നാട്ടുവാര്‍ത്തകള്‍

അടുത്ത ബോംബുമായി സരിത; മുന്‍ കേന്ദ്രമന്ത്രിയുടെ മകനും പ്രതിയാക്കപ്പെട്ട മുന്‍മന്ത്രിയുടെ മകനും പീഡിപ്പിച്ചു!


തിരുവനന്തപുരം: സോളാറിനു പിന്നാലെ അടുത്ത ബോംബുമായി സരിത നായര്‍ . മുന്‍ കേന്ദ്രമന്ത്രി കൂടിയായ കേരളത്തിലെ സമുന്നത കോണ്‍ഗ്രസ് നേതാവിന്റെ മകന്‍ തന്നെ ശാരീരികമായും മാനസികമായും പീഡിപ്പിച്ചെന്നാണ് സരിത പുതിയ പരാതിയില്‍ ആരോപിയ്ക്കുന്നത്. രാജ്യസഭയിലെ ഉന്നതനെ പരിചയപ്പെടുത്താമെന്ന് വാഗ്ദാനം ചെയ്ത് തന്നെ സമീപിച്ച ഇയാള്‍ ചൂഷണം ചെയ്തെന്നാണ് പരാതി എന്ന് കേരളാ കൗമുദി റിപ്പോര്‍ട്ട് ചെയ്തു. പിതാവിന്റെ വകുപ്പുമായി ബന്ധപ്പെട്ട വമ്പന്‍ ഇടപാടുകളില്‍ തന്നെ ഉള്‍പ്പെടുത്താമെന്ന് വാഗ്ദാനം ചെയ്തതായും പരാതിയില്‍ പറയുന്നു. ഇതിന് പുറമെ ഇപ്പോള്‍ സോളാര്‍ കേസില്‍പ്പെട്ട പ്രമുഖ നേതാവിന്റെ മകനും പിതാവിന്റെ ഒൗദ്യോഗിക വസതിയില്‍ വച്ച് പീഡിപ്പിച്ചതായി പരാതിയിലുണ്ട്.

എല്‍ഡിഎഫ് സര്‍ക്കാര്‍ അധികാരമേറ്റതിനു പിന്നാലെ മുഖ്യമന്ത്രി പിണറായി വിജയന് നല്‍കിയ പരാതിയിലാണ് സരിത പുതിയ ബോംബ് ഒളിച്ചിരിക്കുന്നത്.
ഇതിനു പുറമേ ഇതേ പരാതിയില്‍ ദേശീയ അന്വേഷണ ഏജന്‍സി തിരയുന്ന കോടീശ്വരനെ സോളാര്‍ പ്രോജക്ടില്‍ മുതല്‍മുടക്കാന്‍ വേണ്ടി പരിചയപ്പെടുത്തി നല്‍കാമെന്ന് ഉമ്മന്‍ചാണ്ടി ഉറപ്പുനല്‍കിയതായും പറയുന്നു. മുന്‍ കേന്ദ്രമന്ത്രി പളനിമാണിക്യത്തെ തനിയ്ക്ക് പരിചയപ്പെടുത്തിയത് മറ്റൊരു പ്രമുഖ നേതാവാണെന്നും കേന്ദ്രമന്ത്രി ആദായനികുതി പ്രശ്നം പരിഹരിക്കാന്‍ 25ലക്ഷം വാങ്ങുകയും ലൈംഗികമായി പീഡിപ്പിക്കുകയും ചെയ്തതായും പരാതിയില്‍ പറയുന്നു. എംഎല്‍എ ഹോസ്റ്റലിലും പീഡനം നടന്നതായും ആരോപിയ്ക്കുന്നു. മലബാറില്‍ നിന്നുള്ള മറ്റൊരു കോണ്‍ഗ്രസ് എം.പിയും ലൈംഗിക പീഡനത്തിനിരയാക്കി തുടങ്ങിവ ഉള്‍പ്പെടെ പുകഞ്ഞ് പൊട്ടാന്‍ പാകത്തിലുള്ളവയാണ് പരാതിയിലെ ആരോപണങ്ങള്‍. ഇരുപതിലേറെ പേര്‍ പീഡിപ്പിച്ചതായി പരാതിയില്‍ പേര് സഹിതം പറയുന്നു.


തനിയ്ക്ക് ജൂലൈയില്‍ ലഭിച്ച പരാതി മുഖ്യമന്ത്രി ക്രെെംബ്രാഞ്ചിന് കെെമാറി. തുടര്‍ന്ന് പരാതിക്കാരിയെ വിളിച്ച് മൊഴിയെടുത്ത് ക്രെെംബ്രാഞ്ച് രണ്ടാം യൂണിറ്റ് എഫ്എെആര്‍ ഇട്ടു. ഇതിനു ശേഷം സരിത കൂടുതര്‍ വിവരങ്ങള്‍ ഉള്‍പ്പെടുത്തി അനുബന്ധമായി മറ്റൊരു പരാതി കൂടി ക്രെെംബ്രാഞ്ചിന് നവംബറില്‍ നല്‍കി. ഇതില്‍ മൊഴി എടുത്തിട്ടില്ല. സരിതയുടെ പരാതിയില്‍ അന്വേഷണം സര്‍ക്കാര്‍ ക്രെെംബ്രാഞ്ചില്‍ നിന്ന് മാറ്റി ഡി.ജി.പി രാജേഷ്ദിവാന്റെ നേതൃത്വത്തിലുള്ള പ്രത്യേകഅന്വേഷണ സംഘത്തിന് കെെമാറുമെന്നാണ് അറിയുന്നത്.


