യു.കെ.വാര്‍ത്തകള്‍

ഇത് ഇന്ത്യയിലെ കാഴ്ചയല്ല, ബ്രിട്ടനില്‍ 2.36 ലക്ഷം പേര്‍ തെരുവിന്റെ സന്തതികള്‍ ; ഇനിയത് 5.75 ലക്ഷമാവും

ലണ്ടന്‍ : ഭവനരഹിതരും തെരുവിന്റെ സന്തതികളും എന്നാല്‍ ഇന്ത്യ അടക്കമുള്ള മൂന്നാം ലോക രാജ്യങ്ങളിലെ കാഴ്ചയാണ് എന്ന തരത്തിലാണ് പാശ്ചാത്യ മാധ്യമങ്ങളുടെ വിശേഷണം. എന്നാല്‍ മുതലാളിത്ത രാജ്യമായ, ബ്രിട്ടനിലെ തെരുവിന്റെ സന്തതികളുടെ എണ്ണം നാള്‍ക്കുനാള്‍ പെരുകുകയാണ് എന്നതാണ് യാഥാര്‍ഥ്യം.


നിലവില്‍ ബ്രിട്ടനില്‍ ഏകദേശം 2.36 ലക്ഷത്തോളം പേര്‍ തെരുവുകളിലാണ് അന്തിയുറങ്ങുന്നതെന്നാണ് റിപ്പോര്‍ട്ടുകള്‍. 2041 ഓടെ വീടില്ലാത്തവരുടെ എണ്ണം 5.75 ലക്ഷമാവും എന്നാണു റിപ്പോര്‍ട്ട്. അതായത് 76 ശതമാനം വര്‍ദ്ധനയാണ് വരികയെന്ന് ഇത് സംബന്ധിച്ച് പ്രവര്‍ത്തനം നടത്തുന്ന ചാരിറ്റി സംഘടനകള്‍ മുന്നറിയിപ്പ് നല്‍കുന്നു. ഗവണ്‍മെന്റ് അടിയന്തിരമായി ഈ വിഷയത്തില്‍ ഇടപെടാത്ത പക്ഷം തെരുവുകളില്‍ അന്തിയുറങ്ങുന്നവരെ കൊണ്ട് ബ്രിട്ടന്‍ നിറയുമെന്നാണ് ചാരിറ്റി സംഘടനകള്‍ മുന്നറിയിപ്പ് നല്‍കുന്നത്. ഏകദേശം 159000ത്തോളം പേര്‍ മുകളിലാകാശമായി റോഡുവക്കുകളിലോ ഏതെങ്കിലും തരത്തിലുള്ള താല്‍ക്കാലിക സ്ഥലങ്ങളിലോ അന്തിയുറങ്ങുന്നതായി ഇത് സംബന്ധിച്ച പഠനം നടത്തിയ ക്രൈസിസ് ചൂണ്ടിക്കാട്ടുന്നു.


ഇത് കൂടാതെ 57000ത്തോളം കുടുംബങ്ങളാണ് ഉള്ളതെന്നും ഇതില്‍ 82000ത്തോളം മുതിര്‍ന്നവരും അന്‍പതിനായിരത്തോളം കുട്ടികളും ഉള്‍പ്പെടുന്നതായും കണക്കുകള്‍ പറയുന്നു. ഹെരിയറ്റ് വാട്ട് യൂണിവേഴ്‌സിറ്റിയാണ് ഇത് സംബന്ധിച്ച പഠനം നടത്തിയത്. 2016 ല്‍ 9100ത്തോളം ആളുകളാണ് തറയില്‍ അന്തിയുറങ്ങിയിരുന്നതെങ്കില്‍ 68,300 ഓളംപേര്‍ സോഫയുടെ മുകളില്‍ ഉറങ്ങുന്നവരാണ്. 19,300 ഓളം പേര്‍ താല്‍ക്കാലിക സംവിധാനങ്ങളില്‍ അന്തിയുറങ്ങുമ്പോള്‍ 37,200 പേര്‍ ഹോസ്റ്റലുകളില്‍ താമസസൗകര്യം കണ്ടെത്തുന്നു.
ഇത് കൂടാതെ 2600 ഓളം പേര്‍ മറ്റ് സാഹചര്യങ്ങളിലാണ് ജീവിക്കുന്നത്. 8900ത്തോളം പേര്‍ ടെന്റുകളിലോ, കാറുകള്‍ അല്ലെങ്കില്‍ പൊതുഗതാഗത സംവിധാനങ്ങള്‍ എന്നിവിടങ്ങളില്‍ കിടന്നുറങ്ങുമ്പോള്‍ 12000ത്തിലധികം പേര്‍ ഏവിടെയെങ്കിലും ഇരുന്ന് നേരം വെളുപ്പിക്കുന്നവരാണ്. 5000ത്തോളം ആളുകള്‍ സ്ത്രീകള്‍ക്കുള്ള അഭയാര്‍ത്ഥി കേന്ദ്രങ്ങളിലോ വിന്റര്‍ നൈറ്റ് ഷെല്‍ട്ടറുകളിലോ അഭയം തേടാറുണ്ട്.


