് തുടങ്ങും
  • മാഞ്ചസ്റ്ററിലെ കൂട്ടക്കൊല: വീടിനു തീയിട്ട അക്രമികള്‍ സമീപത്തെ വീട്ടിലിരുന്നു അത് ആസ്വദിച്ചു
  • മഞ്ഞുവീഴ്ചയ്ക്കു ശമനമില്ല; കൊടുംതണുപ്പിനെ വെല്ലുവിളിച്ച് വഴിയിലിറങ്ങിയ 20കാരന്‍ മരിച്ചുവീണു, മുന്നറിയിപ്പുമായി അധികൃതര്‍
  • യുകെയില്‍ പണപ്പെരുപ്പം ആറുവര്‍ഷത്തെ ഉയര്‍ച്ചയില്‍ ; കുടുംബബജറ്റ്‌ താളം തെറ്റും, പലിശ നിരക്ക് ഉയരാന്‍ സാധ്യത
  •  
        © 2012 ukmalayalamnews.com All rights reserved. Powered by Phoenix Infoway