സിനിമ

പ്രതികള്‍ ശിക്ഷിക്കപ്പെടുക തന്നെ വേണം! നീതി കിട്ടാന്‍ അവളോടൊപ്പം ഏതറ്റം വരെയും പോവും; രമ്യാ നമ്പീശന്‍


കൊച്ചിയില്‍ നടി ആക്രമിക്കപ്പെട്ട ദിവസം മുതല്‍ അവര്‍ക്കൊപ്പം ശക്തമായി നിലകൊള്ളുന്നയാളാണ് ഉറ്റ സുഹൃത്തുകൂടിയായ 'അമ്മ എക്സിക്യുട്ടീവ് അംഗം രമ്യാ നമ്പീശന്‍ . വിമന്‍ ഇന്‍ സിനിമ കളക്ടീവ് എന്ന പേരില്‍ സംഘടന രൂപീകരിച്ചതും നടിയ്ക്ക് നീതി ലഭിക്കുന്നതിന് മലയാള സിനിമയിലെ താര സംഘടനയായ 'അമ്മ'യോട് ശക്തമായി വാദിക്കുകയും ചെയ്തവരില്‍ ഒരാളുകൂടിയാണ് രമ്യ.


നടി ആക്രമിക്കപ്പെട്ട കേസില്‍ കുറ്റവാളികള്‍ക്ക് ഏറ്റവും കൂടിയ ശിക്ഷ തന്നെ നല്‍കണമെന്ന ആവശ്യവുമായി രംഗത്തെത്തിയിരിക്കുകയാണ് ഇപ്പോള്‍ രമ്യാ നമ്പീശന്‍. നടി ആക്രമിക്കപ്പെട്ട കേസില്‍ ആരോപണവിധേയനായി അറസ്റ്റ് ചെയ്യപ്പെടുകയും ജയിലില്‍ കഴിയുകയും ചെയ്ത നടന്‍ ദീലീപ് ജാമ്യത്തില്‍ ഇറങ്ങിയതിന്റെ കൂടി വെളിച്ചത്തിലാണ് രമ്യയുടെ പുതിയ പ്രതികരണം. ഇനിയൊരാള്‍ക്കും അത്തരത്തിലൊരു കുറ്റം ചെയ്യാനുള്ള തോന്നല്‍ പോലും ഉണ്ടാകാത്ത തരത്തിലുള്ള ശിക്ഷ വേണം നല്‍കാന്‍. നടിയെ ആക്രമിച്ചത് അത്യപൂര്‍വ്വവും ക്രൂരവുമായ കുറ്റമാണ്. സത്യം തെളിയാന്‍ അവള്‍ക്കൊപ്പം ഏതറ്റം വരെ പോകാനും ഞങ്ങള്‍ തയ്യാറാണെന്നും രമ്യ പ്രതികരിച്ചു.


രമ്യയുടെ വീട്ടിലേയ്ക്ക് വരുന്ന വഴിയ്ക്കാണ് പുലര്‍ച്ചെ നടി ആക്രമിക്കപ്പെട്ടത്. കേസില്‍ ദിലീപ് അറസ്റ്റിലായതിന് പിന്നാലെ അവള്‍ക്കൊപ്പം, അവള്‍ക്കൊപ്പം മാത്രം എന്ന ഹാഷ്ടാഗില്‍ പ്രതികരണവുമായി എത്തിയ താരവും രമ്യയാണ്. ദിലീപ് കുറ്റവാളിയെന്ന് കോടതി വിധിച്ചിട്ടില്ലെങ്കിലും പോലീസ് അന്വേഷണം ശരിയായ ദിശയിലാണെന്നും, ഇക്കാരത്താല്‍ താനുള്‍പ്പെടെയുള്ള ഡബ്ലുസിസി ദിലീപിനെതിരാണെന്നും രമ്യ വ്യക്തമാക്കി. ദിലീപ് നായകനായ രാമലീല ഡബ്ലുസിസി ബഹിഷ്‌കരിച്ചതും വാര്‍ത്തയായിരുന്നു. കേസിലെ പ്രധാന സാക്ഷി കൂടിയാണ് രമ്യ.

  • ജിഎസ്ടിയേയും ഡിജിറ്റല്‍ ഇന്ത്യയേയും പരിഹസിച്ച വിജയ് ചിത്രത്തിനെതിരെ ബിജെപി
  • ഹാര്‍വിയുടെ പീഡനങ്ങളെക്കുറിച്ച് പ്രിയങ്ക ചോപ്രയ്ക്കും ചിലതുപറയാനുണ്ട്
  • വിവാഹ വാഗ്ദാനം നല്‍കി അസിസ്റ്റന്റ് ഡയറക്ടര്‍ ചതിച്ചപ്പോള്‍ തകര്‍ന്നു; ശാരീരിക പീഡനത്തേക്കാള്‍ ക്രൂരമാണ് തന്റെ അനുഭവമെന്ന് മൈഥിലി
  • വെയ്റ്ററെ തല്ലിയത് മുഖത്തു നോക്കി അസഭ്യം പറഞ്ഞതിനെന്ന് സീരിയല്‍ നടി
  • ദിലീപിനെ 'അമ്മ'യില്‍ തിരിച്ചെടുക്കുമോ? മാധ്യമപ്രവര്‍ത്തകനോട് നീരസം പ്രകടിപ്പിച്ചു ഇന്നസെന്റിന്റെ മറുപടി
  • രാത്രി കൊച്ചിയിലേക്ക് വന്ന നടി പാര്‍വതി അപകട കെണിയില്‍പ്പെട്ടു; റോഡിലിറങ്ങി വാഹനങ്ങള്‍ നിര്‍ത്തിച്ചു താരം
  • സുരാജിന്റെ സിനിമയില്‍ അതിഥിതാരമായി ദിലീപ്
  • കണ്ണ് ചൂഴ്‌ന്നെടുക്കുമെന്ന ബിജെപി നേതാവിന്റെ ഭീഷണിക്കെതിരെ നടന്‍ അലന്‍സിയര്‍ കണ്ണുമൂടിക്കെട്ടി പോലീസില്‍ പരാതി നല്‍കി
  • ഹോട്ടല്‍ ബിസിനസില്‍ നിന്ന് മല്ലികാ സുകുമാരന്‍ രമേഷ് പിഷാരടിയുടെ സിനിമയിലൂടെ വീണ്ടും
  • മീന -മോഹന്‍ലാല്‍ ഹിറ്റ്‌ താരജോഡി വീണ്ടും; കൂടെ തൃഷയും
  •  
        © 2012 ukmalayalamnews.com All rights reserved. Powered by Phoenix Infoway