യു.കെ.വാര്‍ത്തകള്‍

ഭവന വിപണിയിലെ മാന്ദ്യം ലണ്ടനിലടക്കം ബാധിക്കുന്നു; വീടുവിലയിടിയുന്നു

ലണ്ടന്‍ : ശരവേഗത്തില്‍ കുതിക്കുകയായിരുന്ന ലണ്ടനിലെ വീടുവില കഴിഞ്ഞമാസം മുതല്‍ ഇടിവ് രേഖപ്പെടുത്തുന്നു. ലണ്ടനില്‍ നിന്നും തെക്ക് കിഴക്കു ഇംഗ്ലണ്ടിലേക്ക് മാന്ദ്യംവ്യാപിക്കുന്നുവെന്ന് സര്‍വേയര്‍മാര്‍ വ്യക്തമാക്കുന്നു. ഈ മേഖലയിലെ വീട് വിപണിയില്‍ ആക്ടിവിറ്റികള്‍ താഴോട്ട് പോവുമ്പോള്‍ യുകെയുടെ മറ്റ് മേഖലകളില്‍ വീടുകളുടെ ശരാശരി വില വര്‍ധിക്കുന്ന പ്രവണതയാണുള്ളതെന്നും വ്യക്തമായിട്ടുണ്ട്. ജൂലൈയിലെ കണക്കുകള്‍ പ്രകാരം നോര്‍ത്തേണ്‍ അയര്‍ലണ്ട്, വെസ്റ്റ് മിഡ്‌ലാന്‍ഡ്‌സ്, ഇംഗ്ലണ്ടിന്റെ തെക്ക് പടിഞ്ഞാറന്‍ ഭാഗങ്ങള്‍ എന്നിവിടങ്ങളില്‍ വീടുകളുടെ വില വര്‍ധിച്ചിരുന്നുവെന്നാണ് ദി റോയല്‍ ഇന്‍സ്റ്റിറ്റിയൂഷന്‍ ഓഫ് ചാര്‍ട്ടേഡ് സര്‍വേയേര്‍സ് (റിക്‌സ്) ചൂണ്ടിക്കാട്ടുന്നതെന്ന് ബിബിസി റിപ്പോര്‍ട്ട് ചെയ്യുന്നു.

ചില പ്രദേശങ്ങളില്‍ വിലകള്‍ കയറുന്ന പ്രവണത നിലനില്‍ക്കുന്നുവെന്നാണ് റിക്‌സ് വെളിപ്പെടുത്തുന്നത്. എന്നാല്‍ ജൂണിലെ വീട് വിലകളില്‍ നിന്നും ജൂലൈയില്‍ വിലകള്‍ താഴ്ന്നിരിക്കുന്നുവെന്നാണ് മറ്റുള്ള സര്‍വേയര്‍മാര്‍ അഭിപ്രായയപ്പെടുന്നത്.

ജൂലൈ സര്‍വേ പ്രകാരം അതിന് മുമ്പത്തെ രണ്ട് മാസങ്ങളില്‍ മിക്ക വീടുകള്‍ക്കും ചോദിക്കുന്ന വിലയും അവ അവസാനം വില്‍ക്കുമ്പോള്‍ വാങ്ങുന്ന വിലയും തമ്മില്‍ അന്തരമുണ്ടെന്നാണ് വ്യക്തമായിരിക്കുന്നത്. ഹൗസിംഗ് മാര്‍ക്കറ്റിലെ സെയില്‍സ് ആക്ടിവിറ്റിയില്‍ അനിശ്ചിതത്വം ഉണ്ട്.

പ്രോപ്പര്‍ട്ടി വിപണിയുമായി ബന്ധപ്പെട്ടുണ്ടായ നികുതി സംബന്ധമായ മാറ്റങ്ങളാണ് ഇത്തരത്തില്‍ വിലത്താഴ്ചക്ക് വഴിയൊരുക്കിയ പ്രധാന കാരണം. കൂടാതെ സാമ്പത്തിക പ്രതിസന്ധിയുടെ പശ്ചാത്തലത്തില്‍ പ്രോപ്പര്‍ട്ടി വിപണിയില്‍ പുതിയ നിര്‍മാണ പ്രവര്‍ത്തനങ്ങള്‍ കുറഞ്ഞതും വിലയിടിവിന് കാരണമായി.

  • ജെറ്റ്സിയ്ക്ക് കൊവന്‍ട്രി നാളെ വിടനല്‍കും; പൊതുദര്‍ശനം വീട്ടില്‍
  • ഹാരി-മേഗന്‍ വിവാഹ ശുശ്രൂഷ നയിക്കാന്‍ സന്നദ്ധതയറിയിച്ച് കാന്റര്‍ബറി ആര്‍ച്ച്ബിഷപ്പ്
  • ബിര്‍മിങ്ഹാമില്‍ താമസിക്കുന്ന കോട്ടയം സ്വദേശിനി കാന്‍സര്‍ രോഗത്തെ തുടര്‍ന്ന് നാട്ടില്‍ മരിച്ചു
  • ബ്രക്‌സിറ്റ് ബില്‍ വോട്ടിങ്ങില്‍ പാര്‍ലമെന്റില്‍ സര്‍ക്കാര്‍ പരാജയപ്പെട്ടു, 11 ഭരണകക്ഷി അംഗങ്ങള്‍ എതിര്‍ത്തു
  • കൊവന്‍ട്രിയില്‍ നിര്യാതയായ ജെറ്റ്സി യുടെ സംസ്കാര ശുശ്രൂഷകള്‍ ശനിയാഴ്ച
  • കീഴ്വഴക്കം തിരുത്തി രാജ്ഞി: രാജകുടുംബത്തിന്റെ ക്രിസ്മസ് ദിനാഘോഷ ചടങ്ങില്‍ ഹാരിക്കൊപ്പം മേഗനും
  • ബെന്നിമാത്യുവിന് അന്ത്യാജ്ഞലി അര്‍പ്പിക്കാന്‍ മലയാളിസമൂഹം മിഡില്‍സ്ബറോയിലേക്ക് , സംസ്‌കാരശുശ്രൂഷകള്‍ രാവിലെ 10ന് തുടങ്ങും
  • മാഞ്ചസ്റ്ററിലെ കൂട്ടക്കൊല: വീടിനു തീയിട്ട അക്രമികള്‍ സമീപത്തെ വീട്ടിലിരുന്നു അത് ആസ്വദിച്ചു
  • മഞ്ഞുവീഴ്ചയ്ക്കു ശമനമില്ല; കൊടുംതണുപ്പിനെ വെല്ലുവിളിച്ച് വഴിയിലിറങ്ങിയ 20കാരന്‍ മരിച്ചുവീണു, മുന്നറിയിപ്പുമായി അധികൃതര്‍
  • യുകെയില്‍ പണപ്പെരുപ്പം ആറുവര്‍ഷത്തെ ഉയര്‍ച്ചയില്‍ ; കുടുംബബജറ്റ്‌ താളം തെറ്റും, പലിശ നിരക്ക് ഉയരാന്‍ സാധ്യത
  •  
        © 2012 ukmalayalamnews.com All rights reserved. Powered by Phoenix Infoway