യു.കെ.വാര്‍ത്തകള്‍

കാമില്ലയെ കണ്ടു; വിവാഹജീവിതം അവസാനിച്ചെന്ന് ഡയാന തിരിച്ചറിഞ്ഞ നിമിഷം!

ലണ്ടന്‍ : ഡയാന രാജകുമാരിയുടെ സ്വകാര്യ ജീവിതം പ്രമേയമാക്കിയ വിവാദ ഡോക്യുമെന്ററി പ്രദര്‍ശിപ്പിച്ച് ചാനല്‍ 4 യുകെ ജനതയെ ഓരോ ദിവസവും ഞെട്ടിക്കുകയാണ്. ഡയാന- സ്വന്തം വാക്കുകളിലൂടെ പറഞ്ഞ കാര്യങ്ങളും സുഹൃത്തുക്കള്‍ പറഞ്ഞ കാര്യങ്ങളും ആണ് വിവാദം കത്തിപ്പടര്‍ത്തുന്നത്.


കാമില്ല പാര്‍ക്കര്‍ ചാള്‍സിന്റെ ജീവിതത്തില്‍വന്നതിനെക്കുറിച്ചാണ് വെളിപ്പെടുത്തല്‍ പുറത്തുവരുന്നത്. ചാള്‍സിന് കാമുകിയോടുള്ള ശ്രദ്ധ മാറുന്നതിനായി ചെയ്ത സാഹസങ്ങളും കാമില്ലയുടെ സഹോദരിയുടെ 40-ാം പിറന്നാളിന് ഡയാന വരുന്നുവെന്ന വാര്‍ത്ത കേട്ട് അവര്‍ ഉച്ചത്തില്‍ അസഭ്യം വിളിച്ചെന്നാണ് ജീവനക്കാരുടെ വെളിപ്പെടുത്തല്‍. ചാള്‍സിനെ ക്ഷണിച്ചതിനൊപ്പം ഡയാനയെ പേരിനു ക്ഷണിച്ചിരുന്നുവെന്നല്ലാതെ അവര്‍ പങ്കെടുക്കാന്‍ കാമില്ല ആഗ്രഹിച്ചിരുന്നില്ല. പക്ഷെ രാജകുമാരി മനഃപ്പൂര്‍വ്വമാണ് ചടങ്ങില്‍ പങ്കെടുക്കാന്‍ ഇറങ്ങിയത്. വിവാഹത്തിന് ശേഷം എട്ട് വര്‍ഷം പിന്നിടുമ്പോഴായിരുന്നു ഈ അകല്‍ച്ച. ബര്‍ത്ത്‌ഡേ പാര്‍ട്ടിയുടെ ആ രാത്രിയില്‍ തന്റെ ഭര്‍ത്താവിനെ പൂര്‍ണ്ണമായി നഷ്ടപ്പെട്ടെന്ന് ഡയാന തിരിച്ചറിയുകയായിരുന്നു എന്ന് ഡോക്യുമെന്ററി പറയുന്നു.



പാര്‍ട്ടിയില്‍ ഡയാന രാജകുമാരിയും, കാമില്ലയും നേര്‍ക്കുനേര്‍ സംസാരിക്കുന്ന ഘട്ടവുമെത്തി. രണ്ട് മക്കളും, ലോകത്തെ പുരുഷന്‍മാര്‍ മുഴുവനും നല്‍കുന്ന ശ്രദ്ധയും പോരെയെന്നായിരുന്നു കാമില്ലയുടെ ചോദ്യംമാത്രേ. തന്റെ ഭര്‍ത്താവിനെ വേണമെന്നായിരുന്നു ഡയാനയുടെ മറുപടി. ആ ശ്രമം വിജയിച്ചില്ല, അന്ന് ഡയാന തന്റെ വിവാഹ ജീവിതം അവസാനിച്ചെന്ന് തിരിച്ചറിഞ്ഞു , എന്ന് സുഹൃത്തുക്കള്‍ വ്യക്തമാക്കുന്നു.


ഡയാനയുടെ സ്വാകാര്യ ജീവിതത്തില്‍ നിന്നുമുള്ള രംഗങ്ങള്‍ ഡോക്യുമെന്ററിയില്‍ നിന്ന് ഒഴിവാക്കണമെന്ന ആവശ്യം ഉയര്‍ന്നെങ്കിലും ചരിത്രപരമായി പ്രാധാന്യമര്‍ഹിക്കുന്ന വിവരങ്ങള്‍ ആയതുകൊണ്ട് ഇവ ഒഴിവാക്കാന്‍ കഴിയില്ലെന്നായിരുന്നു ചാനല്‍ 4 ഉടമകളുടെ നിലപാട്.

  • ആശങ്കയില്ല; ബ്രക്‌സിറ്റ് നടപടികളുമായി മുന്നോട്ടെന്ന് തെരേസ മേ
  • ആന്‍സിയെ ജന്മനാട് കണ്ണീരോടെ യാത്രയാക്കി ; അന്ത്യാഞ്ജലി അര്‍പ്പിക്കാന്‍ ആയിരങ്ങള്‍
  • ലണ്ടന്‍ തെരുവിലൂടെ നടക്കവെ 70-കാരന്‍ കത്തിയമര്‍ന്നു; കാരണമറിയാതെ പോലീസ്
  • ശമ്പളവര്‍ധനയില്ല; നഴ്‌സുമാര്‍ക്ക്‌ പാര്‍ക്കിംഗ് ഫീസ് 1300 പൗണ്ട്, എന്‍എച്ച്എസിന്റെ കൊള്ളയ്ക്കെതിരെ എം.പിമാര്‍
  • യുകെ കാത്തിരിക്കുന്ന ഹാരി-മേഗന്‍ രാജകീയ വിവാഹം മെയ് 19 ശനിയാഴ്ച; വിവാഹം സെന്റ് ജോര്‍ജ്ജ് ചാപ്പലില്‍
  • ബെന്നിയുടെ ഓര്‍മ്മകളില്‍ വിങ്ങിപ്പൊട്ടി കുടുംബം; ബെന്നി മാത്യൂവിന് മലയാളി സമൂഹം കണ്ണീരോടെ വിട നല്‍കി
  • ജെറ്റ്സിയ്ക്ക് കൊവന്‍ട്രി നാളെ വിടനല്‍കും; പൊതുദര്‍ശനം വീട്ടില്‍
  • ഹാരി-മേഗന്‍ വിവാഹ ശുശ്രൂഷ നയിക്കാന്‍ സന്നദ്ധതയറിയിച്ച് കാന്റര്‍ബറി ആര്‍ച്ച്ബിഷപ്പ്
  • ബിര്‍മിങ്ഹാമില്‍ താമസിക്കുന്ന കോട്ടയം സ്വദേശിനി കാന്‍സര്‍ രോഗത്തെ തുടര്‍ന്ന് നാട്ടില്‍ മരിച്ചു
  • ബ്രക്‌സിറ്റ് ബില്‍ വോട്ടിങ്ങില്‍ പാര്‍ലമെന്റില്‍ സര്‍ക്കാര്‍ പരാജയപ്പെട്ടു, 11 ഭരണകക്ഷി അംഗങ്ങള്‍ എതിര്‍ത്തു
  •  
        © 2012 ukmalayalamnews.com All rights reserved. Powered by Phoenix Infoway