സിനിമ

'നിന്നെപ്പോലുള്ള ആട്ടിന്‍തോലിട്ട ചെന്നായ്ക്കളെ എനിക്ക് തിരിച്ചറിയാം'; അശ്ലീസന്ദേശമയച്ച യുവാവിനെ പൊളിച്ചടുക്കി പൃഥ്വിരാജിന്റെ നായിക


സോഷ്യല്‍മീഡിയ വഴി അശ്ലീസന്ദേശമയച്ച യുവാവിന്റെ തനിനിറം തുറന്നുകാട്ടി യുവ നടി ദുര്‍ഗ കൃഷ്ണ. പൃഥ്വിരാജ് നായകനാകുന്ന വിമാനത്തിലെ നായികയാണ് ദുര്‍ഗ കൃഷ്ണ.
സാമൂഹിക മാധ്യമങ്ങളില്‍ ചില ഞരമ്പുരോഗികള്‍ക്ക് ഒരു ലൈസെന്‍സുമില്ലെന്നും അവരുടെ തനിനിറം വെളിച്ചത്തുകൊണ്ടുവരാനാണ് താന്‍ ഈ പോസ്റ്റ് പങ്കുവെക്കുന്നതെന്നും പറഞ്ഞാണ് അശ്ലീലസന്ദേശം അയക്കുന്ന യുവാവിന്റെ പ്രൊഫൈല്‍ ചിത്രവും അയാള്‍ അയച്ച മേസേജും സ്‌ക്രീന്‍ ഷോട്ട് അടക്കം ദുര്‍ഗ പോസ്റ്റ് ചെയ്തത്.

ഞാനും നിങ്ങളില്‍ ഒരാളാണെന്നും നിങ്ങളുടെ സഹോദരിയാണെന്നും ദുര്‍ഗ പറയുന്നു. എന്നാല്‍ നിങ്ങള്‍ ആരൊക്കെയാണ് യഥാര്‍ത്ഥ സഹോദരന്മാര്‍ എന്ന് തിരിച്ചറിയാന്‍ സാധിക്കാത്ത അവസ്ഥയാണ് ഇപ്പോള്‍. ആട്ടിന്‍തോലണിഞ്ഞ ചെന്നായ്ക്കളാണ് പലരും. രാത്രിയാകുമ്പോള്‍ അവരുടെ തനിനിറം പുറത്തുവരുമെന്നും ദുര്‍ഗ പറയുന്നു.
തങ്ങളുടെ ഇരകള്‍ സ്വന്തം അമ്മയോ ഭാര്യയോ മകളോ സഹോദരിയോ എന്നൊന്നും തിരിച്ചറിയാത്ത അവസ്ഥയിലാണ് ഈ ചെന്നായ്ക്കള്‍. സ്വന്തം ലൈംഗിക വൈകൃതങ്ങള്‍ ആരുടെയെങ്കിലും അടുത്ത് പ്രകടിപ്പിക്കുക അത് മാത്രമാണ് ഇവരുടെ ആവശ്യം.
തികച്ചും അശ്ലീലമായ ചിത്രങ്ങളും വീഡിയോകളും അയച്ചാണ് ഇവര്‍ സ്വന്തം വൈകൃതങ്ങള്‍ പ്രകടിപ്പിക്കുന്നത്. അതിന് ഇരയുടെ പ്രായമോ ബന്ധമോ നിറമോ മതമോ ഒന്നും പ്രശ്‌നമല്ലെന്നും ദുര്‍ഗ പോസ്റ്റില്‍ പറയുന്നു.

