ചരമം

പൂനെയില്‍ മലയാളി ഹോട്ടലുടമയെ അടിച്ചുകൊന്നു


പൂനെ: മലയാളി ഹോട്ടലുടമ മഹാരാഷ്ട്രയിലെ പൂനെയില്‍ മര്‍ദ്ദനമേറ്റു മരിച്ചു. കണ്ണൂര്‍ പരലശേരി സ്വദേശി അബ്ദുല്‍ അസീസാണു മരിച്ചത്. സംഭവത്തിനു പിന്നില്‍ ഹോട്ടലിരിക്കുന്ന സ്ഥലത്തിന്റെ ഉടമയാണെന്നും ഇയാള്‍ക്കെതിരെ കൊലക്കുറ്റത്തിനു കേസെടുക്കണമെന്നും ആവശ്യപ്പെട്ട് അസീസിന്റെ കുടുംബം രംഗത്തെത്തി.

പൂനെയിലെ ശിവാപൂരില്‍ 40 വര്‍ഷമായി സാഗര്‍ എന്ന ഹോട്ടല്‍ നടത്തിവരികയായിരുന്നു അബ്ദുല്‍ അസീസ്. 99 വര്‍ഷത്തേക്ക് പാട്ടത്തിനെടുത്ത സ്ഥലത്തായിരുന്നു ഹോട്ടല്‍ നടത്തിയിരുന്നത്. എന്നാല്‍ കഴിഞ്ഞ കുറച്ചുകാലമായി സ്ഥലമുടമ ഹോട്ടല്‍ വിട്ടുതരണമെന്നാവശ്യപ്പെട്ടു നിരന്തരം പ്രശ്‌നമുണ്ടാക്കിയിരുന്നതായി അസീസിന്റെ കുടുംബം പറഞ്ഞു. ഇതുമായി ബന്ധപ്പെട്ട് സ്ഥലമുടമ സഞ്ജയ് കോണ്ടെയുമായി അസീസ് വാക്കു തര്‍ക്കലേര്‍പ്പെട്ടിരുന്നു. ഇതിന്റെ തുടര്‍ച്ചയായുണ്ടായ സംഘര്‍ഷമാണ് അസീസിന്റെ മരണത്തില്‍ കലാശിച്ചതെന്നാണ് കുടുംബാംഗങ്ങള്‍ ആരോപിക്കുന്നത്.

ഹോട്ടലിലെത്തിയ സഞ്ജയ് കോണ്ടെ അസീസിനെ മര്‍ദിച്ചതായും നിലത്തിട്ടു ചവിട്ടിയതായും അസീസിന്റെ മകന്‍ റയീസ് പറഞ്ഞു. സംഭവത്തെത്തുടര്‍ന്ന് രംഗത്തെത്തിയ മലയാളിസംഘടനാപ്രവര്‍ത്തകര്‍ സഞ്ജയ് കോണ്ടെയ്‌ക്കെതിരെ കൊലപാതകത്തിനു കേസെടുക്കണമെന്നു ആവശ്യപ്പെട്ടു.

  • ശ്രീനഗറില്‍ ഭീകരാക്രമണം; മൂന്ന് പേര്‍ കൊല്ലപ്പെട്ടു
  • നാട്ടില്‍ നിന്ന് ബന്ധുക്കളെ സന്ദര്‍ശിക്കാന്‍ എത്തിയ റിട്ടയേര്‍ഡ് അധ്യാപകന്‍ വൂള്‍വറാംപടണില്‍ മരിച്ചു
  • കനത്ത മഴയില്‍ ഇടുക്കിയില്‍ മരം വീണ് ബൈക്ക് യാത്രികന്‍ മരിച്ചു: സഹയാത്രികനു ഗുരുതരം
  • തങ്കമ്മ ജോര്‍ജ് നിര്യാതയായി
  • യുഎസില്‍ ഇന്ത്യന്‍ ഡോക്ടറെ രോഗി കുത്തിക്കൊന്നു
  • പാലക്കാട് വൃദ്ധ ദമ്പതികളെ വീട്ടില്‍ കഴുത്തറുത്തും ശ്വാസം മുട്ടിച്ചും കൊന്നു
  • ഫാ. ജോണ്‍ വൈദ്യന്‍ (67) (വൈദ്യന്‍ അച്ചന്‍) അറ്റ്ലാന്റയില്‍ നിര്യാതനായി
  • മധുരയില്‍ കാറും ലോറിയും കൂട്ടിയിടിച്ച് നാല് മലയാളികള്‍ മരിച്ചു; രണ്ട് പേര്‍ക്ക് പരുക്ക്
  • മുംബൈയില്‍ കെട്ടിടത്തിന് തീപിടിച്ച് കുട്ടിയടക്കം ആറു പേര്‍ മരിച്ചു; 11 പേര്‍ക്ക് പരിക്ക്
  • സംരക്ഷിക്കാന്‍ ആളില്ല; അടിമാലിയില്‍ വൃദ്ധ ദമ്പതികള്‍ വീടിനുള്ളില്‍ മരിച്ചനിലയില്‍
  •  
        © 2012 ukmalayalamnews.com All rights reserved. Powered by Phoenix Infoway