യു.കെ.വാര്‍ത്തകള്‍

വാഹനമോടിച്ചു കയറ്റിയുള്ള ഭീകരാക്രമണം തടയാന്‍ ലണ്ടനില്‍ 'സ്‌പൈഡര്‍മാന്‍ വല'

ലണ്ടന്‍ : സ്‌ഫോടക വസ്തുക്കള്‍ നിറച്ച വാഹനങ്ങള്‍ എത്തിച്ചും വലിയ വാഹനങ്ങള്‍ ആള്‍ക്കൂട്ടത്തിനിടയിലേക്ക് ഓടിച്ചു കയറ്റിയും ഉള്ള ഭീകരാക്രമണങ്ങള്‍ തടയുന്നതിന് ലണ്ടനില്‍ പ്രത്യേക സംവിധാനവുമായി സ്‌കോട്ലന്‍ഡ് യാര്‍ഡ്. സ്പൈഡര്‍മാന്‍ സിനിമകള്‍ കണ്ടിട്ടുള്ളവര്‍ക്ക് പരിചിതമായ, വലയുപയോഗിച്ച് എതിരാളിയെ കുരുക്കുന്ന സാങ്കേതികവിദ്യയാണ് പോലീസ് വികസിപ്പിച്ചെടുത്തിരിക്കുന്നത്.


തറയില്‍ വിരിക്കാവുന്ന പ്രത്യേക വലയാണിത്. ടാലണ്‍ എന്ന് പേരിട്ടിരിക്കുന്ന ഈ വലയുടെ ഉപരിതലത്തില്‍ ടങ്സ്റ്റണ്‍ സ്റ്റീല്‍ ഉപയോഗിച്ചു നിര്‍മിച്ച കൂര്‍ത്തുനില്‍ക്കുന്ന ഭാഗമുണ്ട്. തറയില്‍ വിരിച്ചിരിക്കുന്ന വലയുടെ മേല്‍ വാഹനങ്ങള്‍ കയറുമ്പോള്‍ ചക്രങ്ങളില്‍ ഈ കൂര്‍ത്ത ഭാഗം തുളച്ചുകയറുകയും ടയറുകള്‍ പഞ്ചറാക്കുകയും ചെയ്യും. അതേസമയംതന്നെ പ്ലാസ്റ്റിക് വല വാഹനത്തിന്റെ മുന്‍ ചക്രങ്ങളില്‍ കുരുങ്ങും. വാഹനം പെട്ടെന്നു നില്‍ക്കും.
അതേസമയംതന്നെ പ്ലാസ്റ്റിക് വല വാഹനത്തിന്റെ മുന്‍ ചക്രങ്ങളില്‍ കുരുങ്ങും. വാഹനം പെട്ടെന്നു നില്‍ക്കും.

ഞായറാഴ്ച ലണ്ടന്‍ വൈറ്റ്ഹില്ലില്‍ നടന്ന നാവികരുടെ പ്രത്യേക പരേഡിലാണ് സ്‌കോട്ലന്‍ഡ് യാര്‍ഡ് പുതിയ ഉപകരണം അവതരിപ്പിച്ചത്. വലിയ തോതില്‍ ജനങ്ങള്‍ തടിച്ചുകൂടുന്ന സ്ഥലങ്ങളില്‍ വാഹനങ്ങള്‍ നിയന്ത്രിക്കുന്നതിന് ടാലണ്‍ ഉപയോഗിക്കാനാകും. അത്യാവശ്യ ഘട്ടത്തില്‍ രണ്ട് പേര്‍ക്ക് ഒരുമിനിറ്റ് സമയംകൊണ്ട് ഈ 'മുള്ളുവല' തറയില്‍ വിരിക്കാന്‍ കഴിയും. വാഹനം ഉപയോഗിച്ചുള്ള തീവ്രവാദി ആക്രമണങ്ങള്‍ അടുത്ത കാലത്തായി വര്‍ധിച്ചുവരുന്ന സാഹചര്യത്തിലാണ് പുതിയ ഉപകരണം വികസിപ്പിച്ചെടുത്തിരിക്കുന്നത്. ആള്‍ക്കൂട്ടത്തിലേയ്ക്ക് വാഹനം ഇടിച്ചുകയറ്റി കൂട്ടക്കുരുതികള്‍ നടത്തുന്ന സംഭവം പല വട്ടം ആവര്‍ത്തിച്ചിരുന്നു.