'ഞാന്‍ ഷെയര്‍ ചെയ്ത സ്‌ക്രീന്‍ഷോട്ടില്‍ ഉള്ള യുവാവ് കഴിഞ്ഞ ദിവസം രാത്രി എനിക്ക് അശ്ലീല സന്ദേശങ്ങളും വീഡിയോകളും അയച്ചുകൊണ്ടിരിക്കുകയായിരുന്നു. എന്നാല്‍ തന്നെപ്പോലുള്ളവര്‍ ഒരു കാര്യം മനസിലാക്കണം. ഞാന്‍ എന്റേതായ ലക്ഷ്യബോധമുള്ള സ്ത്രീയാണ്. എന്നെ സങ്കടത്തിലാക്കാന്‍ നിങ്ങള്‍ക്കാവില്ല. ഉപദ്രവിക്കാനും കഴിയില്ല. ജീവിതത്തില്‍ നിരവധി സത്യസന്ധരായ സഹോദരന്‍മാരെ ഞാന്‍ കണ്ടിട്ടുണ്ട്. നിന്നെപ്പോലുള്ളവരെ എനിക്ക് തിരിച്ചറിയാം. ഞാനൊരു ഫെമിനിസ്റ്റൊന്നും അല്ല. എന്നാല്‍ എനിക്ക് ഉറപ്പുള്ളൊരു നട്ടെല്ലുണ്ട്. ഒരു നല്ല കുടുംബവും വിശ്വസ്തരായ ഒരു കൂട്ടം സുഹൃത്തുക്കളും എനിക്കൊപ്പമുണ്ട്. നിങ്ങളെ ഞാന്‍ വെല്ലുവിളിക്കുന്നു.
എന്റെ സഹോദരന്‍മാരോട് ഒരു അപേക്ഷയുണ്ട്, നിങ്ങള്‍ കൗമാര പ്രായത്തില്‍ പല കുസൃതിത്തരങ്ങളിലൂടെയായിരിക്കും കടന്നുപോയിരിക്കുക. പക്ഷേ, ഇത്തരം ഭ്രാന്തന്‍മാരില്‍ നിന്ന് നിങ്ങളുടെ സഹോദരിമാരെ സംരക്ഷിക്കേണ്ടത് നിങ്ങളുടെ ഉത്തരവാദിത്തമാണ്. - നടി കുറിക്കുന്നു.

  • ജിഎസ്ടിയേയും ഡിജിറ്റല്‍ ഇന്ത്യയേയും പരിഹസിച്ച വിജയ് ചിത്രത്തിനെതിരെ ബിജെപി
  • ഹാര്‍വിയുടെ പീഡനങ്ങളെക്കുറിച്ച് പ്രിയങ്ക ചോപ്രയ്ക്കും ചിലതുപറയാനുണ്ട്
  • വിവാഹ വാഗ്ദാനം നല്‍കി അസിസ്റ്റന്റ് ഡയറക്ടര്‍ ചതിച്ചപ്പോള്‍ തകര്‍ന്നു; ശാരീരിക പീഡനത്തേക്കാള്‍ ക്രൂരമാണ് തന്റെ അനുഭവമെന്ന് മൈഥിലി
  • വെയ്റ്ററെ തല്ലിയത് മുഖത്തു നോക്കി അസഭ്യം പറഞ്ഞതിനെന്ന് സീരിയല്‍ നടി
  • ദിലീപിനെ 'അമ്മ'യില്‍ തിരിച്ചെടുക്കുമോ? മാധ്യമപ്രവര്‍ത്തകനോട് നീരസം പ്രകടിപ്പിച്ചു ഇന്നസെന്റിന്റെ മറുപടി
  • രാത്രി കൊച്ചിയിലേക്ക് വന്ന നടി പാര്‍വതി അപകട കെണിയില്‍പ്പെട്ടു; റോഡിലിറങ്ങി വാഹനങ്ങള്‍ നിര്‍ത്തിച്ചു താരം
  • സുരാജിന്റെ സിനിമയില്‍ അതിഥിതാരമായി ദിലീപ്
  • കണ്ണ് ചൂഴ്‌ന്നെടുക്കുമെന്ന ബിജെപി നേതാവിന്റെ ഭീഷണിക്കെതിരെ നടന്‍ അലന്‍സിയര്‍ കണ്ണുമൂടിക്കെട്ടി പോലീസില്‍ പരാതി നല്‍കി
  • ഹോട്ടല്‍ ബിസിനസില്‍ നിന്ന് മല്ലികാ സുകുമാരന്‍ രമേഷ് പിഷാരടിയുടെ സിനിമയിലൂടെ വീണ്ടും
  • മീന -മോഹന്‍ലാല്‍ ഹിറ്റ്‌ താരജോഡി വീണ്ടും; കൂടെ തൃഷയും
  •  
        © 2012 ukmalayalamnews.com All rights reserved. Powered by Phoenix Infoway