നാട്ടുവാര്‍ത്തകള്‍

ഹൈക്കോടതിയെ വിട്ട് അങ്കമാലികോടതിയില്‍ ദിലീപ് ജാമ്യാപേക്ഷ നല്‍കി

കൊച്ചി: നടിയെ ആക്രമിച്ചതിലെ ഗൂഢാലോചന കേസില്‍ റിമാന്‍ഡില്‍ കഴിയുന്ന ദിലീപ് അപ്രതീക്ഷിത നീക്കവുമായി അങ്കമാലി മജിസ്‌ട്രേറ്റ് കോടതിയില്‍ ജാമ്യാപേക്ഷ നല്‍കി. ജയിലില്‍ 60 ദിവസം പിന്നിട്ട സാഹചര്യത്തില്‍ ജാമ്യം അനുവദിക്കണമെന്നാണ് അപേക്ഷയില്‍ പറഞ്ഞിരിക്കുന്നത്. ദിലീപിനെതിരായ ആരോപണം ഗൂഢാലോചന മാത്രമാണെന്നും നടിയുടെ നഗ്നചിത്രമെടുത്ത് നല്‍കാന്‍ ദിലീപ് പറഞ്ഞുവെന്ന് മാത്രമാണ് കേസ്. ദിലീപിനെതിരെ ചുമത്തിയിരിക്കുന്നത് ജാമ്യം ലഭിക്കാവുന്ന കുറ്റങ്ങള്‍ മാത്രമാണെന്നും ജാമ്യാപേക്ഷയില്‍ പറയുന്നു.

കഴിഞ്ഞ ദിവസം പിതാവിന്റെ ശ്രാദ്ധചടങ്ങില്‍ പങ്കെടുക്കാന്‍ അങ്കമാലി മജിസ്‌ട്രേറ്റ് കോടതിയാണ് രണ്ടു മണിക്കൂര്‍ നേരത്തേക്ക് ദിലീപിന് ഇളവ് നല്‍കിയിരുന്നു. പ്രോസിക്യുഷന്റെ ശക്തമായ എതിര്‍പ്പ് അവഗണിച്ചാണ് കര്‍ശന നിബന്ധനകളോടെ കോടതി ദിലീപിനെ പുറത്തുവിട്ടത്. മജിസ്‌ട്രേറ്റ് കോടതിയില്‍ നിന്നുള്ള അനുകൂല സമീപനം ജാമ്യത്തിലും ലഭിക്കുമെന്ന പ്രതീക്ഷയാണ് പുതിയ ഹര്‍ജിയ്ക്കു പിന്നില്‍.
ഹൈക്കോടതിയില്‍ ഇന്ന് ദിലീപ് ജാമ്യാപേക്ഷ നല്‍കില്ലെന്ന് രാവിലെ വ്യക്തമാക്കിയിരുന്നു. എന്നാല്‍ വീണ്ടും മജിസ്‌ട്രേറ്റ് കോടതിയെ സമീപിക്കാനാണെന്ന ഒരു സൂചനയും നല്‍കിയിരുന്നില്ല. നാദിര്‍ ഷായുടെ മുന്‍കൂര്‍ ജാമ്യാപേക്ഷ പരിഗണനയില്‍ ഇരിക്കുന്നതിനാല്‍ അതില്‍ തീര്‍പ്പുണ്ടായ ശേഷം ഹൈക്കോടതിയെ സമീപിക്കുമെന്നായിരുന്നു പറഞ്ഞിരുന്നത്. തിങ്കളാഴ്ച നാദിര്‍ഷയുടെ മുന്‍കൂര്‍ ജാമ്യഹര്‍ജിയില്‍ വിധി വരും.

ദിലീപ് മൂന്നാം ജാമ്യഹര്‍ജിയുമായി ഹൈക്കോടതിയെ വ്യാഴാഴ്ച സമീപിക്കുമെന്നായിരുന്നു അഭിഭാഷകന്‍ നേരത്തെ അറിയിച്ചിരുന്നത്. എന്നാല്‍ പൊടുന്നനെ ആ തീരുമാനം മാറ്റുകയായിരുന്നു.

