Don't Miss

അബുദാബിയില്‍ 12.2 കോടി നേടിയത് കൊച്ചി സ്വദേശി; പകുതിതുക സുഹൃത്തുക്കള്‍ക്ക്!

അബുദാബി: ഒടുവില്‍ ആ ഭാഗ്യവാനായ മലയാളിയെ കണ്ടെത്തി. അബുദാബി വിമാനത്താവളത്തില്‍നിന്ന് ഡ്യൂട്ടി ഫ്രീയുടെ ബിഗ് ടിക്കറ്റിന്റെ ഒന്നാം സമ്മാനമായ 70 ലക്ഷം ദിര്‍ഹം (12.2 കോടി രൂപയോളം) നേടിയ ഭാഗ്യവാന്‍ കൊച്ചി സ്വദേശി മനേക്കുടി വര്‍ക്കി മാത്യുവാണ്. സമ്മാനാര്‍ഹമായ ടിക്കറ്റിന്റെ ഉടമയെത്തേടി സംഘാടകര്‍ കാത്തിരിക്കുകയായിരുന്നു.

നറുക്കെടുത്തതുമുതല്‍ മൊബൈല്‍ നമ്പറില്‍ സംഘാടകര്‍ ബന്ധപ്പെടാന്‍ ശ്രമിച്ചിരുന്നെങ്കിലും ഫോണ്‍ വെള്ളത്തില്‍വീണ് തകരാറിലായതിനാല്‍ അതിനുകഴിഞ്ഞിരുന്നില്ല. ഞായറാഴ്ച വീണ്ടും വിളിച്ചപ്പോഴാണ് മാത്യു വിവരമറിയുന്നത്.


അല്‍ ഐനില്‍ അല്‍ ഐന്‍ ഡിസ്ട്രിബ്യൂഷന്‍ കമ്പനിയില്‍ ജോലി ചെയ്യുന്ന അമ്പത്തിയെട്ടുകാരനായ വര്‍ക്കി മാത്യുവിന്റെ ലോട്ടറിത്തുകയ്ക്ക് രണ്ടവകാശികള്‍ കൂടിയുണ്ട്. ഒരാള്‍ ഇന്ത്യക്കാരനും മറ്റൊരാള്‍ പാകിസ്താനിയും. 70 ലക്ഷം ദിര്‍ഹത്തിന്റെ പകുതിത്തുകയായ 35 ലക്ഷം ദിര്‍ഹം ഈ രണ്ടുസുഹൃത്തുക്കള്‍ക്കും കൂടി വീതംവെക്കുമെന്ന് വര്‍ക്കി മാത്യു അറിയിച്ചു. ടിക്കറ്റിന്റെ പകുതിവില അവരുടേതായിരുന്നു. അല്‍ ഐനില്‍ ആശു​പത്രിയില്‍ ജോലിചെയ്യുന്ന ഭാര്യ ചിന്നമ്മയും വിദ്യാര്‍ഥിയായ മകനും ഭിന്നശേഷിക്കാരിയായ മകളും അടങ്ങുന്നതാണ് വര്‍ക്കി മാത്യുവിന്റെ കുടുംബം.


നാട്ടില്‍ അവധിക്കാലം ചെലവിടുന്ന വര്‍ക്കി മാത്യു 17-ന് തിരിച്ചെത്തുമെന്നാണ് അറിയിച്ചിട്ടുള്ളത്. ഓഗസ്റ്റ് 24-ന് അവധിക്ക് നാട്ടില്‍പോകുമ്പോഴാണ് അബുദാബി എയര്‍പോര്‍ട്ടില്‍നിന്ന് ബിഗ് ടിക്കറ്റിന്റെ ഭാഗ്യലോട്ടറി എടുക്കുന്നത്. സുഹൃത്തുക്കളുടെ പങ്കാളിത്തത്തോടെ 500 ദിര്‍ഹം നല്‍കി വാങ്ങിയ 024039 എന്ന നമ്പറിനെയാണ് ഭാഗ്യദേവത കടാക്ഷിച്ചത്. ബിഗ് ടിക്കറ്റ് ആരംഭിച്ചത് മുതല്‍ സ്ഥിരമായി എടുക്കുന്ന ശീലം മാത്യുവിനുണ്ടായിരുന്നു.


