യു.കെ.വാര്‍ത്തകള്‍

ഞായറാഴ്ച കുര്‍ബാനയ്ക്കിടെ ബര്‍മിംഗ്ഹാമിലെ പള്ളിയില്‍ അക്രമിയുടെ കത്തിയാക്രമണം; 3 പേര്‍ക്ക് പരുക്കേറ്റു; ലക്‌ഷ്യം കൊല

ലണ്ടന്‍ : ഭീകരരുടെയും അക്രമികളുടെയും ഭീതി നാള്‍ക്കുനാള്‍ കൂടി വരുന്ന യുകെയില്‍ മറ്റൊരു അക്രമ സംഭവം കൂടി. ഞായറാഴ്ച കുര്‍ബാനയ്ക്കിടെ ബര്‍മിംഗ്ഹാമിലെ പള്ളിയില്‍ അക്രമിയുടെ കത്തിയാക്രമണത്തില്‍ മൂന്നു പേര്‍ക്ക് പരുക്കേറ്റു. ബര്‍മിംഗ്ഹാമിലെ ആസ്റ്റണ്‍ ന്യൂ ജെറുസലേം അപ്പോസ്തലിക് ചര്‍ച്ചിലാണ് സംഭവം. 150-ഓളം വിശ്വാസികള്‍ പ്രാര്‍ത്ഥനകളില്‍ പങ്കെടുക്കവെയാണ് അക്രമി കടന്നു കയറിയത്. പിന്നെ പ്രകോപനമൊന്നുമില്ലാതെ കത്തി വീശുകയായിരുന്നു. ആസ്റ്റണിലുള്ള 47 കാരനായ ജോണ്‍ ഡെലഹയെ പോലീസ് അറസ്റ്റ് ചെയ്തു.

ആക്രമണത്തില്‍ 33-കാരനായ കാള്‍ ജോര്‍ജ് എന്ന യുവാവിന് കഴുത്തില്‍ കുത്തേറ്റെങ്കിലും അപകടനില തരണം ചെയ്തതെയായി പോലീസ് വ്യക്തമാക്കി. അക്രമിയെ തടയാനുള്ള ശ്രമങ്ങള്‍ക്കിടെയാണ് മറ്റ് രണ്ട് പേര്‍ക്ക് കൈകള്‍ക്ക് പരുക്കേറ്റത്. ഇവരുടെ പരിക്ക് സാരമുള്ളതല്ല.

സംഭവത്തില്‍ പിടിയിലായ ഡെലാഹെയ്‌ക്കെതിരെ കൊലപാതക്കുറ്റമാണ് ചുമത്തിയിരിക്കുന്നത്. ആയുധം കൈയില്‍ സൂക്ഷിച്ചതിനും, പരുക്കേല്‍പ്പിച്ചതിനുമുള്ള കുറ്റങ്ങളും ഇയാളെ ഇന്ന് ബര്‍മിംഗ്ഹാം കോടതിയില്‍ ഹാജരാക്കും.


കാള്‍ ജോര്‍ജ്ജിന് പുറമെ ആഡം ബ്രൂക്‌സ്, യോര്‍ഗ് ജോര്‍ജ്ജ് എന്നിവര്‍ക്കാണ് പരുക്കേറ്റത്. ന്യൂ ജെറുസലേം അപ്പോസ്റ്റലിക് ചര്‍ച്ചിലെ ഞായറാഴ്ച കുര്‍ബാനയില്‍ വിശ്വാസികള്‍ പങ്കെടുക്കവെയാണ് അക്രമി കത്തിയുമായി എത്തിയതെന്ന് മിനിസ്റ്റര്‍ കെവിന്‍ ഹച്ച്കിന്‍സണ്‍ വ്യക്തമാക്കി. 11 മണിക്ക് തൊട്ടുമുന്‍പായിയിരുന്നു ഈ അതിക്രമം. അകത്തേക്ക് കയറി അക്രമം ആരംഭിക്കുന്നതിന് മുന്‍പ് ഇയാളെ തടഞ്ഞതോടെയാണ് കത്തി പുറത്തെടുത്തത്.

