Don't Miss

രത്നവ്യാപാരിയുടെ കോടീശ്വരനായ മകന്‍ തിരുവനന്തപുരത്തെ ഹോട്ടലില്‍ ക്ലീനിങ് ബോയ് ! ശേഷം സംഭവിച്ചത്....

തിരുവനന്തപുരം: സിനിമയെ വെല്ലുന്ന ട്വിസ്റ്റ് ആയിരുന്നു വ്യാഴാഴ്ച തിരുവനന്തപുരത്തെ റസ്റ്റോറന്റില്‍ നടന്നത്. ആയുര്‍വേദ കോളേജ് ജങ്ഷനിലെ സ്ട്രീറ്റ് റെസ്റ്റോറന്റില്‍ ഒരാഴ്ച ക്ലീനിങ് ബോയിയായി ജോലി ചെയ്ത ചെറുപ്പക്കാരന്‍ വിലകൂടിയ കാറില്‍ ലക്ഷങ്ങളുടെ സമ്മാനവുമായി വന്നിറങ്ങി ജീവനക്കാരെ ഒന്നടങ്കം ഞെട്ടിച്ചു. ജറാത്ത് സൂറത്തിലെ രത്നവ്യാപാരിയുടെ കോടീശ്വരനായ മകനായിരുന്നു സ്വന്തം വ്യക്തിത്വം മറച്ചുവച്ച് സ്ഥാപനത്തില്‍ ജോലി ചെയ്ത ധ്രുവ് എന്ന 18കാരന്‍ . മുമ്പൊരിക്കല്‍ കൊച്ചിയിലെ ഒരു ഹോട്ടലിലും ഇതേരീതിയില്‍ ജീവിതം പഠിക്കാനായി ധ്രുവ് ജോലി ചെയ്തത് വാര്‍ത്തയായിരുന്നു.


രണ്ടാഴ്ച മുമ്പാണ് ജോലി അന്വേഷിച്ച് ധ്രുവ് ഹോട്ടല്‍ നടത്തുന്ന ചെറുപ്പക്കാരെ സമീപിച്ചത്. ആദ്യം ഒഴിവാക്കിയെങ്കിലും മറ്റൊരാളുടെ ശുപാര്‍ശയോടെ ജോലിക്ക് കയറുകയായിരുന്നു. ക്ലീനിങ് ആന്റ് സപ്ലെ വിഭാഗത്തില്‍ ജോലി ചെയ്ത ഒരാഴ്ച എല്ലാവരെയും തൃപ്തിപ്പെടുത്തുന്ന പെരുമാറ്റമായിരുന്നു അയാളുടേത്.


കേവലം ഏഴുദിവസം ജോലി ചെയ്ത ശേഷം മുത്തശ്ശിക്ക് വയ്യാതായെന്ന് പറഞ്ഞ് ഓണത്തിന് വീണ്ടും വരാമെന്ന് പറഞ്ഞ് ലീവ് വാങ്ങി പോയ പയ്യന്‍ പറഞ്ഞത് പോലെ തന്നെ ഓണത്തിന് ശേഷം വീണ്ടുമെത്തി. റെസ്‌റ്റോറന്റുകാരെ മുഴുവന്‍ ഞെട്ടിച്ചുകൊണ്ടാണ് എന്നുമാത്രം.
അകമ്പടി കാറുകളുടെയും ജോലിക്കാരുടെയും അകമ്പടിയില്‍ റെസ്‌റ്റോറന്റില്‍ എത്തിയ ധ്രൂവ് ഏവരേയും അമ്പരപ്പിച്ചു. കുറച്ചു കാലം മാത്രമാണ് ജോലി ചെയ്തിരുന്നതെങ്കിലും മുഴുവന്‍ സഹപ്രവര്‍ത്തകര്‍ക്കും കൈനിറയെ വിലപിടിച്ച സമ്മാനങ്ങളുമായിട്ടാണ് എത്തിയത്. വാച്ചുകളും വിലകൂടിയ പേനകളും രത്‌നങ്ങളും ഉള്‍പ്പെടെ മൂന്ന് ലക്ഷം രൂപയുടെ സമ്മാനങ്ങളായിരുന്നു കൊണ്ടു വന്നത്. തങ്ങളുടെ പഴയ സഹപ്രവര്‍ത്തകന്റെ പുതിയ വിശേഷം സ്ട്രീറ്റ് റസ്‌റ്റോറന്റ് സാമൂഹ്യ മാധ്യമങ്ങളില്‍ പോസ്റ്റ് ചെയ്തിട്ടുണ്ട്. അതില്‍ പറഞ്ഞിരിക്കുന്ന സമ്പന്നതയുടെ മടിത്തട്ടില്‍ ഇരുന്നു കൊണ്ട് ദരിദ്രജീവിതം നേരിട്ട അനുഭവിക്കാന്‍ എത്തി താരമായ 18 കാരന്‍ ധ്രുവിന്റെ ആള്‍മാറാട്ട കഥ വിസ്മയാവഹമാണ്.

