Don't Miss

മോദിയെ കല്യാണം കഴിക്കാന്‍ 40 കാരി ജന്ദര്‍മന്തറില്‍ ഉഗ്ര സമരത്തില്‍


ന്യൂഡല്‍ഹി: വീട്ടുകാര്‍ കെട്ടിച്ച ഭാര്യയെ ഉപേക്ഷിച്ചയാളാണ് പ്രധാനമന്ത്രി നരേന്ദ്ര മോദി. അങ്ങനെയുള്ള മോദിയെ കല്യാണം കഴിക്കാന്‍ വേണ്ടി ഒരു 40 കാരി ഡല്‍ഹിയിലെ പ്രശസ്തമായ ജന്ദര്‍മന്തറില്‍ ഒരു മാസമായി ധര്‍ണ്ണ നടത്തുകയാണ്. സെപ്തംബര്‍ 8 മുതലാണ് പ്രധാനമന്ത്രി കാണാന്‍ എത്തണമെന്ന് ആവശ്യപ്പെട്ട് രാജസ്ഥാന്‍കാരി ഓം ശാന്തി ശര്‍മ്മ സമരം തുടങ്ങിയത്. ഈ ഇരുപ്പ് ഇപ്പോള്‍ ഒരു മാസമാകുന്നു.

ശാന്തിയുടെ ആവശ്യം ഇത്രയേ ഉള്ളൂ, കല്യാണം കഴിക്കാന്‍ മോദി സമ്മതിക്കണം. തലയ്ക്ക് സുഖമില്ലേ എന്ന് മറ്റുള്ളവര്‍പറഞ്ഞേക്കാമെങ്കിലും ശാന്തിക്ക് കൂസലില്ല. അദ്ദേഹവും തന്നെപ്പോലെ തനിച്ചാണ്. ഏറെ തിരക്ക്പിടിച്ചോടുന്ന പ്രധാനമന്ത്രിക്ക് ഒരു കൂട്ടുവേണ്ടത് ഇപ്പോഴാണെന്ന് ശാന്തി പറയുന്നു. മുമ്പ് താനും വിവാഹിതയായ ആളാണ്. അത് നീണ്ടു നിന്നില്ല. ഇപ്പോള്‍ ദീര്‍ഘകാലമായി താനും തനിച്ചാണ്. ഇതിനിടയില്‍ അനേകം വിവാഹാലോചനകള്‍ വരുന്നുണ്ട്. എന്നാല്‍ താന്‍ ഇവിടെ വന്നത് നരേന്ദ്രമോദിയെ വിവാഹം കഴിക്കാനാണെന്നും ശാന്തി പറയുന്നു.

ഒരു പാട് ജോലികള്‍ ചെയ്യാനുള്ളപ്പോഴാണ് സഹായം ആവശ്യമുളളത്. മൂത്തവരെ ബഹുമാനിക്കാനും അവരെ ജോലികളില്‍ സഹായിക്കാനും പഠിപ്പിക്കുന്ന നമ്മുടെ സംസ്‌ക്കാരം ചെറുപ്പം മുതല്‍ ശീലിച്ചിട്ടുള്ള തന്നെക്കൊണ്ട് അദ്ദേഹത്തിന് ചെയ്തു കൊടുക്കാന്‍ കഴിയുന്ന ചെറിയ കാര്യങ്ങള്‍ ചെയ്യാന്‍ താന്‍ ശ്രമിക്കുമെന്നും ഓം ശാന്തി ശര്‍മ്മ പറയുന്നു.


സമ്പത്തും പദവിയും നോക്കിയാണ് ഇതിന് മുതിരുന്നതെന്നും ആരും കരുതേണ്ട. ജയ്പൂരില്‍ ധാരാളം വസ്തുവും പണവും സ്വന്തമായിട്ടുണ്ടെന്നും ഇവര്‍ പറയുന്നു. കുറച്ചു സ്ഥലം വില്‍പ്പന നടത്തി മോദിക്കായി വിലപ്പെട്ട സമ്മാനം വാങ്ങാനും ഉദ്ദേശമുണ്ട്. വിവാഹമോചിതയായ ഓംശാന്തിക്ക് ആദ്യ ബന്ധത്തില്‍ 20 കാരിയായ ഒരു മകള്‍ കൂടിയുണ്ട്. അവരെ കുറിച്ചോര്‍ത്തും ഓം ശാന്തിക്ക് ദു:ഖമില്ല. കാരണം മകള്‍ക്ക് വേണ്ട പണവും സ്വത്തും അവിടെതന്നെയുണ്ടെന്ന് ശാന്തി പറയുന്നു.

