സ്പിരിച്വല്‍

ഭക്തിസാന്ദ്രമാര്‍ന്ന പൊന്തിഫിക്കല്‍ കുര്‍ബാന; വയലുങ്കല്‍ പിതാവിന് ഊഷ്മള സ്വീകരണം, തിരുന്നാള്‍ പ്രൊമോ വീഡിയോ

മാഞ്ചസ്റ്റര്‍ : ഷ്രൂസ്‌ബെറി രൂപതയിലെ സെന്റ് മേരീസ് ക്‌നാനായ ചാപ്ലയന്‍സിയിലെ ദ്വിതീയ തിരുന്നാളിന് ഒരുക്കങ്ങള്‍ പൂര്‍ത്തിയായി. സെന്റ് മേരീസ് തിരുന്നാളിന്റെ മുഖ്യ കാര്‍മ്മികനായ പാപ്പുവാ ന്യൂഗിനിയായുടെ വത്തിക്കാന്‍ സ്ഥാനപതിയുമായ ആര്‍ച്ച് ബിഷപ്പ് മാര്‍ കുര്യന്‍ വയലുങ്കലിന് ലണ്ടന്‍ ഹീത്രൂ വിമാനത്താവളത്തില്‍ ലണ്ടന്‍ ക്‌നാനായ ചാപ്ലയന്‍സി ചാപ്ലിന്‍ ഫാ. മാത്യു കട്ടിയാങ്കലിന്റെ നേതൃത്വത്തില്‍ ഊഷ്മളമായ സ്വീകരണം നല്‍കി.


1991ല്‍ കോട്ടയം അതിരൂപതാ മെത്രാന്‍ മാര്‍ കുര്യാക്കോസ് കുന്നശ്ശേരിയില്‍ നിന്നും തിരുപ്പട്ടം സ്വീകരിച്ച മാര്‍ കുര്യന്‍ വയലുങ്കല്‍ അതിരൂപതയിലെ നിരവധി ദേവാലയങ്ങളില്‍ സേവനം അനുഷ്ഠിച്ചതിനു ശേഷം വത്തിക്കാനില്‍ അജപാലന ശുശ്രൂഷകള്‍ ആരംഭിച്ചു. റോമിന്റെ ഡെലിഗേറ്റായി വിവിധ രാജ്യങ്ങളില്‍ സേവനം അനുഷ്ഠിച്ചു. 2016ല്‍ പരിശുദ്ധ പിതാവ് ഫ്രാന്‍സിസ് മാര്‍പ്പാപ്പ മാര്‍ കുര്യന്‍ വയലുങ്കലിനെ അപ്പസ്‌തോലിക് അംബാസഡറായി ഉയര്‍ത്തി.



സെന്റ് മേരീസ് തിരുന്നാളിന് തീര്‍ത്ഥാടക സമൂഹത്തെ വരവേല്‍ക്കുവാനുള്ള ആവേശത്തിലാണ് സെന്റ് മേരീസ് ക്‌നാനായ ചാപ്ലയന്‍സിയിലെ അംഗങ്ങള്‍. കൊടി തോരണങ്ങളാലും പുഷ്പാലംകൃത ദേവാലയങ്ങളാലും അതിമനോഹരമായ ദേവാലയ സമുച്ചയത്തില്‍ നൂറിലധികം പ്രസുദേന്തിമാരുടെയും നിരവധി വൈദികരുടെയും അകമ്പടിയോടെ ആര്‍ച്ച് ബിഷപ്പ് മാര്‍ കുര്യന്‍ വയലുങ്കല്‍, ഗ്രേറ്റ് ബ്രിട്ടണ്‍ സീറോ മലബാര്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ എന്നില്‍ ദേവാലയത്തിനുള്ളില്‍ പ്രവേശിക്കുന്നതോടെ തിരുക്കര്‍മ്മങ്ങള്‍ക്ക് തുടക്കമാകും.


പ്രസുദേന്തിവാഴ്ച, ലദീഞ്ഞ്, ആഘോഷമായ തിരുന്നാള്‍ കുര്‍ബാന, വാദ്യമേളങ്ങളുടെ അകമ്പടിയോടെയുള്ള തിരുന്നാള്‍ പ്രദക്ഷിണം പരിശുദ്ധ കുര്‍ബാനയുടെ വാഴ്വ് എന്നിവ സെന്റ് ആന്റണീസ് ചര്‍ച്ചില്‍ നടക്കും. തിരുന്നാളിന് വരുന്നവര്‍ DUNKERY ROAD ല്‍ (M 22 OWR) വാഹനങ്ങള്‍ പാര്‍ക്ക് ചെയ്യണമെന്നഭ്യര്‍ത്ഥിക്കുന്നു.


