യു.കെ.വാര്‍ത്തകള്‍

ലണ്ടനില്‍ ബസ് കാറുകളിലേക്ക് ഇടിച്ചുകയറി; നിര്‍ത്താതെ മുന്നോട്ട്, കരഞ്ഞുവിളിച്ചുയാത്രക്കാര്‍


ലണ്ടന്‍ : തിരക്കേറിയ സമയത്ത് ബസ് കാറുകളിലേക്ക് ഇടിച്ചുകയറി .ഡ്രൈവറോട് ബസ് നിര്‍ത്താന്‍ യാത്രക്കാര്‍ കരഞ്ഞുവിളിച്ചിട്ടും ഫലമുണ്ടായില്ല. ഭാഗ്യം കൊണ്ട് വലിയ ദുരന്തം ഒഴിവായി. രണ്ട് പേര്‍ക്ക് ചെറിയ പരുക്കുകള്‍ മാത്രമാണ് ഉണ്ടായത്. ഇന്നലെ വൈകുന്നേരം 4.40-ഓടെ ഈസ്റ്റ് ലണ്ടനിലെ ഹാക്ക്‌നിയില്‍ ലോവര്‍ ക്ലാംപ്ടണ്‍ റോജിലായിരുന്നു സംഭവം. 254-ാം നമ്പര്‍ ബസ് ആള്‍ഡ്‌ഗേറ്റിലേക്ക് പോകവെ ഒരു വാഹനത്തിന്റെ പിന്നിലേക്ക് ഇടിച്ചുകയറി നിര്‍ത്താതെ മുന്നോട്ടെടുക്കുന്ന ദൃശ്യങ്ങള്‍ ട്വിറ്ററില്‍ പോസ്റ്റ് ചെയ്തിട്ടുണ്ട്. അറൈവ ഓപ്പറേറ്റ് ചെയ്യുന്ന 254 ഡബിള്‍ ഡെക്ക് ബസാണ് അപകടം സൃഷ്ടിച്ചത്.


ഒരു കുഞ്ഞ് ഉള്‍പ്പെടെയുള്ള യാത്രക്കാര്‍ സഞ്ചരിച്ച കാര്‍ 100 വാരയോളം ദൂരത്തിലാണ് ബസ് ഇടിച്ച് നീക്കിയത്. ബസിലെ യാത്രക്കാരും, പൊതുജനങ്ങളും ബസ് നിര്‍ത്താന്‍ ഡ്രൈവറോട് ആവശ്യപ്പെടുന്നുണ്ടെങ്കിലും വാഹനം മുന്നോട്ട് നീങ്ങുകയായിരുന്നുവെന്ന് ദൃക്‌സാക്ഷികള്‍ വെളിപ്പെടുത്തി. യാത്രക്കാരും, കാല്‍നടക്കാരും എന്താണ് സംഭവിച്ചതെന്നറിയാതെ നില്‍ക്കുമ്പോള്‍ പോലീസുകാരന്‍ ഡ്രൈവറോട് സംസാരിക്കുന്ന ചിത്രങ്ങള്‍ പുറത്തുവന്നിട്ടുണ്ട്. റോഡില്‍ വാഹനങ്ങള്‍ ഇടിച്ചുതകര്‍ന്ന നിലയിലാണ്.

വിവിധ വാഹനങ്ങളുമായി ബസ് കൂട്ടിയിടിച്ചതായുള്ള വിവരത്തെത്തുടര്‍ന്നാണ് പോലീസിനെ വിളിച്ചതെന്ന് മെട്രൊപൊളിറ്റന്‍ പോലീസ് വക്താവ് അറിയിച്ചു. സംഭവത്തില്‍ അറസ്റ്റുകളൊന്നും ഉണ്ടായിട്ടില്ല. സംഭവത്തെക്കുറിച്ച് അന്വേഷണം നടത്തുകയാണ്.

  • എന്‍എച്ച്എസ് ജീവനക്കാര്‍ വരെ പാക്കിസ്ഥാനില്‍ നിന്നും വ്യാജഡിഗ്രികള്‍ വാങ്ങുന്നു
  • പ്ലാസ്റ്റിക് നിരോധനം നടപ്പാക്കുന്ന ലോകത്തെ ആദ്യ സൂപ്പര്‍മാര്‍ക്കറ്റ് ചെയിനായി ഐസ്‌ലാന്റ്; ഇനി എല്ലാം പേപ്പര്‍
  • ബ്രിട്ടന് പഴയ സ്നേഹമില്ലെന്ന് ട്രംപ്; സന്ദര്‍ശനം റദ്ദാക്കാന്‍ വിചിത്ര കാരണം നിരത്തി വൈറ്റ് ഹൗസ്
  • അനധികൃത കുടിയേറ്റം തടയാനും രഹസ്യ വിവരം കൈമാറാനും ഇന്ത്യ-ബ്രിട്ടന്‍ ധാരണ
  • കുഞ്ഞുങ്ങളെ പീഡിപ്പിക്കുന്നത് മൃഗപീഡനം പോലെയെന്ന് യുകെഐപി നേതാവിന്റെ കാമുകി; നേതാവിന്റെ രാജിക്കായി മുറവിളി
  • മാതാപിതാക്കളെ കൊല്ലാന്‍ ബോംബ് വാങ്ങിയ ഇന്ത്യക്കാരനായ എ ലെവല്‍ വിദ്യാര്‍ത്ഥിക്ക് ജയില്‍
  • ഗാര്‍ഹിക പീഡനം: മാഞ്ചസ്റ്ററിലെ മലയാളിക്ക് ഭാര്യയെ കാണുന്നതിനും വിളിക്കുന്നതിനും വിലക്ക്; മക്കളെ കാണുന്നതിനും നിയന്ത്രണം
  • വിന്റര്‍ ക്രൈസിസ്: ആശുപത്രി ഇടനാഴികളില്‍ രോഗികള്‍ മരിച്ചുകൊണ്ടിരിക്കുന്നു! പ്രധാനമന്ത്രിക്ക് ഡോക്ടര്‍മാരുടെ മുന്നറിയിപ്പ്
  • ട്രംപിന്റെ അടുത്തമാസത്തെ യുകെ സന്ദര്‍ശനം ഉപേക്ഷിച്ചു; ലണ്ടനിലെ യു എസ് എംബസി ഉദ്ഘാടനത്തിനുമില്ല
  • പുരുഷ രോഗിക്ക് പീഡനം; ലെസ്റ്ററില്‍ ഇന്ത്യന്‍ ഡോക്ടര്‍ക്കെതിരെ പരാതി
  •  
        © 2012 ukmalayalamnews.com All rights reserved. Powered by Phoenix Infoway