യു.കെ.വാര്‍ത്തകള്‍

70 മൈല്‍ വേഗതയില്‍ 'ഒഫീലിയ' യുകെയിലേക്ക്, ശക്തമായ മഴയ്ക്കും വെള്ളപ്പൊക്കത്തിനും സാധ്യത

ലണ്ടന്‍ : ഈ വാരാന്ത്യത്തില്‍ 'ഒഫീലിയ' കൊടുങ്കാറ്റ്‌ യുകെയിലേക്ക്. 70 മൈല്‍ വേഗതയില്‍ 'ഒഫീലിയ' അറ്റലാന്റിക്കില്‍ നിന്നും യുകെ തീരത്ത് എത്തും. ഞായറാഴ്ചയോ തിങ്കളാഴ്ചയോ യുകെയിലെത്തുന്ന കാറ്റിനെ തുടര്‍ന്ന് ശക്തമായ മഴയും വെള്ളപ്പൊക്കവും ഉണ്ടാകുമെന്നാണ് പ്രവചനം. 1987ല്‍ ഗ്രേറ്റ് സ്റ്റോം ആഞ്ഞടിച്ചതിന്റെ 30-ാം വാര്‍ഷികത്തിലാണ് ഓഫീലിയ എത്തുന്നത്. 18 പേരുടെ മരണത്തിനും 1 ബില്യന്‍ പൗണ്ട് നാശനഷ്ടമുണ്ടാക്കുകയും ചെയ്ത ഗ്രേറ്റ് സ്റ്റോമിന്റെയത്ര നാശനഷ്ടമൊന്നും ഒഫീലിയ ഉണ്ടാക്കില്ലെന്ന് കാലാവസ്ഥ നിരീക്ഷകര്‍ അറിയിച്ചു.


ശക്തമായ കാറ്റിനും മഴയും ഉണ്ടാവും. വെള്ളപ്പൊക്കത്തിന് സാധ്യതയുണ്ടെന്നും ജനങ്ങള്‍ ദീര്‍ഘദൂര യാത്ര ഒഴിവാക്കണമെന്നും കഴിവതും വീടുകളില്‍ തങ്ങാന്‍ ശ്രമിക്കണമെന്നും കാലാവസ്ഥ നിരീക്ഷകര്‍ അറിയിച്ചു.

രാജ്യത്തിന്റെ പടിഞ്ഞാറന്‍ ഭാഗത്താണ് കാറ്റ് വീശാന്‍ സാധ്യത. അതേസമയം, കൊടുങ്കാറ്റിനെ ഭയക്കേണ്ട സാഹചര്യമില്ലെന്നും കാറ്റിന്റെ ശക്തി ക്ഷയിച്ചാണ്‌ രാജ്യത്ത് എത്തുന്നതെന്നും പറയുന്നു. കാറ്റിന്റെ സഞ്ചാരപഥം നിരീക്ഷിച്ചുകൊണ്ടിരിക്കുകയാണെന്നും കാലാവസ്ഥയില്‍ കാര്യമായ മാറ്റങ്ങള്‍ ഉണ്ടാകാമെന്നും കാലാവസ്ഥ നിരീക്ഷകര്‍ പറഞ്ഞു.

  • ബിര്‍മിങ്ഹാമില്‍ താമസിക്കുന്ന കോട്ടയം സ്വദേശിനി കാന്‍സര്‍ രോഗത്തെ തുടര്‍ന്ന് നാട്ടില്‍ മരിച്ചു
  • ബ്രക്‌സിറ്റ് ബില്‍ വോട്ടിങ്ങില്‍ പാര്‍ലമെന്റില്‍ സര്‍ക്കാര്‍ പരാജയപ്പെട്ടു, 11 ഭരണകക്ഷി അംഗങ്ങള്‍ എതിര്‍ത്തു
  • കൊവന്‍ട്രിയില്‍ നിര്യാതയായ ജെറ്റ്സി യുടെ സംസ്കാര ശുശ്രൂഷകള്‍ ശനിയാഴ്ച
  • കീഴ്വഴക്കം തിരുത്തി രാജ്ഞി: രാജകുടുംബത്തിന്റെ ക്രിസ്മസ് ദിനാഘോഷ ചടങ്ങില്‍ ഹാരിക്കൊപ്പം മേഗനും
  • ബെന്നിമാത്യുവിന് നാളെ മിഡില്‍സ്ബറോയില്‍ അന്ത്യാജ്ഞലി, സംസ്‌കാരശുശ്രൂഷകള്‍ രാവിലെ പത്തിന് ആരംഭിക്കും
  • മാഞ്ചസ്റ്ററിലെ കൂട്ടക്കൊല: വീടിനു തീയിട്ട അക്രമികള്‍ സമീപത്തെ വീട്ടിലിരുന്നു അത് ആസ്വദിച്ചു
  • മഞ്ഞുവീഴ്ചയ്ക്കു ശമനമില്ല; കൊടുംതണുപ്പിനെ വെല്ലുവിളിച്ച് വഴിയിലിറങ്ങിയ 20കാരന്‍ മരിച്ചുവീണു, മുന്നറിയിപ്പുമായി അധികൃതര്‍
  • യുകെയില്‍ പണപ്പെരുപ്പം ആറുവര്‍ഷത്തെ ഉയര്‍ച്ചയില്‍ ; കുടുംബബജറ്റ്‌ താളം തെറ്റും, പലിശ നിരക്ക് ഉയരാന്‍ സാധ്യത
  • ഗ്രേറ്റര്‍ മാഞ്ചസ്റ്ററില്‍ വീടിനുള്ളില്‍ 3 കുട്ടികളെ ചുട്ടുകൊന്നു; അമ്മയും, 3 വയസുകാരിയും ജീവന് വേണ്ടി മല്ലിടുന്നു; 5 പേര്‍ പിടിയില്‍
  • കൊടുംശൈത്യം തുടരുന്നു; വിമാനങ്ങള്‍ റദ്ദാക്കി; ലക്ഷക്കണക്കിന് യാത്രക്കാര്‍ ദുരിതത്തില്‍ ,സ്‌കൂളുകള്‍ രണ്ടാം ദിവസവും അടച്ചു
  •  
        © 2012 ukmalayalamnews.com All rights reserved. Powered by Phoenix Infoway