നാട്ടുവാര്‍ത്തകള്‍

ബ്രിട്ടന്റെ ഉറക്കംകെടുത്തിയ 'വെളുത്ത വിധവ' സാലി ജോണ്‍സ് സിറിയയില്‍ ഡ്രോണ്‍ ആക്രമണത്തില്‍ കൊല്ലപ്പെട്ടു


ലണ്ടന്‍ / റാഖ: ബ്രിട്ടന്റെ ഉറക്കംകെടുത്തിയ ഐഎസിന്റെ റിക്രൂട്ടര്‍ 'വെളുത്ത വിധവ' എന്നറിയപ്പെട്ട ബ്രിട്ടീഷ് ജിഹാദി സാലി ജോണ്‍സ് സിറിയയില്‍ കൊല്ലപ്പെട്ടു. തലസ്ഥാനമായ റാഖയില്‍ അമേരിക്ക നടത്തിയ ഡ്രോണ്‍ ആക്രമണത്തിലാണ് ബ്രിട്ടനിലെ മോസ്റ്റ്-വാണ്ടഡ് വനിതയായി സാലി ജോണ്‍സ് കൊല്ലപ്പെട്ടതെന്ന് മാധ്യമങ്ങള്‍ റിപ്പോര്‍ട്ട് ചെയ്തു. ഇറാഖ്-സിറിയ അതിര്‍ത്തിയില്‍ അമേരിക്കയുടെ അക്രമണത്തില്‍ ഇവര്‍ ചിന്നിച്ചിതറി യെന്നാണ് റിപ്പോര്‍ട്ടുകള്‍.
റാഖയില്‍ നിന്നും രക്ഷപ്പെടാനുള്ള ശ്രമങ്ങള്‍ക്കിടെയാണ് നാലുമാസം മുമ്പ് അമേരിക്ക ഇവരെ വധിച്ചതെന്ന് വൈറ്റ് ഹാള്‍ വക്താക്കളെ ഉദ്ധരിച്ച് സണ്‍ പത്രം റിപ്പോര്‍ട്ട് ചെയ്യുന്നു. ഐഎസ് തലസ്ഥാനം സഖ്യസേന പിടിച്ചെടുത്ത് മുന്നേറിയതോടെയാണ് രാജ്യം വിടാന്‍ ഇവര്‍ നിര്‍ബന്ധിതയായത്.


കെന്റിലെ ചതാമിലെ ബ്യൂട്ടീഷ്യന്‍ ആയിരുന്ന സാലി ജോണ്‍സ് 2013 ലാണ് ഐഎസില്‍ ചേര്‍ന്നത്. മകനെയും കൂട്ടിയാണ് കെന്റില്‍ നിന്നും ഇവര്‍ സിറിയയിലേക്ക് മുങ്ങിയത്. പിന്നീട്ഇ സ്ലാമിക് സ്റ്റേറ്റ് തീവ്രവാദികളുടെ പോസ്റ്റര്‍ ഗേളായി മാറിയതോടെ ബ്രിട്ടനിലെ മോസ്റ്റ്-വാണ്ടഡ് വനിതയായി ഇവര്‍ കുപ്രശസ്തയായി. പിന്നീട് രാജ്യത്തെ കളിയാക്കുകയും ഭീഷണിപ്പെടുത്തുകയും ചെയ്യുന്ന വീഡിയോകള്‍ പുറത്തു വിട്ടിരുന്നു. ബ്രിട്ടീഷുകാരെ റിക്രൂട്ട് ചെയ്യലായിരുന്നു സാലിയുടെ ദൗത്യം . 'വെളുത്ത വിധവ' എന്നറിയപ്പെട്ടിരുന്ന ജോണ്‍സ് ഇസ്ലാമിക് സ്‌റ്റേറ്റിന്റെ റിക്രൂട്ടറും, പ്രചാരകയുമായിരുന്നു.

ജൂണ്‍ മാസത്തിലാണ് ജോണ്‍സ് കൊല്ലപ്പെട്ടതായി സിഐഎ ബ്രിട്ടീഷ് ഗവണ്‍മെന്റിന് വിവരം നല്‍കുന്നത്. എന്നാല്‍ ഇക്കാര്യം സര്‍ക്കാര്‍ പുറത്തുവിട്ടിരുന്നില്ല. 12 വയസ്സുള്ള മകന്‍ ജോജോ ഡിസ്‌കണും സ്‌ഫോടനത്തില്‍ കൊല്ലപ്പെട്ടിരിക്കാമെന്ന സാധ്യത പരിഗണിച്ചാണ് സര്‍ക്കാര്‍ വിവരങ്ങള്‍ മറച്ചുവെച്ചത്. അക്രമണത്തില്‍ കുട്ടി കൊല്ലപ്പെട്ടോ, ഇല്ലയോ എന്നത് സംബന്ധിച്ച് വ്യക്തതയില്ല. സാലി ജോണ്‍സിന്റെ മരണം ഉറപ്പിക്കാന്‍ സൈന്യം ഡിഎന്‍എ സാമ്പിള്‍ ശേഖരിച്ച് പരിശോധന നടത്തണം. റാഖയില്‍ നിന്നും ബ്രിട്ടനിലേക്ക് തിരികെ എത്താന്‍ ജോണ്‍സ് ആഗ്രഹിച്ചിരുന്നതായി റിപ്പോര്‍ട്ടുകള്‍ ഉണ്ടായിരുന്നു. നിരവധി ഭീകരാക്രമണങ്ങള്‍ക്ക് ചുക്കാന്‍ പിടിച്ചതിനാല്‍ സാലി ജോണ്‍സ് പെന്റഗണിന്റെ 'കില്‍ ലിസ്റ്റില്‍' ഇടംനേടിയിരുന്നു.