ഉച്ചകഴിഞ്ഞ് വിഥിന്‍ഷോയിലെ ഫോറം സെന്ററില്‍ സ്‌നേഹവിരുന്നും തുടര്‍ന്ന് അതിമനോഹരമായ കലാപരിപാടികളും അരങ്ങേറും. യു.കെയിലെ ക്‌നാനായക്കാരുടെ "രണ്ടാം പത്താം പിയൂസ് മാര്‍പ്പാപ്പ" എന്ന വിശേഷങ്ങളുള്ള ഷ്രൂസ്‌ബെറി രൂപതാധ്യക്ഷന്‍ ബിഷപ്പ് മാര്‍ക് ഡേവിസ് മതബോധന വാര്‍ഷികങ്ങള്‍ ഉദ്ഘാടനം ചെയ്യും. സെന്റ് മേരീസ് ക്‌നാനായ ചാപ്ലയന്‍സിയിലെ അംഗങ്ങളുടെ നയന മനോഹരമായ കലാപരിപാടികള്‍ക്ക് ശേഷം ബെര്‍മിങ്ങ്ഹാം യൂണിറ്റിലെ റെഡ്ച്ച് കൂടാര യോഗക്കാരുടെ പ്രശസ്തമായ "തൊമ്മന്റെ മക്കള്‍ " എന്ന നാടകം അവതരിപ്പിക്കും.


തിരുക്കര്‍മ്മങ്ങളില്‍ പങ്കെടുത്ത് മാതാവിന്റെ അനുഗ്രഹം പ്രാപിക്കുവാന്‍ എല്ലാ ദൈവ വിശ്വാസികളെയും സെന്റ് മേരീസ് ക്‌നാനായ ചാപ്ലിനും വികാരി ജനറലുമായ ഫാ. സജി മലയില്‍ പുത്തന്‍പുര സ്വാഗതം ചെയ്യുന്നു.

പാര്‍ക്കിങ്ങ് വിലാസം
ദേവാലയം DUNRERY ROAD
M22 OWR

FORUM CENTER : SIMONS WAY
M 22 5 RX

തിരുന്നാള്‍ പ്രൊമോ വീഡിയോ

  • ലണ്ടന്‍ റീജണല്‍ വചന ശുശ്രുഷ 29ന്
  • ലണ്ടന്‍ റീജണല്‍ ബൈബിള്‍ കണ്‍വെന്‍ഷന്‍ 'ഒരുക്ക ധ്യാനം' നാളെ അപ്ടണ്‍പാര്‍ക്കില്‍
  • ബൈബിള്‍ ധ്യാനയോഗവും രോഗശാന്തി ശുശ്രുഷയും ലണ്ടന്‍ സ്ട്രാറ്റ്‌ഫോഡില്‍; ടിനു ജോര്‍ജ് കൊട്ടാരക്കര മുഖ്യാതിഥി
  • യുവതലമുറയ്ക്കായി 40 മണിക്കൂര്‍ ആരാധന; പ്രാര്‍ത്ഥനാ ഒരുക്കങ്ങളോടെ അഭിഷേകാഗ്നി കണ്‍വന്‍ഷന്‍
  • സേവ്യര്‍ഖാന്‍ അച്ചന്‍ നയിക്കുന്ന ലണ്ടന്‍ റീജണല്‍ കണ്‍വെന്‍ഷന്‍ 29ന്; അല്ലിന്‍സ് പാര്‍ക്ക് തിരുവചന സാന്ദ്രമാവും
  • മതേതരത്വ സന്ദേശം ഉയര്‍ത്തിപിടിച്ച് നോര്‍ത്ത് അലേര്‍ട്ടനില്‍ മാതാവിന്‍റെ തിരുന്നാള്‍
  • കെറ്ററിങ്ങില്‍ ജപമാല മാസത്തിന്റെസമാപനത്തില്‍ പരിശുദ്ധ അമ്മയുടെ തിരുന്നാള്‍
  • കെന്റ് ഹിന്ദുസമാജത്തിന്റെ കുടുംബസംഗമവും ഭജനയും 21ന്
  • സ്പിരിച്വല്‍ റിവൈവല്‍ മിനിസ്ട്രി ഓഫ് യുകെയുടെ ഏകദിന മലയാളം കണ്‍വന്‍ഷന്‍ ലണ്ടനില്‍
  • അഭിഷേകാഗ്നി കണ്‍വെന്‍ഷനായി പ്രസ്റ്റണ്‍ റീജിയണ്‍ ഒരുങ്ങി
  •  
        © 2012 ukmalayalamnews.com All rights reserved. Powered by Phoenix Infoway