യു.കെ.വാര്‍ത്തകള്‍

യുകെയില്‍ അവയവദാനം പ്രതിസന്ധിയില്‍ ; ബന്ധുക്കളുടെ എതിര്‍പ്പ് മൂലം നൂറുകണക്കിന് കുടുംബങ്ങള്‍ പിന്മാറി, പരിഹാരം നിയമനിര്‍മ്മാണം


ലണ്ടന്‍ : അവയവദാന രംഗത്ത് ബ്രിട്ടണ്‍ ഇപ്പോള്‍ വലിയ പ്രതിസന്ധിയിലാണ്. ബന്ധുക്കളുടെ എതിര്‍പ്പ് മൂലം നൂറുകണക്കിന് കുടുംബങ്ങള്‍ അവയവദാനത്തില്‍ നിന്ന് പിന്മാറി. കഴിഞ്ഞ അഞ്ചുവര്‍ഷം കൊണ്ട് 505 രജിസ്റ്റെഡ് ദാതാക്കളുടെ അവയവങ്ങള്‍ ലഭ്യമായില്ല. ബന്ധുക്കളുടെ എതിര്‍പ്പായിരുന്നു കാരണം. ആശുപത്രികള്‍ ബന്ധപ്പെടാന്‍ ശ്രമിച്ചെങ്കിലും നിരാശയായിരുന്നു ഫലം എന്ന് ബിബിസി 5 ചൂണ്ടിക്കാട്ടി. ബന്ധുക്കളെ പറഞ്ഞു മനസിലാക്കാന്‍ എന്‍എച്ച്എസ് ശ്രമിച്ചിരുന്നു. കഴിഞ്ഞ വര്‍ഷം മരിച്ച 457 പേരുടെ അവയവങ്ങള്‍ക്കായി എന്‍എച്ച്എസ് ശ്രമിച്ചിരുന്നു. യുകെയിലാകെ 6,406 പേര്‍ അവയവദാതാക്കളെ പ്രാതീക്ഷിച്ചിരിപ്പുണ്ട്.


മാറുന്ന സാഹചര്യത്തില്‍ പുതിയ നിയമനിര്‍മ്മാണത്തിന് തെരേസാ സര്‍ക്കാര്‍ തയ്യാറെടുക്കുകയാണ്. മരണശേഷം വ്യക്തിയുടെ കൊള്ളാവുന്ന അവയവങ്ങള്‍ ബന്ധുക്കളുടെ സമ്മതം കൂടാതെ തന്നെ ആവശ്യക്കാര്‍ക്ക് ലഭ്യമാക്കുന്ന പുതിയ നിയമനിര്‍മ്മാണത്തിനാണു ബ്രിട്ടന്‍ ഒരുങ്ങുന്നത്. ഇതിനായി ഒരു വ്യക്തിയുടെ സമ്മതത്തോടെ മരണാനന്തരം അവയവങ്ങള്‍ നല്‍കുന്ന 'ഓപ്റ്റ് ഔട്ട് സിസ്റ്റം' അവതരിപ്പിക്കാനാണ് ഉദ്ദേശിക്കുന്നത്.

ഇതനുസരിച്ച് മരിക്കുന്നയാളുടെ പ്രവര്‍ത്തനക്ഷമതയുള്ള എല്ലാ അവയവങ്ങളും സര്‍ക്കാര്‍ എടുക്കും. ഒരാള്‍ മരിക്കുമ്പോള്‍ സ്വമേധയാ അയാള്‍ അവയവ ദാതാവായി മാറുന്നു. ഇക്കാര്യം സമ്മതമല്ലാത്തവര്‍ അക്കാര്യം കാരണസഹിതം നേരത്തെ രേഖാമൂലം നാഷണല്‍ ഹെല്‍ത്ത് സര്‍വീസിനെ ബോദ്ധ്യപ്പെടുത്തേണ്ടി വരും. വ്യക്തിയുടെ സമ്മതമുണ്ടെങ്കില്‍ മരണാനന്തരം അവയവങ്ങള്‍ ദാനം ചെയ്യുന്ന നിയമം ഇംഗ്‌ളണ്ടിലും സ്‌കോട്‌ലന്റിലും നിലവിലുണ്ട്. ഈ നിയമമാണ് പരിഷ്‌ക്കരിക്കുന്നത്. ആവശ്യത്തിനുള്ള അവയവം ലഭിക്കാത്തതിനാല്‍ അസുഖവുമായി മുമ്പോട്ടു പോകുന്ന അനേകര്‍ ബ്രിട്ടനില്‍ ഉടനീളമുണ്ട്.എന്ന് ചൂണ്ടിക്കാട്ടിയാണ് പുതിയ തീരുമാനം.


