നാട്ടുവാര്‍ത്തകള്‍

നടിയെ ആക്രമിച്ച കേസില്‍ ദിലീപ് ഒന്നാം പ്രതിയായേക്കും; കേസില്‍ വ‍ഴിത്തിരിവ്


കൊച്ചി; നടിയെ ആക്രമിച്ച കേസില്‍ ദിലീപ് ഒന്നാം പ്രതിയായേക്കും. അക്രമിച്ച ആളും അക്രമത്തിന് നിര്‍ദേശം നല്‍കിയ ആളും തമ്മില്‍ വ്യത്യാസമില്ലെന്നാണ് അന്വേഷണ സംഘത്തിന്റെ നിലപാട്. ഗൂഢാലോചന കുറ്റകൃത്യത്തില്‍ പങ്കെടുത്തതിന് തുല്യമെന്നാണ് അന്വേഷണ സംഘത്തിന് ലഭിച്ച നിയമോപദേശം. കൃത്യം നടത്തിയത് ദിലീപിന്റെ നേരിട്ടുള്ള മേല്‍നോട്ടത്തിലാണെന്നും അന്വേഷണ സംഘം പറയുന്നു. ക്വട്ടേഷന്‍ എടുത്ത പള്‍സര്‍ സുനി രണ്ടാം പ്രതിയാകും. ഇപ്പോള്‍ 11-ാം പ്രതിയായ ദിലീപ് പുതിയ കുറ്റപത്രം സമര്‍പ്പിക്കുന്നതോടെയാണ് ഒന്നാം പ്രതിയാകുക.

ഇതുവരെ പുറത്തുവരാത്ത വിവരങ്ങള്‍ പോലീസിന്റെ കൈയിലുണ്ട്. ഇവയില്‍ ചിലത് നേരത്തെ ഹൈക്കോടതി മുമ്പാകെ മുദ്രവെച്ച കവറില്‍ നല്‍കിയിരുന്നു. നടന് ജാമ്യം കിട്ടിയതിനാല്‍ തിരക്കിട്ട് കുറ്റപത്രം നല്‍കേണ്ടതില്ലെന്ന തീരുമാനത്തെത്തുടര്‍ന്നാണ് വൈകിച്ചത്.
ദൃശ്യങ്ങള്‍ പകര്‍ത്തിയ മൊബൈല്‍ ഇതുവരെ കിട്ടിയിട്ടില്ല. ഇത് കിട്ടാനുള്ള അന്വേഷണം തുടരുകയാണെന്ന് കോടതിയെ അറിയിക്കും.

കുറ്റപത്രം പൂര്‍ത്തിയായിട്ടുണ്ട്. ഉദ്യോഗസ്ഥ സംഘവും നിയമവിദഗ്ധരും അടുത്തദിവസം ഒരുമിച്ച് യോഗം ചേര്‍ന്ന് കുറ്റപത്രം ഒന്നുകൂടി വിശകലനം ചെയ്യും. തുടര്‍ന്നാവും കോടതിയില്‍ നല്‍കുക.

ദിലീപിന്റെ ജാമ്യത്തെ പോലും ബാധിക്കുന്നതാണ് അന്വേഷണ സംഘത്തിന്റെ പുതിയ നീക്കം. രണ്ടാം പ്രതിയായ പള്‍സര്‍ സുനി അകത്തുകിടക്കുന്നതും ഒന്നാം പ്രതിയായ ദിലീപ് ജാമ്യത്തില്‍ നടക്കുന്നതും പോസിക്യൂഷന്‍ കോടതിയില്‍ ചൂണ്ടികാട്ടും.

രണ്ടാം പ്രതിക്ക് ജാമ്യമില്ലാത്ത സ്ഥിതിക്ക് ഒന്നാം പ്രതിയുടെ ജാമ്യം റദ്ദാക്കണമെന്ന ആവശ്യം പോലും കോടതിയില്‍ ഉന്നയിക്കാം.


കൃത്യം ചെയ്തവര്‍ക്ക് നടിയോട് മുന്‍ വൈരാഗ്യമില്ല, ദിലീപിന്‍റെ ആവശ്യപ്രകാരമാണ് ആക്രമണം നടന്നത്. അതുകൊണ്ടുതന്നെ മറ്റാരെക്കാളും പങ്കും ദിലീപിനാണെന്നും അന്വേഷണസംഘം വിലയിരുത്തുന്നു.

  • ഒരേയൊരു ശ്രീദേവി, തെന്നിന്ത്യയില്‍ നിന്ന് എത്തി ബോളിവുഡിനെ ഭരിച്ചത് പത്തുവര്‍ഷത്തോളം
  • ശ്രീദേവിയെ അകാല മരണത്തിലേക്ക് നയിച്ചത് എന്താണ്?
  • കണ്ണൈ കലൈമാനേ, മറക്കാനാകുമോ ഈ താരാട്ട്, ആ നായികയെ
  • ബോളിവുഡ് നടി ശ്രീ ദേവി ദുബായില്‍ ഹൃദയാഘാതത്തെ തുടര്‍ന്ന് അന്തരിച്ചു
  • പ്രതിഷേധത്തിലെ കുമ്മനം സ്റ്റൈല്‍
  • മധുവിനെ തല്ലിക്കൊന്ന സംഘത്തിലെ 11 പേര്‍ അറസ്റ്റില്‍ ; കൊലക്കുറ്റം ചുമത്തി
  • വിശപ്പിന്റെ പേരില്‍ തല്ലിക്കൊല്ലപ്പെട്ട മധുവിന്റെ കുടുംബത്തിന് 10 ലക്ഷം നല്‍കുമെന്ന് പിണറായി
  • പണം കിട്ടാഞ്ഞു കൊടികുത്തി; പ്രവാസിയുടെ 'ജീവനെടുത്ത' സിപിഐ പ്രവര്‍ത്തകര്‍ക്കെതിരെ കേസ്
  • അടിച്ചവശനാക്കി മധുവിന്റെ തലയില്‍ ചാക്കുകെട്ട് വച്ച് നടത്തിച്ചു, വെള്ളം ചോദിച്ചപ്പോള്‍ മൂക്കിലൊഴിച്ചു!
  • സെല്‍ഫ് ഗോള്‍ അടിക്കരുതെന്നു മാണിയെ വേദിയിലിരുത്തി കാനം സിപിഎമ്മിനോട് , കാനം തുത്തുകുണുക്കി പക്ഷിയെന്ന് കേരള കോണ്‍ഗ്രസ്
  •  
        © 2012 ukmalayalamnews.com All rights reserved. Powered by Phoenix Infoway