ചരമം

അമ്മയുടെ മരണവാര്‍ത്ത അറിഞ്ഞ് നാട്ടിലെത്തിയ അയര്‍ലണ്ട് ക്നാനായക്കാരുടെ അമരക്കാരനായ സണ്ണി ഏബ്രാഹം അന്തരിച്ചു

ഡബ്ലിന്‍ /കോട്ടയം :ഡബ്ലിന്‍ മലയാളിയും,അയര്‍ലണ്ടിലെ സാമൂഹ്യ രാഷ്ട്രീയ മണ്ഡലങ്ങളില്‍ നിറസാന്നിധ്യവുമായിരുന്ന സണ്ണി എബ്രാഹം ഇളംകുളത്ത് (സണ്ണിച്ചേട്ടന്‍-57) അന്തരിച്ചു. ശസ്ത്രക്രിയയെ തുടര്‍ന്ന് ചികിത്സയില്‍ ആയിരുന്ന സണ്ണി ഏബ്രാഹം വ്യാഴാഴ്ച വൈകിട്ട് ആണ് അന്തരിച്ചത്. കോട്ടയം എസ്എച്ച് മൗണ്ട് ഇളംകുളത്ത് പരേതനായ മാത്തന്‍ എബ്രാഹമിന്റെ മകനായ സണ്ണി, മാതാവ് അന്നമ്മ എബ്രാഹ(92)മിന്റെ മരണവിവരമറിഞ്ഞാണ് കേരളത്തിലേയ്ക്ക് പോയത്. അമ്മയുടെ മരണാന്തര ചടങ്ങുകളില്‍ പങ്കെടുക്കാനായി ഓഗസ്റ്റ് 11 നാണു സണ്ണിച്ചേട്ടന്‍ കുടുംബത്തോടൊപ്പം നാട്ടിലേക്ക് പോയത്.


ഡബ്ലിന്‍ മാറ്റര്‍ ഹോസ്പിറ്റലിലെ സ്റ്റാഫ് നഴ്സായ ജാന്‍സി സണ്ണിയാണ് ഭാര്യ. ഞീഴൂര്‍ നെടിയകാലയില്‍ കുടുംബാംഗമാണ് ജാന്‍സി. മക്കള്‍ :സിഞ്ജു മോള്‍, സച്ചു, സഞ്ജു, മൂന്നു പേരും ഡബ്ലിനില്‍ വിദ്യാര്‍ഥികളാണ്. സംസ്കാരം പിന്നീട് .


അയര്‍ലണ്ട് ക്‌നാനായ കത്തോലിക്കാ അസോസിയേഷന്റെ അമരക്കാരനായിരുന്ന സണ്ണി ,വേള്‍ഡ് മലയാളി കൗണ്‍സില്‍ അയര്‍ലണ്ട് പ്രൊവിന്‍സിന്റെ ട്രഷററായും,കേരളാ പ്രവാസി കോണ്‍ഗ്രസിന്റ ഭാരവാഹിയായും പ്രവര്‍ത്തിച്ചു വരികയായിരുന്നു.


പത്തുവര്‍ഷക്കാലത്തിലേറെയായി ഡബ്ലിന്‍ മേഖലയിലെ നൂറുകണക്കിന് മലയാളികളുടെ ഡ്രൈവിംഗ് ഗുരുവും കൂടിയായിരുന്നു സണ്ണി എബ്രാഹം.

സഹോദരങ്ങള്‍ :സൂസമ്മ ജോണ്‍ ,പരേതനായ മാത്യു (കുഞ്ഞച്ചന്‍ ),ജോണ്‍ , ത്രേസ്യാമ്മ ജോസ് ,മരിയ തോമസ് (അമേരിക്ക ),ജോസ് എബ്രാഹം(കോട്ടയം)

  • തിരുവനന്തപുരത്ത് കാറില്‍ കത്തിക്കരിഞ്ഞ മൃതദേഹം
  • കുഞ്ഞിനെ പ്ലാറ്റ്‌ഫോമിലിരുത്തി ദമ്പതികള്‍ ട്രെയിനു മുന്നില്‍ ചാടി മരിച്ചു
  • ഒമാനില്‍ കോട്ടയം സ്വദേശി ഹൃദയാഘാതംമൂലം മരിച്ചു
  • സൗദി മരുഭൂമിയിലെ റോഡരികില്‍ മലയാളി ദമ്പതികള്‍ മരിച്ച നിലയില്‍
  • സലാലയില്‍ വാഹനാപകടത്തില്‍ മലയാളി മരിച്ചു
  • ഇരവിപേരൂരില്‍ വെടിപ്പുരയ്ക്ക് തീപിടിച്ച് 2 മരണം, 4 പേര്‍ക്ക് ഗുരുതരം
  • ആലപ്പുഴയില്‍ യുവതി വെട്ടേറ്റു മരിച്ചു
  • സീരിയല്‍ താരം ഹരികുമാരന്‍ തമ്പി അന്തരിച്ചു
  • കിണര്‍ വൃത്തിയാക്കാനിറങ്ങിയ രണ്ടുപേര്‍ ശ്വാസം മുട്ടി മരിച്ചു
  • കൊച്ചി ഷിപ്പ്‌യാര്‍ഡിലെ കപ്പലില്‍ പൊട്ടിത്തെറി: 5 മരണം, മരിച്ചവരെല്ലാം മലയാളികള്‍
  •  
        © 2012 ukmalayalamnews.com All rights reserved. Powered by Phoenix Infoway