നാട്ടുവാര്‍ത്തകള്‍

സോളാര്‍ ബോംബ് പൊട്ടുമ്പോള്‍ സുധീരന്‍ ഊറിച്ചിരിക്കുകയാണ്


തിരുവനന്തപുരം: കഴിഞ്ഞ യുഡിഎഫ് സര്‍ക്കാരിന്റെ കാലത്തെ കറുത്തപാടായിരുന്നു സോളാര്‍ വിവാദം. പാര്‍ട്ടിയെയും സര്‍ക്കാരിനെയും ബാധിച്ച അര്‍ബുദം. അതിനെതിരെ ഒറ്റയാള്‍പോരാട്ടം നടത്തി രക്തസാക്ഷിയായ ഒരാളുണ്ട്, വി എം സുധീരന്‍ . കെപിസിസി പ്രസിഡന്റ് സ്ഥാനത്തിനിരുന്നു നേതാക്കളുടെ ദുഷിപ്പിനെതിരെ പരമാവധി പൊരുതി നോക്കിയിരുന്നു സുധീരന്‍ . എന്നാല്‍ എല്ലാവരും അദ്ദേഹത്തെ ഒറ്റപ്പെടുത്തി മൂലയ്ക്കിരുത്തി. പാര്‍ട്ടിയെ നന്നാക്കാന്‍ നോക്കി പരാജയപ്പെട്ടു അവസാനം ഗത്യന്തരമില്ലാതെ പദവി ഒഴിക്കുകയായിരുന്നു അദ്ദേഹം. സുധീരനെ പുകച്ചു പുറത്തു ചാടിച്ചവരൊക്കെ ഇപ്പോള്‍ വലിയ പരിഹാസപാത്രമാകുമ്പോള്‍ സുധീരന്‍ ഊറിച്ചിരിക്കുകയാവും. താന്‍ ഏത് വിഷയത്തിനെതിരെ യുദ്ധം ചെയ്തോ അതേ വിഷയത്തിലെ നേതാക്കള്‍ മുഖം നഷ്ടപ്പെട്ടു നില്‍ക്കുന്നു.


ഉമ്മന്‍ചാണ്ടി, ആര്യാടന്‍, കെസി വേണുഗോപാല്‍, അനില്‍കുമാര്‍ ,അടൂര്‍ പ്രകാശ്, ഹൈബി ഈഡന്‍, കെ.പി.സി.സി ജനറല്‍ സെക്രട്ടറി എന്‍.സുബ്രഹ്മണ്യം എന്നിവര്‍ അഴിമതി , മാനഭംഗ കേസിനെ അഭിമുഖീകരിക്കുമ്പോള്‍ സുധീരന്‍ ചിരിക്കാതെയെന്തു ചെയ്യും?



തെളിവ് നശിപ്പിക്കല്‍ , കുറ്റവാളികളെ രക്ഷിക്കാന്‍ ശ്രമിക്കല്‍ എന്നീ കുറ്റങ്ങള്‍ നേരിടുന്ന ബെന്നിബഹന്നാന്‍ , തമ്പാനൂര്‍ രവി എന്നിവരും പ്രതിസ്ഥാനത്താണ്. ഉമ്മന്‍ചാണ്ടിയെ കേസില്‍ നിന്നും രക്ഷിക്കാനായി സരിതയെ സ്വധീനിക്കാന്‍ മുന്‍ എഎല്‍എമാരായ തമ്പാന്നൂര്‍ രവി, ബെന്നി ബെഹ്നാന്‍ എന്നിവര്‍ ശ്രമിച്ചു എന്ന് കമ്മീഷന്‍ റിപ്പോര്‍ട്ടിലുണ്ട്.


ആരോപണ വിധേയനായ ബെന്നി ബെഹ്നാനെ കഴിഞ്ഞതവണ മത്സരിപ്പിക്കേണ്ട എന്ന ഉറച്ച തീരുമാനം എടുത്തത് സുധീരനായിരുന്നു. അതിന്റെ പേരിലും അദ്ദേഹം ഒട്ടേറെ പഴികേട്ടു. തൃക്കാക്കരയില്‍ ബെന്നി ബെഹ്നാനു പകരം പിടി തോമസിനെ ഇറക്കിയത് സുധീരന്റെ കടുത്ത നിലപാട് മൂലമായിരുന്നു. പിടി ജയിച്ചു കയറുകയും ചെയ്തു. പ്രതിപക്ഷ നിരയില്‍ നേരെ ചൊവ്വേ കാര്യങ്ങള്‍ പറയുന്ന ഒരാള്‍ ഇന്ന് പിടി തോമസാണ്.

