യു.കെ.വാര്‍ത്തകള്‍

മയക്കുമരുന്ന് നല്‍കി പെണ്‍കുട്ടികളെ ബലാത്സംഗം: 18 അംഗ ഏഷ്യന്‍ സംഘം കുറ്റക്കാര്‍

ലണ്ടന്‍ : പ്രായപൂര്‍ത്തിയാകാത്ത പെണ്‍കുട്ടികളേയും യുവതികളേയും പാര്‍ട്ടിയിലെത്തിച്ച് മയക്കുമരുന്ന് നല്‍കി ബലാത്സംഗം ചെയ്യുന്ന സംഘം പിടിയിലായി. പതിനേഴ് പുരുഷന്‍മാരും ഒരു സ്ത്രീയും അടങ്ങുന്ന സംഘമാണ് പിടിയിലായത്. ഇവര്‍ കുറ്റക്കാരാണ് എന്ന് കോടതി കണ്ടെത്തി. ബലാത്സംഗം, മയക്കുമരുന്ന് വിതരണം, വേശ്യാവൃത്തിയ്ക്ക് പ്രേരിപ്പിക്കുക തുടങ്ങിയ കുറ്റങ്ങളാണ് ഇവരുടെ പേരില്‍ ചുമത്തിയിരിക്കുന്നത്.


ബംഗ്ലാദേശ്, പാകിസ്ഥാന്‍, ഇന്ത്യന്‍, ഇറാഖ്, ഇറാന്‍, തുര്‍ക്ക് വംശജരായ ബ്രിട്ടീഷ് പൗരന്‍മാരാണ് ശിക്ഷിക്കപ്പെട്ടത്. പിടിയിലായവരില്‍ ഭൂരിഭാഗവും ന്യൂകാസിലിന്റെ പടിഞ്ഞാറന്‍ മേഖലകളില്‍ താമസിക്കുന്നവരാണ്. ഓപ്പറേഷന്‍ ഷെല്‍ട്ടര്‍ എന്ന് പേരിട്ടിരുന്ന ന്യൂകാസിലിലെ ചൈല്‍ഡ് സെക്ഷ്വല്‍ എക്‌സ്‌പ്ലോയിറ്റേഷന്‍ അന്വേഷണം ദേശീയ തലത്തില്‍ കുട്ടികളെ ലൈംഗികമായി ദുരുപയോഗംചെയ്യുന്നതിനെതിരേ നടത്തുന്ന ഓപ്പറേഷന്‍ സാങ്ച്വറിയുടെ ഭാഗമായിട്ടാണ് നടപ്പിലാക്കിയത്.

പ്രായപൂര്‍ത്തിയായ പുരുഷന്‍മാരാണ് പെണ്‍കുട്ടികളെ വശീകരിച്ച് സെഷന്‍സുകള്‍ എന്ന് വിളിക്കുന്ന പാര്‍ട്ടികളിലെത്തിക്കുന്നത്. അതിന് ശേഷം ഇവരെ കൊക്കെയ്ന്‍, കഞ്ചാവ്, മദ്യം, മെഫ്രഡോണ്‍ പോലുള്ള മയക്കുമരുന്നുകള്‍ നല്‍കി ബോധം നശിപ്പിച്ച ശേഷം ബലാത്സംഗം ചെയ്യുയോ ലൈംഗിക വേഴ്ച നടത്താന്‍ പ്രേരിപ്പിക്കുയോ ചെയ്യാറുണ്ടായിരുന്നുവെന്ന് ന്യൂകാസില്‍ ക്രൗണ്‍ കോടതി കണ്ടെത്തി. ഇരകളായ ചിലര്‍ 108 ല്‍ വിളിച്ച് സാമൂഹ്യ പ്രവര്‍ത്തകരോട് അനുഭവങ്ങള്‍ പങ്കുവച്ചതിനെ തുടര്‍ന്നാണ് നോര്‍ത്ത് ഉംബ്രിയ പൊലീസ് ഇത് സംബന്ധിച്ച് അന്വേഷണം ആരംഭിച്ചത്. 2011 മുതല്‍ 2014 വരെ നടന്ന സംഭവങ്ങളില്‍ 20 ഓളം യുവതികള്‍ പൊലീസിന് മൊഴി നല്‍കി.