സൂറത്ത് കേന്ദ്രീകരിച്ചുള്ള ഇന്ത്യയിലെ തന്നെ ഏറ്റവും വലിയ രത്നവ്യാപാരികളുടെ കുടുംബത്തിന്റെ ഭാഗമാണ് ധ്രുവ്. എം.ബി.എ വിദ്യാര്‍ത്ഥികളായ ധ്രുവിനും കുടുംബത്തിലെ മറ്റ് ചെറുപ്പക്കാര്‍ക്കും പിതാക്കന്മാര്‍ നല്‍കിയ അസൈന്‍മെന്റായിരുന്നു ഈ റെസ്റ്റോറന്റ് ജീവിതം. ഹൈദരാബാദ്, ചെന്നൈ, വിശാഖപട്ടണം, തിരുവനന്തപുരം എന്നിവിടങ്ങളിലായി ഓരോരുത്തരും ജോലി ചെയ്യുകയായിരുന്നു. ബിസിനസ് ആവശ്യത്തിനായി അയച്ചിരിക്കുകയാണെന്നാണ് കുടുംബത്തിലെ സ്ത്രീകളിപ്പോഴും വിചാരിച്ചിരിക്കുന്നു. ഇന്ന് മുംബെയില്‍ നടക്കുന്ന ചടങ്ങിലാകും ഇവരുടെ ഒളിജീവിതം വെളിപ്പെടുക.

  • ചെങ്കോട്ടയില്‍ സെല്‍ഫിയെടുക്കുമ്പോള്‍ ഉക്രൈന്‍ അംബാസിഡറുടെ ഫോണ്‍ അടിച്ചുമാറ്റി
  • ന്യൂയോര്‍ക്കില്‍ ഹോളിവുഡ് യുവസുന്ദരിയ്‌ക്കൊപ്പം രാഹുല്‍ ഗാന്ധി; ചിത്രം വൈറലായി
  • ദിലീപിനെതിരേ സിനിമാലോകത്തുനിന്നടക്കം അഞ്ചിലേറെ സാക്ഷികള്‍ ; രമ്യാനമ്പീശനും സാക്ഷി, അ​ന്വേ​ഷ​ണം തു​ട​രും
  • യൂടൂബില്‍ തരംഗമായി റെഡിച്ചിലെ സഹോദരിമാരുടെ 'ജിമിക്കിക്കമ്മല്‍ .. '
  • ഇന്ത്യാ ഗേറ്റിന് സമീപം മാലിന്യങ്ങള്‍ വിതറി കണ്ണന്താനത്തിന്റെ ശുചീകരണ യജ്‌ഞം!
  • നരേന്ദ്രമോദി ഉലകനായകനെന്ന് കാഞ്ഞിരപ്പള്ളി ബിഷപ്പ്; 'കണ്ണന്താനം കേന്ദ്രസര്‍ക്കാരിനും സഭയ്ക്കും ഇടയിലെ പാലം'
  • മന്ത്രി കടകംപള്ളി സുരേന്ദ്രന്റെ ഗുരുവായൂര്‍ ക്ഷേത്രദര്‍ശനത്തില്‍ പാര്‍ട്ടിക്ക് അമര്‍ഷം, വിഷയം ചര്‍ച്ച ചെയ്യും
  • താടിയും മുടിയും കറുപ്പിക്കാന്‍ ദിലീപിന് 'ഡൈ' എത്തിച്ചുകൊടുക്കുന്നതാരെന്ന് കണ്ടെത്തണമെന്ന് ആനി സ്വീറ്റി
  • നടിമാരിലും ജയിലില്‍ പോയി ദിലീപിനെ കാണണമെന്ന് ആഗ്രഹമുള്ളവരുണ്ട്; ദിലീപിനെ പുറത്താക്കുന്നതുപോലെ കാണിച്ച് അമ്മ പിന്നില്‍ നിന്ന് പിന്തുണക്കുന്നു-രൂക്ഷ വിമര്‍ശനവുമായി ഭാഗ്യലക്ഷ്മി
  • അബുദാബിയില്‍ 12.2 കോടി നേടിയത് കൊച്ചി സ്വദേശി; പകുതിതുക സുഹൃത്തുക്കള്‍ക്ക്!
  •  
        © 2012 ukmalayalamnews.com All rights reserved. Powered by Phoenix Infoway