നിര്‍ഭയകേസിനുശേഷമുണ്ടായ ഭേദഗതി പ്രകാരം പീഡനപരാതികളില്‍ ഇരയുടെ മൊഴിരേഖപ്പെടുത്തി എഫ്ഐആര്‍ രജിസ്റ്റര്‍ ചെയ്തേ പറ്റൂ. ഇത്തരം കേസുകളില്‍ അറസ്റ്റ് നിര്‍ബന്ധമാണെങ്കിലും ആരോപണത്തിന്റെ സത്യാവസ്ഥ അന്വേഷണഉദ്യോഗസ്ഥന്‍ ഉറപ്പാക്കിയശേഷം മതിയെന്ന് പിന്നീട് സുപ്രീംകോടതിയുടെയും ഹൈക്കോടതികളുടെയും ഉത്തരവുകളുണ്ട്. പ്രത്യേകഅന്വേഷണ സംഘത്തിലെ ഡിവൈ.എസ്.പിമാരായ ഇ.എസ്.ബിജിമോന്‍ , എ.ഷാനവാസ് എന്നിവര്‍ സരിതയുടെ മൊഴി രേഖപ്പെടുത്തും. ലൈംഗികപീഡന ആരോപണത്തില്‍ സരിത ഉറച്ചുനിന്നാല്‍ എഫ്ഐആര്‍ രജിസ്റ്റര്‍ ചെയ്യാനാണ് തീരുമാനം. സാഹചര്യതെളിവുകളെയും മൊബൈല്‍ ടവര്‍ ലൊക്കേഷനുകളുടെയും സരിതയുടെ പക്കലുള്ള ഡിജിറ്റല്‍ തെളിവുകളുടെയും അടിസ്ഥാനത്തിലാവും വിശദമായ അന്വേഷണം

  • മിശ്രവിവാഹങ്ങളെ പ്രോത്സാഹിപ്പിക്കണമെന്ന് ഹൈക്കോടതി; പ്രണയവിവാഹങ്ങളെ ലൗജിഹാദാക്കരുതെന്ന്
  • നടി ആക്രമിക്കപ്പെട്ട ദിവസങ്ങളില്‍ ആശുപത്രിയിലായിരുന്നെന്നു ദിലീപ് വ്യാജരേഖയുണ്ടാക്കിയതായി പൊലീസ്, അഡ്മിറ്റ് ചെയ്താലും ദിലീപ് വീട്ടില്‍ പോകുമെന്നു ഡോക്ടര്‍
  • പീഡനം ഉള്‍പ്പെടെ പരാതികള്‍ അന്വേഷിച്ചില്ല; തന്നെ പ്രതിയാക്കാന്‍ ഇപ്പോഴും ശ്രമം- സരിത മുഖ്യമന്ത്രിക്ക് പരാതി നല്‍കി
  • നടന്‍ അലന്‍സിയര്‍ക്കെതിരെ സോഷ്യല്‍മീഡിയയില്‍ സംഘപരിവാര്‍ കൊലവിളി; കൊല്ലാനും കത്തിക്കാനും ആഹ്വാനം
  • കേന്ദ്രസര്‍ക്കാര്‍ ക്ഷണിക്കുന്നില്ല; ഇന്ത്യയുടെ അയല്‍പക്കത്തെത്തി മാര്‍പാപ്പ മടങ്ങും
  • വിഐപി പരിഗണനയില്ലാതെ ദിലീപ് ശബരിമലയിലെത്തി മടങ്ങി, ഇനി ക്യാമറയ്ക്കു മുന്നിലേയ്ക്ക്
  • സോളാര്‍ പോരിനിടെ പിണറായിയും ഉമ്മന്‍ ചാണ്ടിയും ഒരേ വേദിയില്‍ ; ജോസ് കെ. മാണിയെ ഒഴിവാക്കി
  • ഭര്‍ത്താവിനെയും മകനെയും ഉപേക്ഷിച്ച് 35കാരി ഇളയ മകളുമായി ഫെയ്‌സ്ബുക്ക് കാമുകനൊപ്പം പോയി; കുഞ്ഞിനെ കൊല്ലാന്‍ നോക്കിയ കാമുകന്‍ പിടിയില്‍
  • യുവരാജ് കഞ്ചാവ് വലിക്കും, ലഹരി ഉപയോഗിക്കാന്‍ പഠിപ്പിച്ചു, ഗുരുതര ആരോപണങ്ങളുമായി സഹോദര ഭാര്യ
  • നടിയെ ആക്രമിച്ച കേസില്‍ ദിലീപ് ഒന്നാം പ്രതിയായേക്കും; കേസില്‍ വ‍ഴിത്തിരിവ്
  •  
        © 2012 ukmalayalamnews.com All rights reserved. Powered by Phoenix Infoway