Don't Miss

മകനെ യുകെയിലേക്ക് അയച്ച് കബളിപ്പിക്കപ്പെട്ടു; സീരിയല്‍ നടി ജീവിക്കാനായി തട്ടുകട നടത്തുന്നു

ലണ്ടന്‍ : മകനെ ഉന്നത പഠനത്തിനായി യുകെയിലേക്ക് അയച്ച സീരിയല്‍ നടി ഇപ്പോള്‍ ജീവിക്കാനായി തട്ടുകട നടത്തുകയാണ്. ഏഷ്യാനെറ്റിലെ സ്ത്രീധനം എന്ന സീരിയലിലെ മത്തി സുകുവിന്റെ ഭാര്യ ശാന്തയായി തിളങ്ങുകയും നിരവധി സീരിയലുകളില്‍ ശ്രദ്ധേയ വേഷങ്ങള്‍ ചെയ്യുകയും ചെയ്ത കവിതാ ലക്ഷ്മിയാണ് ജീവിക്കാന്‍ പെടാപ്പാട് പെടുന്നത്.


ഒരു മകനും മകളുമാണ് കവിതാ ലക്ഷ്മിയ്ക്കുള്ളത്. ട്രാവല്‍ ഏജന്‍സി വഴിയാണ് നാലു വര്‍ഷത്തെ കോഴ്‌സിനായി മകനെ യുകെയിലേക്ക് അയച്ചത്. സ്റ്റഡി ആന്റ് വര്‍ക്ക് തരപ്പെടുത്തിക്കൊടുക്കാമെന്ന് പറഞ്ഞാണ് ഏജന്‍സി സീറ്റ് തരപ്പെടുത്തി കൊടുത്തത്. മകന് മണിക്കൂറില്‍ പത്ത് പൗണ്ട് ശമ്പളത്തില്‍ ജോലിയും ഏജന്‍സി വാഗ്ദാനം ചെയ്തിരുന്നു. ഒരു മാസം ഒരു ലക്ഷം രൂപ എന്ന കണക്കിലായിരുന്നു ഫീസ്. സീരിയലില്‍ അവസരമുള്ളതു കൊണ്ട് സാമ്പത്തിക പ്രശ്‌നം ഉണ്ടാകുമെന്ന് കരുതിയില്ല.


മകന്‍ യുകെയില്‍ എത്തിയപ്പോഴാണ് ചതി മനസിലായത്. വാഗ്ദാനം ചെയ്ത ശമ്പളത്തിന്റെ പകുതി പോലും ലഭിച്ചില്ല. കൂടാതെ മഞ്ഞ് വീഴ്ച കാരണം ആറ് മാസം മാത്രമേ ക്ലാസുള്ളൂ. ഒരു വര്‍ഷം കൊണ്ട് 12 ലക്ഷം രൂപ കൊടുക്കേണ്ട സ്ഥാനത്ത് ആറ് മാസം കൊണ്ട് 12 ലക്ഷം രൂപ നല്‍കേണ്ട സ്ഥിതി. യൂണിവേഴ്‌സിറ്റിയില്‍ നിന്ന് മെയില്‍ അയച്ചപ്പോളാണ് വിവരം അറിഞ്ഞത്. കഴിഞ്ഞ വര്‍ഷത്തെ ഫീസ് അടച്ചെങ്കിലും, ഈ വര്‍ഷത്തെ ഫീസ് മുടങ്ങി.
കവിത ലക്ഷ്മിയുടെ വീഡിയോ ആണ് വൈറലായി മാറിയിരിക്കുന്നത്.
മകന് വേണ്ടി രാത്രിയില്‍ തട്ട് ദോശ ഉണ്ടാക്കി വില്‍ക്കുന്ന കവിതയുടെ വീഡിയോയാണ് പുറത്ത് വന്നിരിക്കുന്നത്. കുറച്ച് ദിവസങ്ങള്‍ മാത്രമെ ആയിട്ടുള്ളു കവിത തട്ടുകട തുടങ്ങിയിട്ട്. മകന് ഫീസ് അടയ്ക്കുന്നതിന് വേണ്ടിയാണ് തട്ടുകട എന്ന ആശയത്തിലേക്ക് നടി എത്തിയത്. മകന്റെ പഠനത്തിന് വേണ്ടി ബാങ്കുകള്‍ കേറി ഇറങ്ങേണ്ടി വന്ന ദുരവസ്ഥയും നടി തുറന്ന് പറയുന്നുണ്ട്.