ഓപ്പറേഷന്‍ സാങച്വറിയുടെ ഭാഗമായി ഇതുവരെ 100 ഓളം പേരെ ശിക്ഷിച്ചിട്ടുണ്ട്. മയക്കുമരുന്ന് വിതരണം, ആധുനിക അടിമത്വം, ആയുധങ്ങള്‍ കൈവശം വെയ്ക്കുക തുടങ്ങിയ കുറ്റങ്ങള്‍ക്കാണ് പലരും അറസ്റ്റിലായിരിക്കുന്നത്.
2014 ലാണ് നോര്‍ത്തംബ്രിയ പൊലീസ് ഓപ്പറേഷന്‍ സാങ്ച്വറി ആരംഭിക്കുന്നത്.

  • ജെറ്റ്സിയ്ക്ക് കൊവന്‍ട്രി നാളെ വിടനല്‍കും; പൊതുദര്‍ശനം വീട്ടില്‍
  • ഹാരി-മേഗന്‍ വിവാഹ ശുശ്രൂഷ നയിക്കാന്‍ സന്നദ്ധതയറിയിച്ച് കാന്റര്‍ബറി ആര്‍ച്ച്ബിഷപ്പ്
  • ബിര്‍മിങ്ഹാമില്‍ താമസിക്കുന്ന കോട്ടയം സ്വദേശിനി കാന്‍സര്‍ രോഗത്തെ തുടര്‍ന്ന് നാട്ടില്‍ മരിച്ചു
  • ബ്രക്‌സിറ്റ് ബില്‍ വോട്ടിങ്ങില്‍ പാര്‍ലമെന്റില്‍ സര്‍ക്കാര്‍ പരാജയപ്പെട്ടു, 11 ഭരണകക്ഷി അംഗങ്ങള്‍ എതിര്‍ത്തു
  • കൊവന്‍ട്രിയില്‍ നിര്യാതയായ ജെറ്റ്സി യുടെ സംസ്കാര ശുശ്രൂഷകള്‍ ശനിയാഴ്ച
  • കീഴ്വഴക്കം തിരുത്തി രാജ്ഞി: രാജകുടുംബത്തിന്റെ ക്രിസ്മസ് ദിനാഘോഷ ചടങ്ങില്‍ ഹാരിക്കൊപ്പം മേഗനും
  • ബെന്നിമാത്യുവിന് അന്ത്യാജ്ഞലി അര്‍പ്പിക്കാന്‍ മലയാളിസമൂഹം മിഡില്‍സ്ബറോയിലേക്ക് , സംസ്‌കാരശുശ്രൂഷകള്‍ രാവിലെ 10ന് തുടങ്ങും
  • മാഞ്ചസ്റ്ററിലെ കൂട്ടക്കൊല: വീടിനു തീയിട്ട അക്രമികള്‍ സമീപത്തെ വീട്ടിലിരുന്നു അത് ആസ്വദിച്ചു
  • മഞ്ഞുവീഴ്ചയ്ക്കു ശമനമില്ല; കൊടുംതണുപ്പിനെ വെല്ലുവിളിച്ച് വഴിയിലിറങ്ങിയ 20കാരന്‍ മരിച്ചുവീണു, മുന്നറിയിപ്പുമായി അധികൃതര്‍
  • യുകെയില്‍ പണപ്പെരുപ്പം ആറുവര്‍ഷത്തെ ഉയര്‍ച്ചയില്‍ ; കുടുംബബജറ്റ്‌ താളം തെറ്റും, പലിശ നിരക്ക് ഉയരാന്‍ സാധ്യത
  •  
        © 2012 ukmalayalamnews.com All rights reserved. Powered by Phoenix Infoway