നാട്ടുവാര്‍ത്തകള്‍

മോഹന്‍ലാലും മഞ്ജുവും ജോഡിയാകുന്ന 'ഒടിയനെ' ക്കുറിച്ചു ഹൈക്കോടതിയില്‍ ദിലീപിന്റെ അഭിഭാഷകന്‍

കൊച്ചി: മോഹന്‍ലാലും മഞ്ജുവും ജോഡിയാകുന്ന ഒടിയന്‍ സിനിമയെക്കുറിച്ചും ജാമ്യഹര്‍ജിയില്‍ ഹൈക്കോടതിയില്‍ ദിലീപിന്റെ അഭിഭാഷകന്റെ വാദം. പരസ്യചിത്ര സംവിധായകന്‍ ശ്രീകുമാര്‍ മേനോന് ദിലീപിനോട് ശത്രുതയുണ്ടാകാന്‍ കാരണങ്ങളുണ്ടെന്നാണ് ഹൈക്കോടതിയില്‍ ബി.രാമന്‍പിളള വാദിച്ചത്. ശ്രീകുമാര്‍ മേനോന്‍ ആദ്യമായി സംവിധാനം ചെയ്യുന്ന ഒടിയന്‍ എന്ന ചിത്രത്തിന്റെ അണിയറ പ്രവര്‍ത്തനങ്ങള്‍ തടസപ്പെടുത്താന്‍ ദിലീപ് ശ്രമിച്ചുവെന്ന വിശ്വാസമാണിതിന് പിന്നില്‍. ഈ തെറ്റിദ്ധാരണയാണ് കേസില്‍ കുടുക്കാന്‍ ശ്രീകുമാര്‍ മേനോന് പ്രേരണയായതെന്നും വാദമുയര്‍ന്നു.

ദിലീപിനെ ഒഴിവാക്കി ഒരു പ്രമുഖ സ്ഥാപനത്തിന്റെ ബ്രാന്‍ഡ് അംബാസിഡറാക്കി മഞ്ജു വാര്യരെ കൊണ്ടുവന്നത് ശ്രീകുമാര്‍ മേനോനായിരുന്നു. വിവാഹമോചനത്തിന് മുമ്പും മഞ്ജുവാര്യര്‍ ചില പരസ്യചിത്രങ്ങളില്‍ അഭിനയിച്ചിരുന്നു. മാധ്യമങ്ങളുമായി അടുപ്പമുളള ശ്രീകുമാര്‍ മേനോന്‍ തനിക്കെതിരെ പ്രചാരണം നടത്തുന്നുണ്ടെന്ന് മൊഴി നല്‍കിയ സമയത്ത് ചോദ്യം ചെയ്യല്‍ വീഡിയോയില്‍ പകര്‍ത്തിയിരുന്ന അന്വേഷണ സംഘം ക്യാമറ ഓഫാക്കിയതായി ജാമ്യഹര്‍ജിയില്‍ നേരത്തെ ദിലീപ് പറഞ്ഞിരുന്നു.


പരസ്യചിത്ര സംവിധായകനായ ശ്രീകുമാര്‍ മേനോന് ഭരണമുന്നണിയിലെ നേതാവിന്റെ മകനുമായി ബിസിനസ് ബന്ധമുണ്ടെന്നും ജാമ്യഹര്‍ജിയില്‍ ആരോപണമുണ്ട്. ദിലീപിനോട് നീരസം വച്ചുപുലര്‍ത്തുന്ന വ്യക്തിയാണ് ശ്രീകുമാര്‍ മേനോനെന്നും ഹര്‍ജിയില്‍ പറയുന്നു. ചലച്ചിത്ര മേഖലയിലെ ചിലര്‍ തന്റെ ഭാവി തകര്‍ക്കാന്‍ നടത്തിയ ശ്രമത്തിന്റെ ഭാഗമാണ് ഈ കേസ് എന്നാണ് ജാമ്യഹര്‍ജിയില്‍ ദിലീപിന്റെ പ്രധാന വാദം. മോഹന്‍ലാല്‍ നായകനും മഞ്ജു വാര്യര്‍ നായികയുമായ ഫാന്റസി സ്വഭാവമുളള ത്രില്ലര്‍ ചിത്രമാണ് ഒടിയന്‍. ആന്റണി പെരുമ്പാവൂരാണ് ചിത്രത്തിന്റെ നിര്‍മ്മാതാവ്. ചിത്രത്തിന്റെ ഷൂട്ടിങ് വാരണാസിയില്‍ തുടങ്ങി. നേരത്തെ ശ്രീകുമാര്‍ മേനോനില്‍ നിന്ന് അന്വേഷണ സംഘം മൊഴിയെടുത്തിരുന്നു.

  • ആരോഗ്യവകുപ്പിനെ മെഡിസിന്‍, ആയുഷ് എന്ന് രണ്ടായി തിരിക്കും; കരട് ആരോഗ്യനയത്തിന് മന്ത്രിസഭയുടെ അംഗീകാരം
  • പെന്‍ഷന്‍ കിട്ടാതെ ആളുകള്‍ ആത്മഹത്യ ചെയ്യുന്നത് ആദ്യ സംഭവമൊന്നുമല്ലല്ലോയെന്ന് മന്ത്രി കടകംപള്ളി
  • ഫയല്‍ ഒപ്പിടാന്‍ ചെന്നപ്പോള്‍ മന്ത്രി കൈയില്‍ ചുംബിച്ചു; മുന്‍ മന്ത്രിക്കെതിരെ വെളിപ്പെടുത്തലുമായി പിആര്‍ഡി ഉദ്യോഗസ്ഥ
  • ഷുഹൈബ് വധം: സിപിഎമ്മിന് കുരുക്കായി റിമാന്‍ഡ് റിപ്പോര്‍ട്ട്
  • സഭ റോമില്‍ സ്ഥലം വാങ്ങിയതിനെച്ചൊല്ലിയും വിവാദം
  • ഭൂമിയിടപാടില്‍ സര്‍ക്കാരിനോട് ഹൈക്കോടതി വിശദീകരണം തേടി; സഭയുടേത് പൊതു സ്വത്തല്ലെന്ന് കര്‍ദിനാള്‍
  • എം.ജി സര്‍വകലാശാല വൈസ് ചാന്‍സിലറെ ഹൈക്കോടതി അയോഗ്യനാക്കി
  • അറ്റ്‌ലസ് രാമചന്ദ്രന്റെ മോചനത്തിനായി സ്വര്‍ണ വ്യാപാരികളുടെ നേതൃത്വത്തില്‍ ജനകീയ കൂട്ടായ്മ
  • 'ഷുഹൈബിന്റെ കാല് വെട്ടാനായിരുന്നു ക്വട്ടേഷന്‍, എല്ലാം പാര്‍ട്ടി അറിവോടെ'
  • ഫാ തോമസിനെ കസ്റ്റഡിയില്‍ കിട്ടാന്‍ പോലീസ് അപേക്ഷ നല്‍കി, റിസോര്‍ട്ടിലും പള്ളിമേടയിലും തെളിവെടുപ്പ്
  •  
        © 2012 ukmalayalamnews.com All rights reserved. Powered by Phoenix Infoway