കെ കെ രാജീവിന്റെ അയലത്തെ സുന്ദരി എന്ന സീരിയലിലാണ് കവിത അഭിനയിച്ച് കൊണ്ടിരിക്കുന്നത്. ഷൂട്ടിന് പോയി നേരത്തെ വന്ന് തട്ടുകട തുടങ്ങും. അതെക്കെ അങ്ങനെ നടക്കുമെന്നാണ് കവിത പറയുന്നത്.


വിദേശത്ത് പഠിക്കാന്‍ പോയ മകന് ലോണിന് ശ്രമിച്ചിരുന്നെങ്കിലും ബാങ്ക് കൈമലര്‍ത്തിയിരുന്നു. ബാങ്ക് കാര്യങ്ങളെല്ലാം നന്നായി പോവുന്നുണ്ടെങ്കിലും വസ്തു ഇല്ലാത്തതിന്റെ പേരില്‍ ലോണ്‍ കിട്ടാതെ പോവുകയായിരുന്നു.
ഫേസ്ബുക്കിലുള്ള സുഹൃത്തുക്കള്‍ക്ക് ആര്‍ക്കെങ്കിലും മുദ്ര ലോണിനെ കുറിച്ച് എന്തെങ്കിലും അറിയാമെങ്കില്‍ പറഞ്ഞ് തരണമെന്നും കവിത ആവശ്യപ്പെടുന്നുണ്ട്. കടയിലെത്തിയ ഒരാളാണ് നടിയുടെ വിഡിയോ യുട്യൂബില്‍ അപ് ലോഡ് ചെയ്തത്.


വീഡിയോ

  • 'ദയവായി എന്റെ മക്കളെ വെറുതേവിടൂ; അപേക്ഷയുമായി സച്ചിന്‍
  • മുറിയിലെത്തിച്ച് ഐശ്വര്യ റായിയെ പീഡിപ്പിക്കാന്‍ ഹോ​ളി​വു​ഡ് നിര്‍​മാ​താ​വ് ശ്രമിച്ചു- ഞെട്ടിക്കുന്ന വെളിപ്പെടുത്തല്‍
  • ഗുജറാത്തില്‍ രാഹുല്‍ ഗാന്ധി സത്രീകളുടെ ശൗചാലയത്തില്‍ മാറിക്കയറി
  • ഗുജറാത്തില്‍ രാഹുല്‍ ഗാന്ധിയുടെ ചെണ്ടകൊട്ടും ഡാന്‍സും: വീഡിയോ വൈറല്‍
  • പാല് കുടിക്കാത്തതിന് വീടിനു പുറത്തു നിര്‍ത്തി: മൂന്ന് വയസുകാരിയെ കാണാതായി; മലയാളി അമേരിക്കയില്‍ അറസ്റ്റില്‍
  • മാഞ്ചസ്റ്റര്‍ ക്‌നാനായ തിരുനാളിന് ഭക്തിനിര്‍ഭരമായ സമാപനം
  • മോദിയെ കല്യാണം കഴിക്കാന്‍ 40 കാരി ജന്ദര്‍മന്തറില്‍ ഉഗ്ര സമരത്തില്‍
  • ട്രാഫിക് പോലീസുകാരന്‍ ജോലി ഉപേക്ഷിച്ചു 'ക്രിസ്തു'വായി; സ്വന്തമായി പള്ളിയും പണിതു; വിശ്വാസികളായി ആയിരങ്ങള്‍
  • ന്യൂയോര്‍ക്കില്‍ താമസിച്ചു വേട്ടക്കാരാവുന്നവര്‍ ....
  • ജാമ്യം ആഘോഷിക്കരുത്; പുറത്ത് കഴുകന്മാര്‍ കാത്തിരിപ്പുണ്ട്: മുന്നറിയിപ്പുമായി ദിലീപ് ഫാന്‍സ് അസോസിയേഷന്‍
  •  
        © 2012 ukmalayalamnews.com All rights reserved. Powered by Phoenix Infoway