ബിഗ് ടിക്കറ്റിലൂടെ ഇതുവരെ 178 പേര്‍ കോടിപതികളായിട്ടുണ്ടെന്ന് അബുദാബി ബിഗ് ടിക്കറ്റ് അധികൃതര്‍ പറഞ്ഞു. ഇതില്‍ ഭൂരിഭാഗവും ഇന്ത്യക്കാരും അതില്‍ത്തന്നെ മലയാളികളുമാണ്. കഴിഞ്ഞമാസം ആന്ധ്രക്കാരനായ കൃഷ്ണാരാം രാജുവാണ് കോടീശ്വരനായത്.

  • ചെങ്കോട്ടയില്‍ സെല്‍ഫിയെടുക്കുമ്പോള്‍ ഉക്രൈന്‍ അംബാസിഡറുടെ ഫോണ്‍ അടിച്ചുമാറ്റി
  • ന്യൂയോര്‍ക്കില്‍ ഹോളിവുഡ് യുവസുന്ദരിയ്‌ക്കൊപ്പം രാഹുല്‍ ഗാന്ധി; ചിത്രം വൈറലായി
  • ദിലീപിനെതിരേ സിനിമാലോകത്തുനിന്നടക്കം അഞ്ചിലേറെ സാക്ഷികള്‍ ; രമ്യാനമ്പീശനും സാക്ഷി, അ​ന്വേ​ഷ​ണം തു​ട​രും
  • യൂടൂബില്‍ തരംഗമായി റെഡിച്ചിലെ സഹോദരിമാരുടെ 'ജിമിക്കിക്കമ്മല്‍ .. '
  • ഇന്ത്യാ ഗേറ്റിന് സമീപം മാലിന്യങ്ങള്‍ വിതറി കണ്ണന്താനത്തിന്റെ ശുചീകരണ യജ്‌ഞം!
  • നരേന്ദ്രമോദി ഉലകനായകനെന്ന് കാഞ്ഞിരപ്പള്ളി ബിഷപ്പ്; 'കണ്ണന്താനം കേന്ദ്രസര്‍ക്കാരിനും സഭയ്ക്കും ഇടയിലെ പാലം'
  • മന്ത്രി കടകംപള്ളി സുരേന്ദ്രന്റെ ഗുരുവായൂര്‍ ക്ഷേത്രദര്‍ശനത്തില്‍ പാര്‍ട്ടിക്ക് അമര്‍ഷം, വിഷയം ചര്‍ച്ച ചെയ്യും
  • താടിയും മുടിയും കറുപ്പിക്കാന്‍ ദിലീപിന് 'ഡൈ' എത്തിച്ചുകൊടുക്കുന്നതാരെന്ന് കണ്ടെത്തണമെന്ന് ആനി സ്വീറ്റി
  • നടിമാരിലും ജയിലില്‍ പോയി ദിലീപിനെ കാണണമെന്ന് ആഗ്രഹമുള്ളവരുണ്ട്; ദിലീപിനെ പുറത്താക്കുന്നതുപോലെ കാണിച്ച് അമ്മ പിന്നില്‍ നിന്ന് പിന്തുണക്കുന്നു-രൂക്ഷ വിമര്‍ശനവുമായി ഭാഗ്യലക്ഷ്മി
  • രത്നവ്യാപാരിയുടെ കോടീശ്വരനായ മകന്‍ തിരുവനന്തപുരത്തെ ഹോട്ടലില്‍ ക്ലീനിങ് ബോയ് ! ശേഷം സംഭവിച്ചത്....
  •  
        © 2012 ukmalayalamnews.com All rights reserved. Powered by Phoenix Infoway