മുസ്ലീമായി മതംമാറിയ ശേഷമായിരുന്നു സാലി ജോണ്‍സ് കാമുകനും, ഹാക്കറുമായ ജുനൈദ് ഹുസൈനൊപ്പം നാടുവിട്ടത്. അന്ന് 9 വയസ്സുള്ള മകനുമായിട്ടായിരുന്നു ഇവരുടെ യാത്ര. 12 വയസ്സുള്ള മകന്‍ മതംമാറ്റത്തിന് വിധേയനായി ഹംസ എന്ന പേരിലാണ് ഉള്ളതെന്നാണ് വിവരം. ഒപ്പം തടവുകാരുടെ വധശിക്ഷ നടപ്പാക്കാന്‍ ഈ കുട്ടിയെ ഉപയോഗിച്ചിരുന്നു. കാമുകന്‍ 21-കാരനായ ഹുസൈന്‍ 2015ല്‍ കൊല്ലപ്പെട്ടിരുന്നു. ബ്രിട്ടനെ വെല്ലുവിളിച്ച ഐ എസിന്റെ ആരാച്ചാര്‍ ജിഹാദി ജോണും അമേരിക്ക നടത്തിയ ഡ്രോണ്‍ ആക്രമണത്തിലാണ് കൊല്ലപ്പെട്ടത്.

  • ഫാ തോമസിനെ കസ്റ്റഡിയില്‍ കിട്ടാന്‍ പോലീസ് അപേക്ഷ നല്‍കി, റിസോര്‍ട്ടിലും പള്ളിമേടയിലും തെളിവെടുപ്പ്
  • സഹപ്രവര്‍ത്തകയ്ക്ക് നീതി വൈകിക്കരുത് , അത് നീതി നിഷേധത്തിന് തുല്യമെന്ന് ഡബ്ലിയുസിസി
  • മകളുടെ കുഞ്ഞിനെ നോക്കാന്‍ അമേരിയ്ക്കയ്ക്ക് പോകണമെന്ന് ഭാര്യ; തന്നെ നോക്കിയാല്‍ മതിയെന്ന് ഭര്‍ത്താവും ; വഴക്കിനൊടുവില്‍ ഭാര്യയെ വെട്ടിക്കൊന്ന് ഭര്‍ത്താവ് തൂങ്ങിമരിച്ചു
  • പേടിപ്പിക്കല്ലേ! ദുബായില്‍ ബിനീഷ് കോടിയേരിയുടെ ഫെയ്‌സ്ബുക്ക് ലൈവ് ഷോ
  • നടി ആക്രമിക്കപ്പെട്ടിട്ട് ഒരു വര്‍ഷം; ദൃശ്യങ്ങള്‍ ആവശ്യപ്പെട്ടു ദിലീപ് ഹൈക്കോടതിയിലേയ്ക്ക്
  • ട്രെയിനിലെ പീഡന ശ്രമം: സനുഷ കോടതിയില്‍ രഹസ്യമൊഴി നല്‍കി
  • അഞ്ചുവയസുള്ള മകളെ തനിച്ചാക്കി, ഫെയ്‌സ്ബുക്ക് കാമുകനുമായി ഒളിച്ചോടി; യുവതിയും കാമുകനും പിടിയില്‍
  • അഭയ കേസ്: വൈദികര്‍ രാത്രി കോണ്‍വെന്റിലെ മതില്‍ ചാടിക്കടന്നെന്നു സിബിഐ
  • ബിനോയിയെ ഊരിയെടുത്തത് പ്രവാസിവ്യവസായികള്‍ ; അറബിയും ഹാപ്പി
  • ഭര്‍ത്താവ് ലൈംഗിക വൈകൃതങ്ങള്‍ പ്രകടിപ്പിക്കുന്നു; പോണ്‍ സൈറ്റുകള്‍ നിരോധിക്കണമെന്നാവശ്യപ്പെട്ട് സുപ്രീംകോടതിയില്‍ യുവതി
  •  
        © 2012 ukmalayalamnews.com All rights reserved. Powered by Phoenix Infoway