അസോസിയേഷന്‍

യുക്മ ദേശീയ കലാമേള ഒക്ടോബര്‍ 28ന്; പരിഷ്‌ക്കരിച്ച കലാമേള മാനുവല്‍ പ്രസിദ്ധീകരിച്ചു

പുകള്‍പെറ്റ മലയാളനാടിന്റെ യശസ്സ് മറുനാട്ടില്‍ കെങ്കേമമാക്കിയ ‘യുക്മ കേരളാ കാര്‍ണിവല്‍ ബോട്ട് റേസി’ന്റെ ആരവം കെട്ടടങ്ങും മുന്‍പേ കലയുടെ മാമാങ്കത്തിന് കേളികൊട്ട് ഉയരുകയായി. എട്ടാമത് യുക്മ ദേശീയ കലാമേളയുടെ മുന്നൊരുക്കങ്ങളുമായി യുക്മ ദേശീയ- റീജിയണല്‍ നേതൃത്വങ്ങള്‍ വീണ്ടും സജീവമാകുകയാണ്.
ഒക്ടോബര്‍ 28 ശനിയാഴ്ച സൗത്ത് ഈസ്റ്റ് റീജിയന്റെ ആതിഥേയത്തില്‍ നടക്കുന്ന ദേശീയ കലാമേളയുടെ പരിഷ്‌ക്കരിച്ച മാനുവല്‍ പ്രസിദ്ധീകരിച്ചു.


പുതുതായി കൂട്ടിച്ചേര്‍ത്തിരിക്കുന്ന സബ് ജൂനിയര്‍, ജൂനിയര്‍ വിഭാഗങ്ങള്‍ക്കുള്ള ഇംഗ്ലീഷ് പ്രസംഗ മത്സരങ്ങള്‍ എട്ടാമത് കലാമേളയുടെ സവിശേഷത ആയിരിക്കും. മേളയുടെ ഇ-മാനുവലും പി ഡി എഫ് പതിപ്പും എല്ലാ യുക്മ ദേശീയ ഭാരവാഹികള്‍ക്കും, റീജിയണല്‍ പ്രസിഡന്റ്- സെക്രട്ടറിമാര്‍ക്കും അയച്ചുകഴിഞ്ഞതായി യുക്മ ദേശീയ ജനറല്‍ സെക്രട്ടറി റോജിമോന്‍ വര്‍ഗീസ് അറിയിച്ചു.


പുനഃസംഘടിപ്പിക്കപ്പെട്ട നോര്‍ത്ത് ഈസ്റ്റ് റീജിയണില്‍ ഉള്‍പ്പെടെ ഒന്‍പത് യുക്മ റീജിയനുകളിലും നടക്കുന്ന റീജിയണല്‍ കലാമേളകളിലെ വിജയികളായിരിക്കും ദേശീയ കലാമേളയില്‍ മാറ്റുരക്കുന്നത്. ലോക പ്രവാസി സംഘടനകളില്‍ വച്ചേറ്റവും ജനകീയമായ യുക്മയുടെ ദേശീയ കലാമേളകള്‍ കേരളത്തിന് പുറത്ത് ഏറ്റവും കൂടുതല്‍ മലയാളികള്‍ ഒത്തുചേരുന്ന കലാമത്സര വേദിയാകുന്നു. കാണികളും മത്സരാര്‍ത്ഥികളും വിപുലമായ സംഘാടക നിരയും ചേര്‍ന്ന് അയ്യായിരത്തോളം മലയാളികള്‍ ഒത്തുചേരുന്ന യുക്മ ദേശീയ കലാമേളകള്‍ പ്രവാസി സമൂഹത്തിലെ മലയാണ്മയുടെ മഹാ ഉത്സവമാണെന്ന് യുക്മ ദേശീയ പ്രസിഡന്റ് മാമ്മന്‍ ഫിലിപ്പ് അഭിപ്രായപ്പെട്ടു.



