നാട്ടുവാര്‍ത്തകള്‍

കരുത്തനായി ചെന്നിത്തല, തിരിച്ചുവരവിനായി മുരളീധരന്‍ ,നഷ്ടം ഉമ്മന്‍ചാണ്ടിക്കും എ ഗ്രൂപ്പിനും

തിരുവനന്തപുരം: ഉമ്മന്‍ചാണ്ടിയും എ ഗ്രൂപ്പും സോളാറില്‍ തട്ടി വീഴുമ്പോള്‍ കോണ്‍ഗ്രസ് രാഷ്ട്രീയത്തില്‍ ഗ്രൂപ്പ് സമവാക്യങ്ങളും അധികാര സ്ഥാനങ്ങളും മാറിമറിയുന്നു. ഇപ്പോഴത്തെ പ്രതിസന്ധി ഐ ഗ്രൂപ്പിനെയും പ്രതിപക്ഷ നേതാവ് രമേശ് ചെന്നിത്തലയേയും കരുത്തരാക്കും. ഒപ്പം പിന്തള്ളപ്പെട്ട കെ മുരളീധരന്റെ നേതൃ നിരയിലേക്കുള്ള തിരിച്ചുവരവും ഉണ്ടാകും.


കെപിസിസി പുനഃസംഘടന അവസാനഘട്ടത്തിലെത്തി നില്‍ക്കേ വന്ന സോളാറിലെ തുടര്‍നടപടി ഉമ്മന്‍ചാണ്ടിയെ മാത്രമല്ല എ ഗ്രൂപ്പിനെയും വെട്ടിലാക്കി കഴിഞ്ഞു. നിയമസഭ തെരഞ്ഞെടുപ്പിന് ശേഷം സ്ഥാനമൊന്നും ഏറ്റെടുക്കാതെ നില്‍ക്കുന്ന ഉമ്മന്‍ചാണ്ടി പ്രസിഡണ്ട് ആകണമെന്നായിരുന്നു കോണ്‍ഗ്രസിലെ ഭൂരിപക്ഷം നേതാക്കളുടെ ആവശ്യം. ഉമ്മന്‍ചാണ്ടിക്ക് പകരം ഗ്രൂപ്പ് മുന്നോട്ട് വെച്ച നേതാക്കളായ തിരുവഞ്ചൂര്‍ രാധാകൃഷ്ണനും ബെന്നി ബെഹനനും കൂടി സോളാറിലെ കേസില്‍ കുരുങ്ങിയതും എ ഗ്രൂപ്പിനെ തളര്‍ത്തിയിട്ടുണ്ട് .

പാര്‍ട്ടിയിലെ ഗ്രൂപ്പ് പോരിനും സോളാര്‍ വീണ്ടും ചൂട് പകരുമെന്നതില്‍ സംശയം ഒട്ടുമില്ല. വിഷയത്തില്‍ ഐ ഗ്രൂപ്പ് പാലിക്കുന്ന മൗനവും ഉമ്മന്‍ ചാണ്ടിക്ക് എതിരെയുള്ള കരുനീക്കങ്ങളുടെ ഭാഗമാണ്. പാര്‍ട്ടിയില്‍ കരുത്തനാകാനുള്ള ചെന്നിത്തലയുടെ നീക്കങ്ങള്‍ക്കും ഇത് ശക്തി പകരും


കേരള രാഷ്ട്രീയത്തിലെ കൗശലക്കാരനായ ഉമ്മന്‍ചാണ്ടി ഇനി വിജിലന്‍സ് കേസും ബലാത്സംഗം നടത്തിയെന്ന പരാതിയില്‍ ക്രിമിനല്‍ കേസും ഒരേസമയംനേരിടണം. സോളാര്‍ കേസില്‍ ഉമ്മന്‍ചാണ്ടിക്ക് എവിടെയാണ് പിഴച്ചു പോയതെന്ന അന്വേഷണം ചെന്നെത്തുക അദ്ദേഹത്തിന്റെ വിശ്വസ്തരായ എ ഗ്രൂപ്പ് നേതാക്കളില്‍ തന്നെയാണ്. ബാര്‍ കോഴ അഴിമതിക്കേസായിരുന്നെങ്കില്‍ ഇവിടെ അതിനൊപ്പം മാനഭംഗക്കേസും ഉണ്ടെന്നതാണ് ഗുരുതരമായ വിഷയം.


മുന്‍മുഖ്യമന്ത്രിക്കെതിരായ അഴിമതി -ലൈംഗിക കേസുകള്‍ ദേശീയതലത്തിലും കോണ്‍ഗ്രസ്സിനു തിരിച്ചടിയാണ്. അതുകൊണ്ടുതന്നെ ഹൈക്കമാന്റിന്റെ ഭാഗത്തുനിന്നും സഹതാപം പ്രതീക്ഷിക്കേണ്ടതില്ല.

  • ഫാ തോമസിനെ കസ്റ്റഡിയില്‍ കിട്ടാന്‍ പോലീസ് അപേക്ഷ നല്‍കി, റിസോര്‍ട്ടിലും പള്ളിമേടയിലും തെളിവെടുപ്പ്
  • സഹപ്രവര്‍ത്തകയ്ക്ക് നീതി വൈകിക്കരുത് , അത് നീതി നിഷേധത്തിന് തുല്യമെന്ന് ഡബ്ലിയുസിസി
  • മകളുടെ കുഞ്ഞിനെ നോക്കാന്‍ അമേരിയ്ക്കയ്ക്ക് പോകണമെന്ന് ഭാര്യ; തന്നെ നോക്കിയാല്‍ മതിയെന്ന് ഭര്‍ത്താവും ; വഴക്കിനൊടുവില്‍ ഭാര്യയെ വെട്ടിക്കൊന്ന് ഭര്‍ത്താവ് തൂങ്ങിമരിച്ചു
  • പേടിപ്പിക്കല്ലേ! ദുബായില്‍ ബിനീഷ് കോടിയേരിയുടെ ഫെയ്‌സ്ബുക്ക് ലൈവ് ഷോ
  • നടി ആക്രമിക്കപ്പെട്ടിട്ട് ഒരു വര്‍ഷം; ദൃശ്യങ്ങള്‍ ആവശ്യപ്പെട്ടു ദിലീപ് ഹൈക്കോടതിയിലേയ്ക്ക്
  • ട്രെയിനിലെ പീഡന ശ്രമം: സനുഷ കോടതിയില്‍ രഹസ്യമൊഴി നല്‍കി
  • അഞ്ചുവയസുള്ള മകളെ തനിച്ചാക്കി, ഫെയ്‌സ്ബുക്ക് കാമുകനുമായി ഒളിച്ചോടി; യുവതിയും കാമുകനും പിടിയില്‍
  • അഭയ കേസ്: വൈദികര്‍ രാത്രി കോണ്‍വെന്റിലെ മതില്‍ ചാടിക്കടന്നെന്നു സിബിഐ
  • ബിനോയിയെ ഊരിയെടുത്തത് പ്രവാസിവ്യവസായികള്‍ ; അറബിയും ഹാപ്പി
  • ഭര്‍ത്താവ് ലൈംഗിക വൈകൃതങ്ങള്‍ പ്രകടിപ്പിക്കുന്നു; പോണ്‍ സൈറ്റുകള്‍ നിരോധിക്കണമെന്നാവശ്യപ്പെട്ട് സുപ്രീംകോടതിയില്‍ യുവതി
  •  
        © 2012 ukmalayalamnews.com All rights reserved. Powered by Phoenix Infoway