2010 ല്‍ കണ്‍സര്‍വേറ്റീവ് പാര്‍ട്ടി അധികാരത്തിലെത്തിയ ശേഷം ഭവനരഹിതരായവരുടെ എണ്ണം മൂന്നിലൊന്ന് വര്‍ദ്ധിച്ചതായി കണക്കുകള്‍ വ്യക്തമാക്കുന്നു. ഇംഗ്ലണ്ടില്‍ ഏപ്രില്‍ 2016 നും മാര്‍ച്ച് 2017 നും ഇടയില്‍ ഏകദേശം അറുപതിനായിരത്തോളം കുടുംബങ്ങളെ ഭവനരഹിതരായി ലോക്കല്‍ കൗണ്‍സിലുകള്‍ പ്രഖ്യാപിച്ചിരുന്നു. ഇത് 2010-11 കാലഘട്ടത്തേക്കാള്‍ 34 ശതമാനം കൂടുതലാണ്.



സര്‍ക്കാര്‍ കൂടുതല്‍ വീടുകളും ഷെല്‍ട്ടറുകളും ഉണ്ടാക്കാത്ത പക്ഷം തെരുവിന്റെ സന്തതികളെ പകര്‍ത്താന്‍ ബ്രിട്ടീഷ് മാധ്യമങ്ങള്‍ക്കു അകലേയ്ക്കൊന്നും പോകേണ്ടിവരില്ലെന്നു ചുരുക്കം.

  • ജെറ്റ്സിയ്ക്ക് കൊവന്‍ട്രി നാളെ വിടനല്‍കും; പൊതുദര്‍ശനം വീട്ടില്‍
  • ഹാരി-മേഗന്‍ വിവാഹ ശുശ്രൂഷ നയിക്കാന്‍ സന്നദ്ധതയറിയിച്ച് കാന്റര്‍ബറി ആര്‍ച്ച്ബിഷപ്പ്
  • ബിര്‍മിങ്ഹാമില്‍ താമസിക്കുന്ന കോട്ടയം സ്വദേശിനി കാന്‍സര്‍ രോഗത്തെ തുടര്‍ന്ന് നാട്ടില്‍ മരിച്ചു
  • ബ്രക്‌സിറ്റ് ബില്‍ വോട്ടിങ്ങില്‍ പാര്‍ലമെന്റില്‍ സര്‍ക്കാര്‍ പരാജയപ്പെട്ടു, 11 ഭരണകക്ഷി അംഗങ്ങള്‍ എതിര്‍ത്തു
  • കൊവന്‍ട്രിയില്‍ നിര്യാതയായ ജെറ്റ്സി യുടെ സംസ്കാര ശുശ്രൂഷകള്‍ ശനിയാഴ്ച
  • കീഴ്വഴക്കം തിരുത്തി രാജ്ഞി: രാജകുടുംബത്തിന്റെ ക്രിസ്മസ് ദിനാഘോഷ ചടങ്ങില്‍ ഹാരിക്കൊപ്പം മേഗനും
  • ബെന്നിമാത്യുവിന് അന്ത്യാജ്ഞലി അര്‍പ്പിക്കാന്‍ മലയാളിസമൂഹം മിഡില്‍സ്ബറോയിലേക്ക് , സംസ്‌കാരശുശ്രൂഷകള്‍ രാവിലെ 10ന് തുടങ്ങും
  • മാഞ്ചസ്റ്ററിലെ കൂട്ടക്കൊല: വീടിനു തീയിട്ട അക്രമികള്‍ സമീപത്തെ വീട്ടിലിരുന്നു അത് ആസ്വദിച്ചു
  • മഞ്ഞുവീഴ്ചയ്ക്കു ശമനമില്ല; കൊടുംതണുപ്പിനെ വെല്ലുവിളിച്ച് വഴിയിലിറങ്ങിയ 20കാരന്‍ മരിച്ചുവീണു, മുന്നറിയിപ്പുമായി അധികൃതര്‍
  • യുകെയില്‍ പണപ്പെരുപ്പം ആറുവര്‍ഷത്തെ ഉയര്‍ച്ചയില്‍ ; കുടുംബബജറ്റ്‌ താളം തെറ്റും, പലിശ നിരക്ക് ഉയരാന്‍ സാധ്യത
  •  
        © 2012 ukmalayalamnews.com All rights reserved. Powered by Phoenix Infoway