കലാമേള ലോഗോ മത്സരം
മുന്‍ വര്‍ഷങ്ങളിലേതിന് സമാനമായി ഇത്തവണയും യുക്മ കലാമേളയ്ക്ക് അനുയോജ്യമായ ലോഗോകള്‍ ക്ഷണിക്കുന്നു. യുകെ മലയാളികള്‍ക്ക് മാത്രമായിരിക്കും മത്സരത്തില്‍ പങ്കെടുക്കുവാന്‍ യോഗ്യത ഉണ്ടായിരിക്കുന്നത്. ഓഗസ്‌റ് 31 ന് മുന്‍പായി secretary.ukma@gmail.com എന്ന ഇ-മെയില്‍ വിലാസത്തിലേക്ക് എന്‍ട്രികള്‍ അയക്കേണ്ടതാണെന്ന് ദേശീയ കലാമേള കോ- ഓര്‍ഡിനേറ്ററും യുക്മ ദേശീയ ജോയിന്റ് സെക്രട്ടറിയുമായ ഓസ്റ്റിന്‍ അഗസ്റ്റിന്‍ അറിയിച്ചു. ലോഗോകളോടൊപ്പം മത്സരാര്‍ത്ഥികളുടെ പേരും മേല്‍വിലാസവും ഫോണ്‍ നമ്പറും ഉള്‍പ്പെടുത്തേണ്ടതാണ്. ഒരാള്‍ക്ക് രണ്ട് എന്‍ട്രികള്‍വരെയാണ് അയക്കാവുന്നത്. വിജയിയെ യുക്മ ദേശീയ കലാമേള വേദിയില്‍വച്ചു പുരസ്‌ക്കാരം നല്‍കി ആദരിക്കുന്നതാണ്.

ഈ വാര്‍ത്തയോടൊപ്പം കൊടുത്തിരിക്കുന്ന കലാമേള ഇ- മാനുവല്‍, പി ഡി എഫ് പതിപ്പുകള്‍ കാണുവാന്‍ താഴെ കൊടുത്തിരിക്കുന്ന ലിങ്കുകളില്‍ ക്ലിക്ക് ചെയ്യുക. കൂടുതല്‍ വിവരങ്ങള്‍ക്കായി യുക്മയുടെ ഔദ്യോഗീക വെബ്‌സൈറ്റായ www.uukma.org സന്ദര്‍ശിക്കാവുന്നതാണ്.


https://issuu.com/uukma-kalamela-2015/docs/uukma_kalamela_e-manual_2017_2cc4da929975be

  • കെറ്ററിംഗ്‌ ക്നാനായ കാത്തലിക് അസോസിയേഷന് നവനേതൃത്വം
  • യുക്മ 'യുഗ്രാന്റ് 'ലോട്ടറി: ഷെഫീല്‍ഡിലെ സിബിക്ക് ബ്രാന്‍ഡ് ന്യൂ വോക്‌സ് വോഗണ്‍ കാര്‍
  • പഠന ക്ളാസുകളും വിദഗ്ധ ഉപദേശങ്ങളും ഉള്‍പ്പെടുത്തി റീജിയണല്‍ കോണ്‍ഫറന്‍സുകളുമായി യുക്മ നഴ്സസ് ഫോറം
  • കേരളത്തിന്റെ സാംസ്‌കാരിക തനിമ വിളിച്ചോതി ചേതന യുകെ കേരളപ്പിറവി ആഘോഷിച്ചു
  • മാഞ്ചസ്റ്റര്‍ മലയാളി കള്‍ച്ചറല്‍ അസോസിയേഷന് നവനേതൃത്വം; അലക്‌സ് വര്‍ഗ്ഗീസ് വീണ്ടും പ്രസിഡന്റ്, ജനീഷ് കുരുവിള ജനറല്‍ സെക്രട്ടറി
  • ബ്രിസ്റ്റോള്‍ ആദ്രകലാ കേന്ദ്രയുടെ നേതൃത്വത്തില്‍ 25ന് നൃത്ത സന്ധ്യ; ചലച്ചിത്ര താരം ശങ്കര്‍ മുഖ്യാതിഥിയാകും
  • 2018ലെ യുക്മ കലണ്ടര്‍ ; യു.കെ മലയാളികള്‍ക്കിടയില്‍ വന്‍പ്രചാരം നേടുന്നു
  • യുകെകെസിഎ ബാഡ്മിന്റണ്‍ : അജയ്യരായി സ്റ്റോക് ഓണ്‍ ട്രെന്‍ഡ്, ആറാം തവണയും കിരീടം
  • ഗ്ലാസ്‌ഗോ ക്‌നാനായ അസോസിയേഷന് പുതു നേതൃത്വം; ബെന്നി കുടിലില്‍ പ്രസിഡന്റ്. ഷിബു പള്ളിപ്പറമ്പില്‍ സെക്രട്ടറി
  • ബെഡ്ഫോര്‍ഡ് മലയാളി അസോസിയേഷന് നവ നേതൃത്വം
  •  
        © 2012 ukmalayalamnews.com All rights reserved. Powered by Phoenix Infoway