ചരമം

റഗ്ബിയില്‍ വീട്ടില്‍ കുഴഞ്ഞുവീണ കൊല്ലം സ്വദേശി ആന്റണി മരിച്ചു, വിയോഗം മകളുടെ വിവാഹ ഒരുക്കത്തിനിടെ

ലണ്ടന്‍ : കവന്‍ട്രിയിലെ റഗ്ബിയില്‍ വീട്ടില്‍ കുഴഞ്ഞുവീണ കൊല്ലം സ്വദേശി ആന്റണി(53 ) മരിച്ചു. കവന്‍ട്രി യൂണിവേഴ്‌സിറ്റി ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലായിരുന്നു.കഴിഞ്ഞ ദിവസം വീട്ടില്‍ കുഴഞ്ഞുവീണതോടെ ആശുപത്രിയില്‍ പ്രവേശിപ്പിച്ച ആന്റണിയെ വെന്റിലേറ്ററിന്റെ സഹായത്തോടെയാണ് ജീവന്‍ നിലനിര്‍ത്തിയത്.

ഏതാനും ആഴ്ചമാത്രമേ ഉണ്ടായിരുന്നുള്ളൂ മകളുടെ വിവാഹത്തിന്. ഇതിന്റെ ഒരുക്കങ്ങള്‍ നടന്നു വരികയായിരുന്നു. കാലങ്ങളായി രോഗബാധിതനായിരുന്നെങ്കിലും മരുന്നുകളുമായാണ് ആന്റണി നടന്നിരുന്നത്. കഴിഞ്ഞ ദിവസം സുഹൃത്തുമായി ഫോണില്‍ സംസാരിച്ചുകൊണ്ടിരിക്കുമ്പോള്‍ നിലത്ത് വീഴുകയായിരുന്നു. തുടര്‍ന്ന് കവന്‍ട്രി യൂണിവേഴ്‌സിറ്റി ആശുപത്രിയില്‍ പ്രവേശിപ്പിച്ചു. ആന്റണിയും ഭാര്യയും റോയല്‍ മെയില്‍ ജീവനക്കാരാണ്.

വളരെ വര്‍ഷങ്ങളായി യുകെയില്‍ താമസിച്ചുവരികയാണ് കുടുംബം.കൊല്ലം സ്വദേശികളാണ്. ഇരുവരുടേയും കുടുംബം യുകെയില്‍ ഉള്ളതിനാല്‍ ഇവിടെ വച്ച് തന്നെ സംസ്‌കാരം നടത്താനാണ് തീരുമാനം.

നോട്ടിങ്ഹാം യൂണിവേഴ്‌സില്‍ നിന്ന് മകള്‍ പഠനം പൂര്‍ത്തിയാക്കിയിരുന്നു. ഡെര്‍ബിയില്‍ നിന്ന് മകന്റെ സ്‌കൂളില്‍ പോകാനുള്ള സൗകര്യം പരിഗണിച്ച് റഗ്ബിയിലേക്ക് താമസം മാറ്റി.ഇവിടത്തെ ഗ്രാമര്‍ സ്‌കൂളില്‍ പത്താം ക്ലാസ് വിദ്യാര്‍ത്ഥിയാണ് മകന്‍ .

  • ഒമാനില്‍ കോട്ടയം സ്വദേശി ഹൃദയാഘാതംമൂലം മരിച്ചു
  • സൗദി മരുഭൂമിയിലെ റോഡരികില്‍ മലയാളി ദമ്പതികള്‍ മരിച്ച നിലയില്‍
  • സലാലയില്‍ വാഹനാപകടത്തില്‍ മലയാളി മരിച്ചു
  • ഇരവിപേരൂരില്‍ വെടിപ്പുരയ്ക്ക് തീപിടിച്ച് 2 മരണം, 4 പേര്‍ക്ക് ഗുരുതരം
  • ആലപ്പുഴയില്‍ യുവതി വെട്ടേറ്റു മരിച്ചു
  • സീരിയല്‍ താരം ഹരികുമാരന്‍ തമ്പി അന്തരിച്ചു
  • കിണര്‍ വൃത്തിയാക്കാനിറങ്ങിയ രണ്ടുപേര്‍ ശ്വാസം മുട്ടി മരിച്ചു
  • കൊച്ചി ഷിപ്പ്‌യാര്‍ഡിലെ കപ്പലില്‍ പൊട്ടിത്തെറി: 5 മരണം, മരിച്ചവരെല്ലാം മലയാളികള്‍
  • ക്രോയ്ഡോണില്‍ മലയാളി യുവതി നിര്യാതയായി
  • യു​​എ​​സി​​ലെ ഷോ​​പ്പിം​​ഗ് മാളില്‍ വെടിവയ്പ്; ഇന്ത്യക്കാരന്‍ കൊല്ലപ്പെട്ടു
  •  
        © 2012 ukmalayalamnews.com All rights reserved. Powered by Phoenix Infoway