യു.കെ.വാര്‍ത്തകള്‍

ഭവനരഹിതരെയും ഭിന്നശേഷിയുള്ളവരെയും അടിമകളാക്കി; ഒരു കുടുംബത്തിലെ 11 പേര്‍ കുറ്റക്കാര്‍

ലണ്ടന്‍ : ഭവനരഹിതരെയും ഭിന്നശേഷിയുള്ളവരെയും ദശാബ്ദങ്ങളായി അടിമകളാക്കിയ കുടുംബത്തിലെ എല്ലാ അംഗങ്ങളും കുറ്റക്കാരാണെന്ന് കണ്ടെത്തി. ലിങ്കണ്‍ഷയറിലുള്ള റൂണി കുടുംബത്തിലെ 11 പേര്‍ കുറ്റക്കാരാണെന്ന് നോട്ടിംഗ്ഹാം ക്രൗണ്‍ കോടതിയാണ് കണ്ടെത്തിയത്. ഭിക്ഷക്കാരെയും ഭിന്നശേഷിയുള്ളവരെയുമൊക്കെ ഇവര്‍ കുറഞ്ഞ ശമ്പളത്തിനോ അല്ലെങ്കില്‍ ശമ്പളമില്ലാതെയോ ജോലികള്‍ക്ക് നിയോഗിച്ചതായാണ് കണ്ടെത്തിയത്. ഇവരെ അടിമവേല ചെയ്യിച്ചു വീട്ടുകാര്‍ ആഡംബര ജീവിതമാണ് നയിച്ചിരുന്നതെന്ന് കോടതി കണ്ടെത്തി. തട്ടിപ്പ്, അടമത്വം എന്നീ കുറ്റങ്ങള്‍ ചുമത്തിയാണ് കോടതി വിധിച്ചത്. 26 വര്‍ഷമായി ഇവര്‍ ഈ രീതി തുടര്‍ന്നു വരികയായിരുന്നു.


മദ്യത്തിനും മയക്കുമരുന്നിനും അടിമകളായവരെയും പെട്ടെന്ന് കീഴ്‌പ്പെടുത്താന്‍ കഴിയുന്നവരെയും തെരുവുകളില്‍ നിന്ന് തേടിപ്പിടിച്ചാണ് ഇവര്‍ അടിമകളാക്കിയിരുന്നത്. അടിമകളെ നിരന്തരം ഭീഷണിപ്പെടുത്തുകയും മര്‍ദ്ദിക്കുകയും ചെയ്യുമായിരുന്നു. കണ്ടെത്തിയവരില്‍ ഒരാള്‍ 26 വര്‍ഷത്തോളമായി ഇവര്‍ക്കുവേണ്ടി അടിമപ്പണി ചെയ്യുകയായിരുന്നു. ഇരയാക്കപ്പെട്ടവര്‍ നേരിട്ട മാനസികാഘാതം വളരെ വലുതാണെന്ന് പ്രോസിക്യൂട്ടര്‍ പറഞ്ഞു. ചിലര്‍ക്ക് ഭക്ഷണം ലഭിക്കാത്തതുമൂലമുള്ള ആരോഗ്യപ്രശ്‌നങ്ങളും ഉണ്ടായിരുന്നു.


ജോലിയും താമസ സൗകര്യവും വാഗ്ദാനം ചെയ്താണ് ഇവര്‍ ഇരകളെ കണ്ടെത്തിയിരുന്നത്. എന്നാല്‍ ഇവര്‍ക്ക് വേണ്ട സൗകര്യമോ ആവശ്യത്തിന് വെള്ളമോ ലഭ്യമാക്കിയില്ല. അടിമകളാക്കപ്പെടുന്നവരെ മാലിന്യം നിറഞ്ഞ അന്തരീക്ഷത്തിലായിരുന്നു പാര്‍പ്പിച്ചിരുന്നത്.അടുത്തുള്ള കാട്ടിലായിരുന്നു ഇവര്‍ക്ക് പ്രാഥമികാവശ്യങ്ങള്‍ നിറവേറാന്‍ സൗകര്യം കൊടുത്തത്. ഇവര്‍ തയ്യാറാക്കിയ കരാര്‍ ഒപ്പിടാന്‍ വിസമ്മതിച്ച ഒരു ഇരയെക്കൊണ്ട് സ്വന്തം കുഴിമാടം കുതിച്ചതായും അന്വേഷണത്തില്‍ കണ്ടെത്തിയിട്ടുണ്ട്. 18 പേരെ ഇവര്‍ അടിമകളാക്കിയിട്ടുണ്ടെന്നും കണ്ടെത്തി.