ഉമ്മന്‍ചാണ്ടിയുടെ വിശ്വസ്ഥനായ ബെന്നി ബെഹനാനെ അടുത്ത കെപിസിസി പ്രസിഡന്റ് ആയി ഏതാണ്ട് ഉറപ്പിച്ചതായിരുന്നു. എന്നാല്‍ ഇപ്പോഴത്തെ സാഹചര്യത്തില്‍ ആ കസേര ബെന്നിക്ക് നഷ്ടപ്പെടാനാണ് സാധ്യത. അടൂര്‍ പ്രകാശിന്റെ പേരും സുധീരന്‍ വെട്ടിയതായിരുന്നു. എന്നാല്‍ ഉമ്മന്‍ചാണ്ടിയുടെ പിന്തുണയോടെ അവസാന നിമിഷം അടൂര്‍ പ്രകാശ് കോന്നിയില്‍ മത്സരിച്ചു.

തൃപ്പൂണിത്തുറയില്‍ സുധീരന്റെ എതിര്‍പ്പ് മറികടന്നാണ് കെ ബാബുവിനെ മത്സരിപ്പിച്ചത്. ബാര്‍ കോഴയില്‍പ്പെട്ട ബാബു തോല്‍ക്കുകയും ചെയ്തു. തങ്ങള്‍ക്കെതിരെ നിലപാടെടുത്ത സുധീരനെ കടുത്ത ഭാഷയിലാണ് ആരോപണവിധേയര്‍ ആക്രമിച്ചത്.

  • ഫാ തോമസിനെ കസ്റ്റഡിയില്‍ കിട്ടാന്‍ പോലീസ് അപേക്ഷ നല്‍കി, റിസോര്‍ട്ടിലും പള്ളിമേടയിലും തെളിവെടുപ്പ്
  • സഹപ്രവര്‍ത്തകയ്ക്ക് നീതി വൈകിക്കരുത് , അത് നീതി നിഷേധത്തിന് തുല്യമെന്ന് ഡബ്ലിയുസിസി
  • മകളുടെ കുഞ്ഞിനെ നോക്കാന്‍ അമേരിയ്ക്കയ്ക്ക് പോകണമെന്ന് ഭാര്യ; തന്നെ നോക്കിയാല്‍ മതിയെന്ന് ഭര്‍ത്താവും ; വഴക്കിനൊടുവില്‍ ഭാര്യയെ വെട്ടിക്കൊന്ന് ഭര്‍ത്താവ് തൂങ്ങിമരിച്ചു
  • പേടിപ്പിക്കല്ലേ! ദുബായില്‍ ബിനീഷ് കോടിയേരിയുടെ ഫെയ്‌സ്ബുക്ക് ലൈവ് ഷോ
  • നടി ആക്രമിക്കപ്പെട്ടിട്ട് ഒരു വര്‍ഷം; ദൃശ്യങ്ങള്‍ ആവശ്യപ്പെട്ടു ദിലീപ് ഹൈക്കോടതിയിലേയ്ക്ക്
  • ട്രെയിനിലെ പീഡന ശ്രമം: സനുഷ കോടതിയില്‍ രഹസ്യമൊഴി നല്‍കി
  • അഞ്ചുവയസുള്ള മകളെ തനിച്ചാക്കി, ഫെയ്‌സ്ബുക്ക് കാമുകനുമായി ഒളിച്ചോടി; യുവതിയും കാമുകനും പിടിയില്‍
  • അഭയ കേസ്: വൈദികര്‍ രാത്രി കോണ്‍വെന്റിലെ മതില്‍ ചാടിക്കടന്നെന്നു സിബിഐ
  • ബിനോയിയെ ഊരിയെടുത്തത് പ്രവാസിവ്യവസായികള്‍ ; അറബിയും ഹാപ്പി
  • ഭര്‍ത്താവ് ലൈംഗിക വൈകൃതങ്ങള്‍ പ്രകടിപ്പിക്കുന്നു; പോണ്‍ സൈറ്റുകള്‍ നിരോധിക്കണമെന്നാവശ്യപ്പെട്ട് സുപ്രീംകോടതിയില്‍ യുവതി
  •  
        © 2012 ukmalayalamnews.com All rights reserved. Powered by Phoenix Infoway