വിദേശം

ഇന്ത്യയ്ക്ക് വംശീയ അധിക്ഷേപവും പരിഹാസവുമായി ചൈനയുടെ വീഡിയോ


ഇന്ത്യ- ചൈന അതിര്‍ത്തി തര്‍ക്കം രൂക്ഷമായിരിക്കെ ഇന്ത്യയ്ക്ക് വംശീയ അധിക്ഷേപവും പരിഹാസവുമായി ചൈനയുടെ വീഡിയോ. ഡോക്‌ലാം വിഷയത്തില്‍ ഇന്ത്യന്‍ നിലപാടിനെ പരിഹസിച്ച് ചൈനീസ് വീഡിയോ. ചൈനീസ് വാര്‍ത്താ ഏജന്‍സിയായ സിന്‍ഹുവാ ആണ് ട്വിറ്ററിലൂടെ വീഡിയോ പുറത്തുവിട്ടിരിക്കുന്നത്. ഡോക്‌ലാം വിഷയത്തില്‍ ഇന്ത്യ ചെയ്ത ഏഴ് പാപങ്ങള്‍ എന്ന് എണ്ണിപ്പറഞ്ഞാണ് വീഡിയോ.

ഇംഗ്ലീഷ് സംസാരിക്കുന്ന ഒരു യുവതിയാണ് വീഡിയോയിലുള്ളത്. ദൃശ്യങ്ങളുടേയും ഇന്‍ഫോഗ്രാഫിക്‌സുകളുടേയും സഹായത്തോടെയുള്ള വീഡിയോയില്‍ ഇന്ത്യയെ രൂക്ഷമായ ഭാഷയില്‍ വിമര്‍ശിക്കുകയും ചില കാര്യങ്ങള്‍ പരാമര്‍ശിച്ച് പരിഹസിക്കുന്നുമുണ്ട്. ന്യൂഡല്‍ഹിയുടെ ഏഴ് പാപങ്ങള്‍ എന്ന പേരിലാണ് ഇന്ത്യയ്‌ക്കെതിരെയുള്ള വാദങ്ങളുള്ളത്.
ഇന്ത്യയെ പ്രതിനിധീകരിക്കുന്ന രീതിയില്‍ തലപ്പാവ് വച്ച ഒരാളേയും വീഡിയോയില്‍ കാണാം. ഇന്ത്യയ്ക്ക് വേണ്ടി വാദിക്കുന്ന ഈ കഥാപാത്രത്തെ പരിഹാസ രൂപേണെയാണ് വീഡിയോയില്‍ ചിത്രീകരിച്ചിരിക്കുന്നത്. ഭൂട്ടാന്‍ പ്രതിനിധിയെന്ന തരത്തില്‍ ഒരാളും വീഡിയോയിലുണ്ട്.
ചൈനയുടെ ഭൂപ്രദേശത്തില്‍ ഇന്ത്യ അതിക്രമിച്ചിട്ട് കയറിയിട്ട് ഇത് രണ്ട് മാസമാവുന്നു. ഇന്ത്യ- ചൈന സൈന്യം ഡോക്‌ലാമില്‍ മുഖാമുഖം നില്‍ക്കുകയാണ്. ഇതിനു പിന്നാലെയാണ് കഴിഞ്ഞ ദിവസം ഉണ്ടായ കല്ലേറും. ഇന്ത്യയടക്കമുള്ള അന്താരാഷ്ട്ര സമൂഹത്തിനറിയാം തര്‍ക്കം നിലനില്‍ക്കുന്ന പ്രദേശം ചൈനയുടേതാണെന്ന്. എന്നാല്‍ സത്യം ഉള്‍ക്കൊള്ളാതെ ഉറക്കം നടിക്കുന്ന ഇന്ത്യയെ എങ്ങനെ ഉണര്‍ത്താനാണ്!? വീഡിയോയില്‍ ആരോപിക്കുന്നു.
നിങ്ങള്‍ക്ക് ഞങ്ങളോട് കളിക്കണമെങ്കില്‍ അത് ഞങ്ങളുടെ വീട്ടില്‍ നിന്നും പുറത്തിറങ്ങിയതിനു ശേഷം മാത്രമെന്നും വീഡിയോയില്‍ മുന്നറിയിപ്പ് നല്‍കുന്നുണ്ട്.

  • മെക്‌സിക്കോയെ നടുക്കി ഭൂചലനം: മരണം 250 കവിഞ്ഞു, കെട്ടിടങ്ങള്‍ നിലംപൊത്തി
  • ലണ്ടന്‍ ഭീകരാക്രമണത്തിന്റെ പശ്ചാത്തലത്തില്‍ യാത്രാവിലക്ക് ശക്തമാക്കാന്‍ ട്രംപ് ഭരണകൂടം
  • ഭീഷണിയ്ക്കു പിന്നാലെ ഉത്തര കൊറിയയുടെ മിസൈല്‍ ജപ്പാന്റെ തലയ്ക്ക് മീതെ വീണ്ടും പറന്നു
  • ജപ്പാനെ കടലില്‍ മുക്കും; അമേരിക്കയെ ഭസ്മമാക്കും: പ്രകോപനവുമായി വീണ്ടും ഉത്തര കൊറിയ
  • ദാവൂദ് ഇബ്രാഹിമിന്റെ 670 കോടിയുടെ സ്വത്തുക്കള്‍ ബ്രിട്ടണ്‍ കണ്ടുകെട്ടി
  • ഫ്‌ളോറിഡയില്‍ സംഹാര രൂപം പൂണ്ട് 'ഇര്‍മ'; നാല് മരണം; 63 ലക്ഷം പേരോട് ഒഴിഞ്ഞുപോകാന്‍ നിര്‍ദ്ദേശം
  • വാഹനത്തില്‍ തലയിടിച്ചു മാര്‍പാപ്പയ്ക്ക് പരിക്ക്; തനിക്കൊരു 'ഇടി കിട്ടി'യെന്ന് പാപ്പാ
  • കുടിയേറ്റ നിയമം കര്‍ശനമാക്കി ട്രംപ്; ഇന്ത്യക്കാരുടെ ഭാവി തുലാസില്‍ , ക്രൂരമായ തീരുമാനമെന്ന് ഒബാമ
  • 'മിനി ഇന്ത്യ'യായ സിംഗപ്പൂരില്‍ ഇന്ത്യക്കാരന്‍ പ്രസിഡന്റ്
  • ബേനസീര്‍ ഭൂട്ടോ വധക്കേസില്‍ മുഷറഫ് പിടികിട്ടാപ്പുള്ളി; സ്വത്തുക്കള്‍ കണ്ടുകെട്ടാന്‍ ഉത്തരവ്
  •  
        © 2012 ukmalayalamnews.com All rights reserved. Powered by Phoenix Infoway