യു.കെ.വാര്‍ത്തകള്‍

നഴ്‌സുമാരുടെ ശമ്പളവര്‍ധനയും ട്യൂഷന്‍ഫീസ് കുറയ്ക്കലും; ലേബറിന് ഡിയുപിയുടെ പിന്തുണ

ലണ്ടന്‍ : നഴ്‌സുമാരുടെ ശമ്പളവര്‍ധന, യൂണിവേഴ്‌സിറ്റി ഫീസ് കുറയ്ക്കല്‍ എന്നിവയ്ക്കായി ലേബര്‍ പാര്‍ട്ടി നടത്തുന്ന നീക്കങ്ങള്‍ക്കു തെരേസ മേ സര്‍ക്കാരിനെ താങ്ങി നിര്‍ത്തുന്ന ഡിയുപിയുടെ പിന്തുണ. നഴ്‌സുമാരുടെയടക്കമുള്ള പേ ക്യാപ് എടുത്തുകളയാനായി ലേബര്‍ കോമണ്‍സില്‍ കൊണ്ടു വന്ന പ്രമേയത്തെ പിന്തുണച്ച് ഡിയുപി തെരേസക്കു അപ്രതീക്ഷിത പ്രഹരമാണ് നല്‍കിയത്.

നഴ്‌സുമാരടക്കമുള്ള എന്‍എച്ച്എസ് ജീവനക്കാര്‍ക്ക് വര്‍ധിച്ച തോതില്‍ ശമ്പളം അനുവദിക്കണമെന്നും പൊതുമേഖലാ ജീവനക്കാര്‍ക്കുള്ള ഒരു ശതമാനം ശമ്പളവര്‍ധനാ പരിധി റദ്ദാക്കണമെന്നുമായിരുന്നു ലേബര്‍ തങ്ങളുടെ പ്രമേയത്തിലൂടെ സര്‍ക്കാരിനോട് ശക്തമായി ആവശ്യപ്പെട്ടത്. നഴ്‌സുമാരുടെയും മറ്റ് പബ്ലിക്ക്‌സെക്ടര്‍ ജീവനക്കാരുടെയും ശമ്പളം വര്‍ധിപ്പിക്കുന്നതിനുള്ള നീക്കവുമായി ലേബര്‍ പാര്‍ട്ടി മുന്നോട്ട് വരുകയാണെങ്കില്‍ തങ്ങള്‍ അതിനൊപ്പം നിലകൊള്ളുമെന്ന് ഡിയുപി വ്യക്തമാക്കിയിരുന്നു.


കണ്‍സര്‍വേറ്റീവ് പാര്‍ട്ടിയും ഡിയുപിയും തമ്മിലുണ്ടാക്കിയ കരാറിന്റെ ദുര്‍ബലതയാണ് ഇതിലൂടെ ഇതിലൂടെ വ്യക്തമായത്. ഇതോടെ സര്‍ക്കാര്‍ ഏത് നിമിഷവും നിലം പതിച്ചേക്കാമെന്നു രാഷ്ട്രീയ നിരീക്ഷകര്‍ ചൂണ്ടിക്കാട്ടുന്നു.
പുതിയ പ്രമേയത്തിനായി ലേബറും ഡിയുപിയും തോളോട് തോള്‍ ചേര്‍ന്നത് സര്‍ക്കാരിന് തല്‍ക്കാലം വെല്ലുവിളിയൊന്നും ഉയര്‍ത്തുന്നില്ല.

എന്നാല്‍ ഡിയുപി ഇത്തരത്തില്‍ സ്വതന്ത്ര നിലപാട് മറ്റ് വിഷയങ്ങളിലും എടുത്താല്‍ അത് സര്‍ക്കാരിനു ബുദ്ധിമുട്ട് സൃഷ്ടിക്കും. യുകെയിലെ യൂണിവേഴ്‌സിറ്റികളിലെ ട്യൂഷന്‍ഫീസ്കൊള്ളയ്‌ക്കെതിരെയും ലേബര്‍ രംഗത്തുണ്ട്. ഇക്കാര്യത്തിലും ഡിയുപി നിലപാട് അനുകൂലമാണ്.

  • ജീവിതത്തില്‍ ഒറ്റപ്പെട്ടവര്‍ക്കായി 'ലോണ്‍ലിനെസ്' വകുപ്പും മന്ത്രിയും രൂപീകരിച്ചു ലോകത്തിന് ബ്രിട്ടന്റെ മാതൃക
  • ലുലു ഗ്രൂപ്പ് 120 മില്യണ്‍ ഡോളറിനു സ്‌കോട്ട്‌ലന്‍ഡിലെ പൈതൃക ഹോട്ടലായ 'കാലിഡോണിയന്‍ ' ഏറ്റെടുത്തു
  • നഴ്‌സുമാര്‍ക്കും പാരാമെഡിക്കലുകള്‍ക്കും കവന്‍ട്രിയില്‍ 59 മില്ല്യണ്‍ പൗണ്ടിന്റെ പരിശീലന കേന്ദ്രം തുറന്ന് വില്യമും കെയ്റ്റും
  • പനിക്കു മരുന്ന് വാങ്ങിയെത്തിയ പെരുമ്പാവൂര്‍ സ്വദേശി കെന്റിലെ വീട്ടില്‍ കുഴഞ്ഞുവീണു മരിച്ചു
  • ബള്‍ഗേറിയന്‍ മെഡിക്കല്‍ യൂണിവേഴ്‌സിറ്റി പ്രവേശന പരീക്ഷ സെപ്റ്റംബര്‍ 2 ന് ബിര്‍മിങ്ഹാമില്‍
  • എന്‍എച്ച്എസ് ജീവനക്കാര്‍ വരെ പാക്കിസ്ഥാനില്‍ നിന്നും വ്യാജഡിഗ്രികള്‍ വാങ്ങുന്നു
  • പ്ലാസ്റ്റിക് നിരോധനം നടപ്പാക്കുന്ന ലോകത്തെ ആദ്യ സൂപ്പര്‍മാര്‍ക്കറ്റ് ചെയിനായി ഐസ്‌ലാന്റ്; ഇനി എല്ലാം പേപ്പര്‍
  • ബ്രിട്ടന് പഴയ സ്നേഹമില്ലെന്ന് ട്രംപ്; സന്ദര്‍ശനം റദ്ദാക്കാന്‍ വിചിത്ര കാരണം നിരത്തി വൈറ്റ് ഹൗസ്
  • അനധികൃത കുടിയേറ്റം തടയാനും രഹസ്യ വിവരം കൈമാറാനും ഇന്ത്യ-ബ്രിട്ടന്‍ ധാരണ
  • കുഞ്ഞുങ്ങളെ പീഡിപ്പിക്കുന്നത് മൃഗപീഡനം പോലെയെന്ന് യുകെഐപി നേതാവിന്റെ കാമുകി; നേതാവിന്റെ രാജിക്കായി മുറവിളി
  •  
        © 2012 ukmalayalamnews.com All rights reserved. Powered by Phoenix Infoway