18 വയസ്സ് കഴിഞ്ഞാല്‍ മരിക്കുന്നവരുടെ പ്രവര്‍ത്തനക്ഷമമായ അവയവങ്ങള്‍ ആരുടേയും സമ്മതം നോക്കാതെ തന്നെ നീക്കം ചെയ്ത് ആവശ്യക്കാര്‍ക്ക് വെച്ചു പിടുപ്പിക്കുന്ന നിയമം രണ്ടു വര്‍ഷം മുമ്പ് വെയ്ല്‍സില്‍ നടപ്പിലാക്കിയിരുന്നു. ടോറി പാര്‍ട്ടിയുടെ വാര്‍ഷിക സമ്മേളനത്തില്‍ പ്രധാനമന്ത്രി തെരേസാ മേയാണ് പുതിയ നിയമനിര്‍മ്മാണത്തെക്കുറിച്ച് വ്യക്തമാക്കിയത്. അവയവം കിട്ടാത്ത സാഹചര്യത്തില്‍ ബ്രിട്ടനില്‍ കഴിഞ്ഞ വര്‍ഷം അവയവമാറ്റ ശസ്ത്രക്രിയയ്ക്ക് കാത്തു നിന്ന് 500 പേരാണ് മരണമടഞ്ഞത്.


2012 ല്‍ ഈ നിയമം വെയ്ല്‍സില്‍ നടപ്പിലാക്കിയപ്പോള്‍ അനേകരാണ് ഇതിനെതിരെ രംഗത്ത് വന്നത്. ഒരാളുടെ സമ്മതം കൂടാതെ തന്നെ അയാളുടെ അവയവം എടുക്കുന്നതിനെ ദാനം എന്ന് പറയാനാകുമോയെന്നാണ് ചോദ്യം. ഇത് മനുഷ്യന്റെ സ്വതന്ത്രാധികാരശത്ത ചോദ്യം ചെയ്യുന്നതും മനുഷ്യാവകാശങ്ങള്‍ക്ക് എതിരാണെന്നും വിമര്‍ശകര്‍ പറയുന്നു.

  • ജിപിയെ കാണാന്‍ ഒരു മണിക്കൂര്‍ കാത്തിരുന്ന മൂന്നുവയസുകാരന്‍ മരിച്ചു; ഡോക്ടര്‍മാര്‍ എന്‍എച്ച്എസ് വിടുന്നതിന്റെ ഫലം
  • ലണ്ടനിലെ എപ്പിംഗില്‍ ബ്ലഡ് കാന്‍സര്‍ ബാധിതനായ മലയാളി മരിച്ചു, പൊതുദര്‍ശനം ശനിയാഴ്ച
  • എല്‍ദോസിന് ഹെയില്‍ഷാമില്‍ മലയാളികള്‍ കണ്ണീരോടെ വിട നല്‍കി, സംസ്കാരം വ്യാഴാഴ്ച നാട്ടില്‍
  • ബ്രിട്ടനെതിരെ ഇന്ത്യയ്ക്ക് നാടകീയ ജയം; ദല്‍വീര്‍ ഭണ്ഡാരി രാജ്യാന്തര കോടതി ജഡ്ജി
  • വിമാനത്തിന്റെ മുന്‍സീറ്റിലിരുന്ന സ്ത്രീയെ കയറിപ്പിടിച്ച ഇന്ത്യന്‍ യുവാവ് കുടുങ്ങി
  • അമ്മയെക്കുറിച്ച് വാചാലയായി,ഇന്ത്യയുടെ മാനുഷിക്ക് ലോകസുന്ദരി പട്ടം
  • ഈസ്റ്റ് ബോണില്‍ അന്തരിച്ച പെരുമ്പാവൂര്‍ സ്വദേശി എല്‍ദോസിന്റെ പൊതുദര്‍ശനം തിങ്കളാഴ്ച
  • ലണ്ടന്‍ വാട്ടര്‍ലൂ സ്റ്റേഷനില്‍ യാത്രക്കാരിക്കു സുഖ പ്രസവം, പ്രസവമെടുത്തത് ജീവനക്കാര്‍ , കുട്ടി റെക്കോഡിനുടമ
  • ബക്കിങ്ങ്ഹാംഷയറിനടുത്ത് വിമാനവും ഹെലികോപ്റ്ററും കൂട്ടിയിടിച്ചു; നാല് പേര്‍ മരിച്ചു
  • ബജറ്റില്‍ ഹൗസിംഗ്, എന്‍എച്ച്എസ് മേഖലകളില്‍ കൂടുതല്‍ പണം മാറ്റിവയ്ക്കാനൊരുങ്ങി ചാന്‍സലര്‍ ,ബോട്ടിലിനും കോഫി കപ്പിനും വിലകൂടാം
  •  
        © 2012 ukmalayalamnews.com All rights reserved. Powered by Phoenix Infoway