കേസില്‍ ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ട് കഴിഞ്ഞയാഴ്ച അന്വേഷണസംഘം നാദിര്‍ഷയ്ക്ക് നോട്ടീസ് നല്‍കിയിരുന്നു. തുടര്‍ന്നാണ് നാദിര്‍ഷ മുന്‍കൂര്‍ ജാമ്യാപേക്ഷയുമായി ഹൈക്കോടതിയെ സമീപിച്ചത്. കഴിഞ്ഞ ദിവസം ഹര്‍ജി പരിഗണിച്ച കോടതി പൊലീസിനെതിരെ രൂക്ഷവിമര്‍ശനങ്ങള്‍ ഉയര്‍ത്തിയിരുന്നു. കേസന്വേഷണം ഇഴഞ്ഞുനീങ്ങുന്നത് ചൂണ്ടിക്കാട്ടിയാണ് കോടതി വാക്കാല്‍ വിമര്‍ശനം ഉന്നയിച്ചത്.


അതേസമയം, ചോദ്യം ചെയ്യലിന് നാളെ അന്വേഷണസംഘത്തിന് മുന്‍പാകെ ഹാജരാകണമെന്ന് കോടതി നാദിര്‍ഷയ്ക്ക് നിര്‍ദ്ദേശം നല്‍കിയിട്ടുണ്ട്. വെള്ളിയാഴ്ച രാവിലെ 10 ന് അന്വേഷണ ഉദ്യോഗസ്ഥനായ പെരുമ്പാവൂര്‍ സിഐ ബിജു പൗലോസിന് മുന്‍പാകെ ഹാജരാകാനാണ് കോടതി നിര്‍ദ്ദേശിച്ചിരിക്കുന്നത്. മുന്‍കൂര്‍ ജാമ്യാപേക്ഷയില്‍ വിധി വരുന്നത് വരെ നാദിര്‍ഷയെ അറസ്റ്റ് ചെയ്യരുതെന്നും കോടതി വ്യക്തമാക്കിയിട്ടുണ്ട്.

  • ഭൂമി വിവാദം: തെറ്റു തിരുത്താല്‍ അഭിനന്ദനാര്‍ഹമെന്ന് സഭാ മുഖപത്രം
  • കൊല്ലത്ത് 14 കാരന്റെ മൃതദേഹം വീടിനോട് ചേര്‍ന്ന് കത്തിക്കരിഞ്ഞ നിലയില്‍; അമ്മ പ്രതി
  • മാണി മുന്നണി മാറുമ്പോള്‍ ബാര്‍ കോഴക്കേസ് വിജിലന്‍സ് അവസാനിപ്പിക്കുന്നു; റിപ്പോര്‍ട്ട് ഹൈക്കോടതിയില്‍ സമര്‍പ്പിച്ചു
  • ആലപ്പുഴയില്‍ സൂര്യനെല്ലി മോഡല്‍ പെണ്‍വാണിഭം; അറസ്റ്റിലായവരുടെ എണ്ണം അഞ്ചായി; പിന്നില്‍ ഉന്നത പോലീസ് ഉദ്യോഗസ്ഥരും
  • ദൃശ്യങ്ങള്‍ ദിലീപിന് കൊടുത്താല്‍ ഇരയുടെ സ്വകാര്യതയെ ബാധിക്കും- പോലീസ്
  • മദ്യലഹരിയില്‍ മുഖത്ത് മൂത്രമൊഴിച്ച അച്ഛനെ മകന്‍ കുത്തിക്കൊന്നു
  • നടിയെ ആക്രമിച്ചത് നിര്‍ത്തിയിട്ട വാഹനത്തില്‍ നിന്നെന്ന് ദിലീപ്; ഒരു സ്ത്രീയുടെ നിര്‍ദ്ദേശങ്ങള്‍ കേള്‍ക്കുന്നു
  • ആലപ്പുഴയില്‍ പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച എസ് ഐ അറസ്റ്റില്‍
  • ആക്രമിക്കപ്പെട്ട നടിയും ലാലും ഭീഷണിപ്പെടുത്തുന്നതായി പ്രതി മാര്‍ട്ടിന്‍
  • കാണാതായ പ്രവീണ്‍ തൊഗാഡിയയെ ബോധരഹിതനായി അഹമ്മദാബാദില്‍ നിന്നും കണ്ടെത്തി
  •  
        © 2012 ukmalayalamnews.com All rights reserved. Powered by Phoenix Infoway