നാട്ടുവാര്‍ത്തകള്‍

ജാമ്യാപേക്ഷ മാറ്റിയതോടെ ദിലീപിനെ കാണാന്‍ അമ്മ സരോജം ജയിലിലെത്തി

കൊച്ചി: നടി ആക്രമിക്കപ്പെട്ട കേസില്‍ റിമാന്‍ഡില്‍ കഴിയുന്ന ദിലീപിനെ കാണാന്‍ അമ്മ സരോജം ആലുവ സബ് ജയിലെത്തി. ദിലീപിന്റെ സഹോദരന്‍ അനൂപിനൊപ്പം വെള്ളിയാഴ്ച ഉച്ചകഴിഞ്ഞ് 3.25 ഓടെയാണ് ഇവര്‍ സബ് ജയിലില്‍ എത്തിയത്. ദിലീപ് അറസ്റ്റിലായി ഒരു മാസം പിന്നിട്ട സാഹചര്യത്തിലാണ് അമ്മ സബ് ജയിലില്‍ എത്തത്. ദിലീപിന്റെ ജാമ്യാപേക്ഷ ഒരാഴ്ച ഹൈക്കോടതി മാറ്റിവച്ച സാഹചര്യത്തിലാണ് സന്ദര്‍ശനം.

ദിലീപിന്റെ സഹോദരീ ഭര്‍ത്താവ് ശരത്തും സബ് ജയിലില്‍ എത്തിയെങ്കിലും അകത്തേക്ക് പ്രവേശിച്ചില്ല. സഹോദരന്‍ അനൂപ് അല്ലാതെ മറ്റ് അടുത്ത ബന്ധുക്കളൊന്നും ഇതുവരെ ദിലീപിനെ സന്ദര്‍ശിക്കാന്‍ എത്തിയിരുന്നില്ല. അമ്മയോടും മകള്‍ മീനാക്ഷിയോടും ഭാര്യ കാവ്യാ മാധവനോടും തന്നെ കാണാന്‍ വരരുതെന്ന് ദിലീപ് നിര്‍ദേശിച്ചതായി വാര്‍ത്ത വന്നിരുന്നു. എന്നാല്‍ ജയില്‍ വാസം നീളുന്ന സാഹചര്യത്തില്‍ അമ്മ മകനെ കാണാന്‍ എത്തുകയായിരുന്നു.


ജൂലൈ പത്തിനാണ് ദിലീപ് അറസ്റ്റിലാകുന്നത്. ഇതിനു ശേഷം ദിലീപിനെ മൂന്നു തവണ കോടതി റിമാന്‍ഡ് ചെയ്തിരുന്നു. രാമന്‍പിള്ള അസോസിയേറ്റ്‌സ് കഴിഞ്ഞ ദിവസം ഹൈക്കോടതിയില്‍ വീണ്ടും ജാമ്യാപേക്ഷ സമര്‍പ്പിച്ചിട്ടുണ്ട്.

അതേസമയം, ദിലീപിന് ജാമ്യം ലഭിക്കുന്ന സാഹചര്യമൊഴിവാക്കാന്‍ അന്വേഷണ സംഘം കുറ്റപത്രം നേരത്തേ സമര്‍പ്പിക്കാനും നീക്കം നടത്തുന്നുണ്ട്. ഒരു മാസത്തിനകം കുറ്റപത്രം സമര്‍പ്പിക്കുന്നെന്നാണറിയുന്നത്.


(ചിത്രം കടപ്പാട് -മാതൃഭൂമി ന്യൂസ്)

  • പീഡിപ്പിച്ചയാളുടെ പേരുപറയാന്‍ പലരും എന്നെ നിര്‍ബന്ധിച്ചു, അത് തുറന്നു പറയാത്തതിന് ഒരു കാരണമുണ്ട്- വെളിപ്പെടുത്തലുമായി പാര്‍വതി
  • ഒരിടപാടിന് വാങ്ങുന്നത് 50,000 വ​രെ; ബോളിവുഡ് താരങ്ങള്‍ ഉള്‍പ്പെട്ട പെണ്‍വാണിഭസംഘം പിടിയില്‍
  • സോളാര്‍ റിപ്പോര്‍ട്ട് റദ്ദാക്കണമെന്ന് ആവശ്യപ്പെട്ട് ഉമ്മന്‍ ചാണ്ടി ഹൈക്കോടതിയില്‍
  • ബിജെപി വിറച്ചു; രാഹുല്‍ ഇനി പപ്പുവല്ല
  • ഹിമാചലില്‍ ഉദിച്ചുയര്‍ന്ന് ഇന്ത്യന്‍ 'ജെറമി കോര്‍ബിന്‍ '; ചരിത്രം കുറിച്ച് സിപിഎം
  • ഉണ്ണിമുകുന്ദനെതിരെ യുവതിയുടെ മാനഭംഗക്കേസ്; നടന്റെ പരാതിയില്‍ ആന്റി ക്ളൈമാക്സ്
  • കടുത്ത പോരാട്ടത്തില്‍ ഗുജറാത്ത് ബിജെപിക്ക്; ഹിമാചലിലും അധികാരത്തില്‍
  • മുന്നണി പ്രവേശനമുണ്ടെന്ന് കെഎം മാണി; പിണറായി വിജയനോട് എപ്പോഴും സോഫ്റ്റ് കോര്‍ണര്‍
  • പ്രധാനമന്ത്രി കേരളത്തിലെ ഓഖി ദുരന്തബാധിത പ്രദേശങ്ങള്‍ സന്ദര്‍ശിക്കും; ബേപ്പൂരില്‍ നിന്ന് രണ്ട് മൃതദേഹങ്ങള്‍ കൂടി കണ്ടെത്തി
  • വെറുപ്പിന്റെ രാഷ്ട്രീയമല്ല, സ്‌നേഹത്തിന്റെ രാഷ്ട്രീയമാണ് കോണ്‍ഗ്രസിന്റേത്; ബിജെപിയെയും മോഡിയെയും കടന്നാക്രമിച്ച് രാഹുല്‍ ഗാന്ധി
  •  
        © 2012 ukmalayalamnews.com All rights reserved. Powered by Phoenix Infoway