കൈയില്‍ കരുതിയിരുന്ന വലിയ കറിക്കത്തി പുറത്തെടുത്ത് ജോണ്‍ വിശ്വാസികള്‍ക്ക് നേരെ തലങ്ങും വിലങ്ങും വീശുകയായിരുന്നു. പള്ളിയില്‍ ഉണ്ടായിരുന്ന പുരുഷന്‍മാര്‍ക്ക് ഇയാളെ കീഴടക്കാന്‍ കഴിഞ്ഞത് അക്രമത്തിന്റെ തോത് കുറച്ചു. അക്രമിയെ തടയാന്‍ ശ്രമിച്ചവര്‍ക്കാണ് പരുക്കേറ്റതെന്ന് വെസ്റ്റ് മിഡ്‌ലാന്‍ഡ്‌സ് പോലീസ് അറിയിച്ചു.
നൈജീരിയന്‍ സമൂഹങ്ങള്‍ക്കിടയില്‍ ശക്തമായ അടിത്തറയുള്ള പൊന്തക്കോസ്തല്‍ സഭയുടേതാണ് ഈ പള്ളി. വ്യക്തിപരമായ പ്രശ്‌നമാണ് അക്രമണത്തിന് കാരണമെന്നും തീവ്രവാദ അക്രമണവുമായി ബന്ധമില്ലെന്നുമാണ് പോലീസ് കരുതുന്നത്.

  • സിഗററ്റിനു വില കൂടും ,മദ്യ വിലകൂടില്ല , ഇന്ധന നികുതി വര്‍ദ്ധനയില്ല, ഡീസല്‍ കാറിനു ചെലവേറും
  • നഴ്‌സുമാര്‍ക്ക് ശമ്പള വര്‍ധന വാഗ്ദാനം ചെയ്ത് ഹാമണ്ടിന്റെ ബജറ്റ്; തീരുമാനം നീളും, ആദ്യ വീട് സ്വന്തമാക്കുന്നവര്‍ക്ക് സ്റ്റാമ്പ് ഡ്യൂട്ടി ഒഴിവാക്കും
  • ജിപിയെ കാണാന്‍ ഒരു മണിക്കൂര്‍ കാത്തിരുന്ന മൂന്നുവയസുകാരന്‍ മരിച്ചു; ഡോക്ടര്‍മാര്‍ എന്‍എച്ച്എസ് വിടുന്നതിന്റെ ഫലം
  • ലണ്ടനിലെ എപ്പിംഗില്‍ ബ്ലഡ് കാന്‍സര്‍ ബാധിതനായ മലയാളി മരിച്ചു, പൊതുദര്‍ശനം ശനിയാഴ്ച
  • എല്‍ദോസിന് ഹെയില്‍ഷാമില്‍ മലയാളികള്‍ കണ്ണീരോടെ വിട നല്‍കി, സംസ്കാരം വ്യാഴാഴ്ച നാട്ടില്‍
  • ബ്രിട്ടനെതിരെ ഇന്ത്യയ്ക്ക് നാടകീയ ജയം; ദല്‍വീര്‍ ഭണ്ഡാരി രാജ്യാന്തര കോടതി ജഡ്ജി
  • വിമാനത്തിന്റെ മുന്‍സീറ്റിലിരുന്ന സ്ത്രീയെ കയറിപ്പിടിച്ച ഇന്ത്യന്‍ യുവാവ് കുടുങ്ങി
  • അമ്മയെക്കുറിച്ച് വാചാലയായി,ഇന്ത്യയുടെ മാനുഷിക്ക് ലോകസുന്ദരി പട്ടം
  • ഈസ്റ്റ് ബോണില്‍ അന്തരിച്ച പെരുമ്പാവൂര്‍ സ്വദേശി എല്‍ദോസിന്റെ പൊതുദര്‍ശനം തിങ്കളാഴ്ച
  • ലണ്ടന്‍ വാട്ടര്‍ലൂ സ്റ്റേഷനില്‍ യാത്രക്കാരിക്കു സുഖ പ്രസവം, പ്രസവമെടുത്തത് ജീവനക്കാര്‍ , കുട്ടി റെക്കോഡിനുടമ
  •  
        © 2012 ukmalayalamnews.com All rights reserved. Powered by Phoenix Infoway