ജോലിക്കാര്‍ സമ്പാദിച്ച് നല്‍കുന്ന തുക കൊണ്ട് യജമാനന്‍മാര്‍ ബാര്‍ബഡോസില്‍ അവധിക്കാലം ആഘോഷിച്ചതായും കോസ്‌മെറ്റിക് സര്‍ജറി നടത്തിയതായും മാഞ്ചസ്റ്റര്‍ യുണൈറ്റഡിന്റെ സോക്കര്‍ സ്‌കൂളില്‍ പരിശീലനം നേടിയതായും കോടതി കണ്ടെത്തി.
ലിങ്കണ്‍ഷയര്‍ പൊലീസും നാഷണല്‍ ക്രൈം ഏജന്‍സിയും 2014 ല്‍ നടത്തിയ റെയ്ഡിലാണ് 18 നും 63 നും ഇടയില്‍ പ്രായമുള്ള പുരുഷന്‍മാരെ മോചിപ്പിച്ചത്.

  • ഗെര്‍ട്ട് ചുഴലിക്കാറ്റ് വീശുന്നു: യുകെയില്‍ ചൂട് കണക്കും , ചിലയിടങ്ങളില്‍ മഴ
  • ഇന്ത്യന്‍ ബാലനായ രാഹുല്‍ ദോഷിക്ക് യു കെയിലെ 'ചൈല്‍ഡ് ജീനിയസ്' പട്ടം
  • ഡയാനയുടെ വെളിപ്പെടുത്തല്‍ : ചാള്‍സിന്റെ ജനസമ്മതി കുത്തനെ ഇടിഞ്ഞു; കാമില്ലയുടെ ജനപിന്തുണ വെറും 14%
  • ആയിരക്കണക്കിന് കുട്ടികളുടെ ജിസിഎസ്ഇ ഫലം തെറ്റാനിടയുണ്ടെന്ന് റിപ്പോര്‍ട്ട്; മലയാളി വിദ്യാര്‍ത്ഥികള്‍ ആശങ്കയില്‍
  • ബ്രിട്ടീഷ് പ്രധാനമന്ത്രിയെ ടോം ആദിത്യ സന്ദര്‍ശിച്ചു, നേഴ്‌സുമാര്‍ക്കു വേണ്ട ഐ.എല്‍.ടി.എസ് സ്‌കോര്‍ 6 ആയി കുറക്കണമെന്ന് നിര്‍ദേശിച്ചു
  • നാണയപ്പെരുപ്പ നിരക്ക് മുകളിലോട്ട്; ഉപഭോതാക്കള്‍ ചെലവുചുരുക്കലില്‍ ,യുകെയില്‍ റീട്ടെയില്‍ മേഖല തിരിച്ചടിയില്‍
  • എന്‍എച്ച്എസിന്റെ ഭാവി അപകടത്തില്‍ ; പിന്നില്‍ സര്‍ക്കാരും ജെറമി ഹണ്ടും -സ്റ്റീഫന്‍ ഹോക്കിംഗ് തുറന്നടിക്കുന്നു
  • ബാഴ്‌സലോണ ഭീകരാക്രമണം: രക്ഷപെട്ട മുഖ്യപ്രതിയുടെ ചിത്രം പുറത്തുവിട്ടു, വ്യാപക പരിശോധന
  • ബാഴ്‌സലോണയില്‍ ഭീകരാക്രമണം നടക്കുമ്പോള്‍ ഇന്ത്യന്‍ നടി ഒളിച്ചത് ഫ്രീസറിനുള്ളില്‍
  • പ്രവാസികളുടെ മാതാപിതാക്കള്‍ക്കായി തൊടുപുഴയില്‍ യു കെ മലയാളിയുടെ റിട്ടയര്‍മെന്റ് അപ്പാര്‍ട്ട്മെന്‍റ്
  •  
        © 2012 ukmalayalamnews.com All rights reserved. Powered by Phoenix Infoway