സ്പിരിച്വല്‍

മലങ്കര കത്തോലിക്കാ സഭ യുകെ റീജിയന്‍ പ്രഥമ ബൈബിള്‍ കലോത്സവം അവിസ്മരണീയമായി

ലണ്ടന്‍ : വളര്‍ന്നു വരുന്ന തലമുറയെ ദൈവത്തിലേക്ക് അടുപ്പിക്കാന്‍ വിശ്വാസ പരിശീലനം ഏറെ പ്രാധാന്യം അര്‍ഹിക്കുന്നു. ഈ സന്ദേശം ഉള്‍ക്കൊണ്ട് കുട്ടികളുടെ സമഗ്ര വളര്‍ച്ച ലക്‌ഷ്യം വച്ച് ലണ്ടനില്‍ സംഘടിപ്പിച്ച വിശ്വാസ പരിശീലന ദിനാചരണവും ബൈബിള്‍ കലോത്സവവും അവിസ്മരണീയമായി. ലണ്ടന്‍ ഭാഗത്തുള്ള 6 മിഷന്‍ കേന്ദ്രങ്ങളുടെ കൂടി വരവാണ് ലണ്ടനില്‍ ക്രമീകരിച്ചത്. മലങ്കര കത്തോലിക്കാ സഭാ യുകെ കോര്‍ഡിനേറ്റര്‍ ഫാ. തോമസ് മടുക്കുംമൂട്ടില്‍ ബൈബിള്‍ കലോത്സവം ഉത്‌ഘാടനം ചെയ്തു. നാഷണല്‍ കൗണ്‍സില്‍ പ്രതിനിധി ബെന്നി സൗത്താംപ്റ്റന്‍, വിശ്വാസ പരിശീലന കോര്‍ഡിനേറ്റര്‍മാരായ ജോബിന്‍ , ജെറി എന്നിവര്‍ ആശംസകളര്‍പ്പിച്ചു സംസാരിച്ചു.


മാതാപിതാക്കള്‍ക്കായി സംഘടിപ്പിച്ച സെമിനാറില്‍ വിശ്വാസ പരിശീലനത്തില്‍ മാതാപിതാക്കളുടെ പങ്ക് എന്ന വിഷയം പഠനവിധേയമാക്കി. ഈസ്റ്റ് ലണ്ടന്‍ , വെസ്റ്റ് ലണ്ടന്‍ , സൗത്താംപ്റ്റന്‍ , ക്രോയിഡോണ്‍ , ലൂട്ടന്‍ , ആഷ്‌ഫോര്‍ഡ് എന്നീ മിഷനുകളിലെ കുട്ടികള്‍ അവതരിപ്പിച്ച കലാവിരുന്ന് ഏറെ പ്രശംസനീയമായി. ജിസിസി പരീക്ഷയില്‍ ഉന്നത വിജയം കരസ്ഥമാക്കിയ സ്റ്റെഫി സുനില്‍ , ജൂഡിന്‍ സെബാസ്റ്റ്യന്‍ , എയ്ഞ്ചല്‍ പ്രകാശ്, ലിയാ ഷീന എന്നിവര്‍ക്ക് പ്രത്യേക പാരിതോഷികങ്ങള്‍ നല്‍കി ആദരിച്ചു. സണ്‍ഡേ സ്കൂള്‍ പരീക്ഷയില്‍ വിജയികളായവര്‍ക്കുള്ള പ്രത്യേക സമ്മാനങ്ങളും തദവസരത്തില്‍ വിതരണം ചെയ്തു. വിശ്വാസ പരിശീലന രംഗത്തു സ്തുത്യര്‍ഹമായ സേവനം അനുഷ്ഠിക്കുന്ന മതാധ്യാപകരെയും സമ്മേളനം പ്രത്യേകമായി ആദരിച്ചു.


പുതിയ അധ്യായന വര്‍ഷത്തിലെ കര്‍മ്മപദ്ധതികളുടെ ചര്‍ച്ചയും ക്രമീകരിക്കപ്പെട്ടു. ഇദംപ്രദമായി സംഘടിപ്പിച്ച ബൈബിള്‍ കലോത്സവത്തിന് ജോബിന്റെ നേതൃത്വത്തിലുള്ള കോര്‍ഡിനേഷന്‍ കമ്മിറ്റിയും സെന്റ് ജോസഫ് മലന്കര കാത്തലിക് മിഷനും നേതൃത്വം നല്‍കി.

  • ക്രിസ്തീയ സംഗീത സന്ധ്യ 'സ്‌നേഹ സങ്കീര്‍ത്തനം' സ്‌കോട് ലാന്‍ഡില്‍ 30ന്
  • വാല്‍താംസ്റ്റോയില്‍ മരിയന്‍ ദിന ശുശ്രൂഷയും ഗ്വാഡലുപ്പാ മാതാവിന്റെ തിരുനാളും
  • സ്റ്റീവനേജിലെ ക്രിസ്തുമസ് കുര്‍ബ്ബാനയും ശുശ്രുഷകളും സെന്റ് ഹില്‍ഡയില്‍ 24ന്
  • സ്പിരിച്വല്‍ റിവൈവല്‍ മിനിസ്ട്രി യുകെ നയിക്കുന്ന രണ്ടാം ശനിയാഴ്ച നൈറ്റ് വിജില്‍ ശനിയാഴ്ച
  • ക്രിസ്തുമസ്സിനെയും പുതുവര്‍ഷത്തെയും വരവേല്‍ക്കാന്‍ സന്ദര്‍ലാന്‍ഡ് മലയാളികള്‍ ഒരുങ്ങുന്നു
  • വാല്‍താംസ്റ്റോയില്‍ തിരുപ്പിറവിയെ വരവേല്‍ക്കാന്‍ 3 ദിവസത്തെ ഒരുക്ക ധ്യാനം
  • ഗ്രേറ്റ് ബ്രിട്ടന്‍ സീറോമലബാര്‍ രൂപതയില്‍ പഞ്ചവത്സര അജപാലന പദ്ധതിക്ക് തുടക്കമായി; ആദ്യവര്‍ഷം കുട്ടികള്‍ക്ക് സമര്‍പ്പിതം
  • വാല്‍താംസ്റ്റോയില്‍ മരിയന്‍ ദിന ശുശ്രൂഷയും അമലോത്ഭവ മാതാവിന്റെ തിരുനാളും
  • സീറോ മലബാര്‍ സഭ വിമന്‍സ് ഫോറം അംഗങ്ങള്‍ക്കായി ഈസ്റ്റഹാമില്‍ ഇന്ന് ഏകദിന സെമിനാര്‍
  • നോര്‍ത്ത് ഈസ്റ്റ് എക്ക്യുമെനിക്കല്‍ ക്രിസ്മസ് ആഘോഷം ന്യൂ കാസിലില്‍ ജനുവരി 7ന്
  •  
        © 2012 ukmalayalamnews.com All rights reserved. Powered by Phoenix Infoway