ഓംശാന്തി ജന്തര്‍ മന്ദിറിലെ ഗുരുദ്വാരകളില്‍ നിന്നും ക്ഷേത്രങ്ങളില്‍ നിന്നും ഭക്ഷണം കഴിച്ചും പൊതു ശൗചാലയങ്ങള്‍ ഉപയോഗിച്ചുമാണ് ജീവിക്കുന്നത്. 30 ദിവസമായി ഇവിടെ സമരം നയിക്കുന്ന ഓം ശാന്തി ശര്‍മ്മയ്ക്ക് പക്ഷേ ഇപ്പോഴത്തെ ഭീഷണി സമരവേദി മാറ്റണമെന്ന് ആവശ്യപ്പെടുന്ന ഹരിത ട്രൈബ്യൂണലാണ്. തന്നെ സര്‍ക്കാര്‍ ഇവിടെ നിന്നും ഓടിച്ചാല്‍ എങ്ങോട്ട് പോകുമെന്ന് അറിയില്ലെന്നും ഒരു മാസമായി ഇവിടം നല്ല താവളമായിരുന്നെന്നുമാണ് ഇവര്‍ പറയുന്നത്.

  • ദിലീപ് ഹരിശ്ചന്ദ്രനൊന്നുമല്ലെന്ന് പ്രോസിക്യൂഷന്‍ ; കുറ്റപത്രം മാധ്യമങ്ങള്‍ക്ക് നല്‍കിയത് ദിലീപ് തന്നെ!
  • ചുള്ളന്‍ ലുക്കില്‍ മോഹന്‍ലാല്‍ നെടുമ്പാശേരിയില്‍ ; അമ്പരന്ന് എയര്‍പോര്‍ട്ട് ജീവനക്കാര്‍
  • റിലാക്‌സേഷനൊക്കെയുണ്ടെന്ന് പറഞ്ഞ് ഭാര്യയെ കളിയാക്കുന്നവര്‍ക്ക് മറുപടിയുമായി അല്‍ഫോണ്‍സ് കണ്ണന്താനം
  • രോഹിത്തിന് മൂന്നാം ഡബിള്‍ സെഞ്ച്വറി; ശ്രീലങ്കയ്ക്കെതിരെ ഇന്ത്യക്ക് കൂറ്റന്‍ സ്‌കോര്‍
  • ഉദുമല്‍പേട്ട് ദുരഭിമാനക്കൊല: പെണ്‍കുട്ടിയുടെ പിതാവ് അടക്കം ആറു പ്രതികള്‍ക്ക് വധശിക്ഷ
  • 'ക്ഷണക്കത്തിന് കാത്തിരിക്കേണ്ട, അനുഷ്‌കയും വിരാടും വിവാഹിതരായി'; പുതിയ വെളിപ്പെടുത്തല്‍
  • ജയന്റെ ബന്ധുത്വത്തെ ചൊല്ലി തര്‍ക്കം; സീരിയല്‍ താരവും ജയന്റെ സഹോദരന്റെ മകളും തമ്മില്‍ പരസ്യമായ പേര്‍വിളി
  • ജീവനക്കാരില്ലെന്ന കാരണം പറഞ്ഞു കേരളത്തില് ഓടുന്ന എട്ട് പാസഞ്ചര്‍ ട്രെയിനുകള്‍ റെയില്‍വേ റദ്ദാക്കി
  • ആഞ്ജലീന ജോളിയെപ്പോലെയാവാന്‍ 50 ശസ്ത്രക്രിയ നടത്തി 'വിരൂപ'യായ പെണ്‍കുട്ടി ലോകത്തെ മുഴുവന്‍ പറ്റിച്ചു
  • ഭാര്യയേയും സഹോദരിയേയും വെടിവച്ച ശേഷം എന്‍എസ്ജി കമാന്‍ഡോ ജീവനൊടുക്കി
  •  
        © 2012 ukmalayalamnews.com All rights reserved. Powered by Phoenix Infoway