മാര്‍ച്ചില്‍ ലണ്ടനിലെ വെസ്റ്റ്മിനിസ്റ്റര്‍ പാലത്തില്‍ വാഹനം ഇടിച്ചുകയറ്റി അഞ്ചു പേരെ കൊലപ്പെടുത്തിയിരുന്നു. ജൂണില്‍ ലണ്ടന്‍ ബ്രിഡ്ജിലും ബോറോ മാര്‍ക്കറ്റിലും സമാനമായ സംഭവങ്ങളുണ്ടായി. പ്രധാനപ്പെട്ട പരിപാടികള്‍ നടക്കുന്ന സ്ഥലങ്ങളിലും ജനങ്ങള്‍ തടിച്ചുകൂടുന്ന സ്ഥലങ്ങളിലും മാര്‍ക്കറ്റുകളിലും മറ്റും ടാലണ്‍ ഉപയോഗിക്കുന്നതിലൂടെ ഇത്തരം ആക്രമണങ്ങളും അപകടങ്ങളും നിയന്ത്രിക്കാനാകുമെന്ന് മെട്രോപോളിറ്റന്‍ പോലീസ് മേധാവി നിക്ക് സ്റ്റാലി പറഞ്ഞു.

  • ജിപിയെ കാണാന്‍ ഒരു മണിക്കൂര്‍ കാത്തിരുന്ന മൂന്നുവയസുകാരന്‍ മരിച്ചു; ഡോക്ടര്‍മാര്‍ എന്‍എച്ച്എസ് വിടുന്നതിന്റെ ഫലം
  • ലണ്ടനിലെ എപ്പിംഗില്‍ ബ്ലഡ് കാന്‍സര്‍ ബാധിതനായ മലയാളി മരിച്ചു, പൊതുദര്‍ശനം ശനിയാഴ്ച
  • എല്‍ദോസിന് ഹെയില്‍ഷാമില്‍ മലയാളികള്‍ കണ്ണീരോടെ വിട നല്‍കി, സംസ്കാരം വ്യാഴാഴ്ച നാട്ടില്‍
  • ബ്രിട്ടനെതിരെ ഇന്ത്യയ്ക്ക് നാടകീയ ജയം; ദല്‍വീര്‍ ഭണ്ഡാരി രാജ്യാന്തര കോടതി ജഡ്ജി
  • വിമാനത്തിന്റെ മുന്‍സീറ്റിലിരുന്ന സ്ത്രീയെ കയറിപ്പിടിച്ച ഇന്ത്യന്‍ യുവാവ് കുടുങ്ങി
  • അമ്മയെക്കുറിച്ച് വാചാലയായി,ഇന്ത്യയുടെ മാനുഷിക്ക് ലോകസുന്ദരി പട്ടം
  • ഈസ്റ്റ് ബോണില്‍ അന്തരിച്ച പെരുമ്പാവൂര്‍ സ്വദേശി എല്‍ദോസിന്റെ പൊതുദര്‍ശനം തിങ്കളാഴ്ച
  • ലണ്ടന്‍ വാട്ടര്‍ലൂ സ്റ്റേഷനില്‍ യാത്രക്കാരിക്കു സുഖ പ്രസവം, പ്രസവമെടുത്തത് ജീവനക്കാര്‍ , കുട്ടി റെക്കോഡിനുടമ
  • ബക്കിങ്ങ്ഹാംഷയറിനടുത്ത് വിമാനവും ഹെലികോപ്റ്ററും കൂട്ടിയിടിച്ചു; നാല് പേര്‍ മരിച്ചു
  • ബജറ്റില്‍ ഹൗസിംഗ്, എന്‍എച്ച്എസ് മേഖലകളില്‍ കൂടുതല്‍ പണം മാറ്റിവയ്ക്കാനൊരുങ്ങി ചാന്‍സലര്‍ ,ബോട്ടിലിനും കോഫി കപ്പിനും വിലകൂടാം
  •  
        © 2012 ukmalayalamnews.com All rights reserved. Powered by Phoenix Infoway