വിദേശം

ആഭിചാരക്രിയകള്‍ക്കായി ഇന്ത്യാക്കാരിയുടെ തല വെട്ടിയ സിദ്ധന് ജീവപര്യന്തം



ജോഹന്നാസ്ബര്‍ഗ്: ആഭിചാരക്രിയകള്‍ക്കായി ഇന്ത്യാക്കാരിയെ തല വെട്ടിക്കൊന്ന കേസില്‍ ദക്ഷിണാഫ്രിക്കക്കാരനായ സിദ്ധവൈദ്യന് കോടതി ജീവപര്യന്തം ശിക്ഷ വിധിച്ചു. സിബോണകലിസോ എംബിലി എന്ന സിദ്ധനാണ് ശിക്ഷിക്കപ്പെട്ടത്. എംബിലിയെ കൂടാതെ കൂട്ടുപ്രതികളായ ജിമ്മി സ്റ്റാന്‍ലി തെലെജല, മുംഗിസി നദ്ലോവ് എന്നിവര്‍ക്ക് 15 വര്‍ഷം തടവും എംബാലി മഗ്വാല എന്ന യുവതിക്ക് 12 വര്‍ഷം തടവും ശിക്ഷ ലഭിച്ചു.കേസിലെ മറ്റൊരു പ്രതിയായ ഫലാഖെ ഖുമാലോ നേരത്തെ കുറ്റം സമ്മതിച്ചിരുന്നു. ജീവപര്യന്തം ശിക്ഷ ലഭിച്ച ഖുമാലോ ഇപ്പോള്‍ ജയിലിലാണ്.


2014 ആഗസ്റ്റ് 17ന് ഡര്‍ബനിലായിരുന്നു കേസിനാസ്പദമായ സംഭവം . ഇന്ത്യന്‍ വംശജയായ ദേസ്രീ മുരുഗനെ നാലു പേരും ചേര്‍ന്ന് 192 തവണ കുത്തിയ ശേഷം ശിരച്ഛേദം ചെയ്തെന്നാണ് കേസ്.

പരമ്പരാഗത ആഭിചാരക്രിയകള്‍ നടത്തി വരുന്ന സിദ്ധനായിരുന്നു എംബിലി. തന്റെ ആഭിചാരക്രിയയ്ക്കായി ഇന്ത്യാക്കാരിയുടേയോ വെള്ളക്കാരിയുടെയോ തല വേണമെന്നായിരുന്നു സിബോണകലിസോ സഹായികളോട് ആവശ്യപ്പെട്ടത്. ഇതിനായി 1,53,000 ഡോളര്‍ സഹായികള്‍ക്ക് എംബിലി നല്‍കി. തുടര്‍ന്ന് മൂവരും ദൗത്യം പൂര്‍ത്തിയാക്കാനായി ഇറങ്ങി. സ്ത്രീയെ തേടി അലയുന്നതിനിടെയാണ് ഡര്‍ബന് സമീപത്തെ ചാറ്റ്സ്വര്‍ത്തിലെ ഇന്ത്യന്‍ ടൗണ്‍ഷിപ്പില്‍ താമസിക്കുകയായിരുന്ന ദേസ്രി മുരുഗനെ പ്രതികള്‍ കണ്ടത്. കായികരംഗത്ത് പ്രവര്‍ത്തിക്കുന്നവരാണെന്ന് പരിചയപ്പെടുത്തിയ പ്രതികള്‍ ദേസ്രിയുമായി സൗഹൃദം സ്ഥാപിക്കുകയും അവരേയും ഈ രംഗത്തിറങ്ങാന്‍ പ്രേരിപ്പിക്കുകയും ചെയ്തു. സംഭവ ദിവസം പ്രതികള്‍ ദേസ്രിയെ പ്രലോഭിപ്പിച്ച് ഷാല്‍ക്രോസ് സ്പോര്‍ട്സ് ഗ്രൗണ്ടിലെത്തിച്ചു. അവിടെ വച്ച് നാലു പേരും ചേര്‍ന്ന് ദേസ്രിയെ മൃഗീയമായി കൊലപ്പെടുത്തുകയായിരുന്നു. ദേസ്രിയെ കാണാതായതിനെ തുടര്‍ന്ന് നടത്തിയ അന്വേഷണത്തിലാണ് മൃതദേഹവശിഷ്ടങ്ങള്‍ എംബിലിയുടെ വീട്ടിലെ പറമ്പില്‍ കുഴിച്ചിട്ട നിലയില്‍ കണ്ടെത്തിയത്. തുടര്‍ന്ന് പൊലീസ് പ്രതികളെ അറസ്റ്റു ചെയ്തു.


എംബാലി മഗ്വാലയ്ക്ക് താരതമ്യേന ചെറിയ ശിക്ഷയാണ് കോടതി നല്‍കിയത്. ഇരയായി ദേസ്രിയെ കണ്ടെത്തിയത് എംബാലി ആയിരുന്നെങ്കിലും അവര്‍ കൊലയില്‍ നേരിട്ട് പങ്കെടുത്തിരുന്നില്ല. സംഭവം നടക്കുമ്പോള്‍ എംബാലിയുടെ പ്രായം 16 ആയിരുന്നു.

  • ട്രംപിനെതിരെ ലൈംഗികാരോപണവുമായി കൂടുതല്‍ സ്ത്രീകള്‍ ; അന്വേഷണം വേണമെന്ന് ഡെമോക്രാസ്റ്റുകള്‍
  • ന്യൂയോര്‍ക്കില്‍ ഭീകരാക്രമണം; ചാവേറായി പൊട്ടിത്തെറിച്ച ബംഗ്ലാദേശി യുവാവ് ഗുരുതര പരിക്കോടെ പിടിയില്‍
  • കുമ്പസാരിക്കാനെത്തിയ സൗന്ദര്യറാണിയെ കൊലപ്പെടുത്തിയ വൈദികന് ജീവപര്യന്തം
  • സക്കര്‍ബര്‍ഗിന്റെ സഹോദരിയ്ക്ക് നേരെ വിമാനത്തില്‍ ലൈംഗികാതിക്രമം
  • അമേരിക്കയെ വെല്ലുവിളിച്ചു ജപ്പാന് മുകളിലൂടെ ഉത്തരകൊറിയയുടെ 13,000 കിലോമീറ്റര്‍ ദൂരപരിധിയുള്ള മിസൈല്‍ പറന്നു
  • അഭയാര്‍ത്ഥികളോടുള്ള വിരോധം; ജര്‍മ്മനിയില്‍ മേയര്‍ക്കു തദ്ദേശവാസിയുടെ കുത്തേറ്റു
  • തലശ്ശേരി സ്വദേശി സ്വിറ്റ്സര്‍ലന്‍ഡ് പാര്‍ലമെന്റ് അംഗമായി
  • അച്ഛന്‍ തന്റെ ഭാര്യയെ ദുരുദ്ദേശത്തോടെ പിടിച്ചതായി ട്രംപിന്റെ മകനോട് ഹോളിവുഡ് നടന്‍
  • വെസ്ലിയുടെയും സിനിയുടെയും മൂത്ത കുട്ടിയെ ബന്ധുക്കള്‍ക്ക് കൈമാറി
  • ഒരുമാസം പ്രായമായ കുഞ്ഞ് കാറില്‍ മരിച്ചനിലയില്‍ ; യുഎസില്‍ ഇന്ത്യന്‍ പിതാവ് അറസ്റ്റില്‍
  •  
        © 2012 ukmalayalamnews.com All rights reserved. Powered by Phoenix Infoway