Don't Miss

ബുഷിന്റെ 'അസുഖം' സെപ് ബ്ലാറ്റര്‍ക്കും: അവാര്‍ഡ്ദാനത്തിനിടെ കയറിപ്പിടിച്ചു; ഫിഫ മുന്‍ അധ്യക്ഷനെതിരെ വനിതാ താരം


ന്യൂയോര്‍ക്ക്: അമേരിക്കന്‍ പ്രസിഡന്റ് ആയിരുന്ന 90 പിന്നിട്ട ജോര്‍ജ് ബുഷ് സീനിയറിനെതിരെ അടുത്തിടെയാണ് ലൈംഗിക ചൂഷണ ആരോപണം വന്നത്. സമാനമായ 'അസുഖം' നീണ്ട പതിനേഴ് വര്‍ഷം ഫിഫയുടെ മേധാവിയായിരുന്ന സെപ്ബ്ലാറ്റക്കും ഉണ്ടായിരുന്നതായി വെളിപ്പെടുത്തുകയാണ് മുന്‍ യു.എസ്. വനിതാ ടീം താരം.
2013ല്‍ പോര്‍ച്ചുഗീസ് താരം ക്രിസ്റ്റ്യാനോ റൊണാള്‍ഡോയ്ക്കുള്ള ബാലണ്‍ദ്യോര്‍ അവാര്‍ഡ്ദാനച്ചടങ്ങിനിടെ അന്ന് ഫിഫ അധ്യക്ഷനായിരുന്ന സെപ് ബ്ലാറ്റര്‍ തന്നെ കയറിപ്പിടിച്ചുവെന്ന ആരോപണവുമായി മുന്‍ യു.എസ്. വനിതാ ടീം ഗോളി ഹോപ് സോളോ ആണ് രംഗത്തുവന്നത്. ബാലണ്‍ദ്യോര്‍ അവാര്‍ഡ്ദാന ചടങ്ങിലെ അവതാരകയായിരുന്നു യു.എസിനുവേണ്ടി 202 അന്താരാഷ്ട്ര മത്സരങ്ങള്‍ കളിച്ചിട്ടുള്ള സോളോ. പേടി കാരണമാണ് താന്‍ ഇത്രയും കാലം ഈ കാര്യം പറയാതിരുന്നതെന്നും അമേരിക്കയ്ക്ക് രണ്ട് ഒളിമ്പിക് സ്വര്‍ണം നേടിക്കൊടുത്ത മുപ്പത്തിയാറുകാരിയായ സോളോ പറഞ്ഞു.

പോര്‍ച്ചുഗീസ് ദിനപത്രമായ എക്സ്പ്രസോവിന് നല്‍കിയ അഭിമുഖത്തിലാണ് സോളോ ഗുരുതമായ ഈ ആരോപണം ഉന്നയിച്ചിരിക്കുന്നത്.
ഒരു ചോദ്യത്തിന് ഉത്തരമായാണ് സെപ്പ് ബ്ലാറ്റര്‍ തന്റെ നിതംബത്തില്‍ പിടിച്ച കാര്യം പറഞ്ഞത്. 2013ലാണ് സംഭവം. മികച്ച വനിതാ താരത്തിനുള്ള ബാലണ്‍ദ്യോര്‍ പുരസ്‌കാരം പ്രഖ്യാപിക്കുന്നതിനിടെയാണ് ബ്ലാറ്റര്‍ പിടിച്ചത്. സ്റ്റേജില്‍ കയറാന്‍ തുടങ്ങുമ്പോഴായിരുന്നു സംഭവം. വളരെ അസ്വസ്ഥയായാണ് ഞാന്‍ ആ ചടങ്ങില്‍ അവാര്‍ഡ് പ്രഖ്യാപിച്ചത്. പിന്നീട് ഞാന്‍ അയാളെ കണ്ടില്ല. അതിനുള്ള മാനസികാവസ്ഥയിലായിരുന്നില്ല ഞാന്‍. മേലില്‍ എന്നെ തൊടരുതെന്ന് പറയാനും കഴിഞ്ഞില്ല-സോളോ അഭിമുഖത്തില്‍ പറഞ്ഞു.
സ്ത്രീകള്‍ക്കെതിരായ ലൈംഗികപീഡനം ഹോളിവുഡില്‍ മാത്രമല്ല, എല്ലാ മേഖലകളിലും നടക്കുന്നുണ്ട്. ഞാനത് കായികരംഗത്ത് യഥേഷ്ടം കണ്ടിട്ടുണ്ട്. എത്രയോ വനിതാ താരങ്ങള്‍ പരിശീലകരുമായി പ്രണയത്തിലാവുകയും പിന്നീട് വിവാഹിതരാവുകയും ചെയ്യുന്നു. പരിശീലകര്‍ ചെയ്യരുതാത്തതാണ് ഇത്. ഡോക്ടര്‍മാരും ട്രെയിനര്‍മാരും പ്രസ് പ്രസ് ഉദ്യോഗസ്ഥരുമെല്ലാം ഇങ്ങനെ ചെയ്യുന്നു-സോളോ പറഞ്ഞു..
പലപ്പോഴും ലോക്കര്‍ റൂമുകളില്‍ വെച്ച് ഇത്തരത്തില്‍ പരിശീലകന്‍ അപമര്യാദയായി പല വനിതാ താരങ്ങളോട് പെരുമാറുന്നത് താന്‍ കണ്ടിട്ടുണ്ടെന്നും പക്ഷേ ആരും അതേക്കുറിച്ച് പരാതി നല്‍കാത്തത് എന്താണെന്ന് തനിക്കറിയില്ലെന്നും സോളോ അഭിമുഖത്തിനിടെ പറഞ്ഞു.

എന്നാല്‍, എണ്‍പത്തിയൊന്നുകാരനായ ബ്ലാറ്റര്‍ ഈ ആരോപണം നിഷേധിച്ചു. പരിഹാസ്യം എന്നാണ് ഈ ആരോപണത്തെ ബ്ലാറ്റര്‍ വിശേഷിപ്പിച്ചത്.
ബ്ലാറ്ററെ അഴിമതി ആരോപണത്തെ തുടര്‍ന്ന് 2015ലാണ് ഫിഫയില്‍ നിന്ന് പുറത്താക്കിയത്. എട്ടു വര്‍ഷത്തോളം ബ്ലാറ്ററെ ഫുട്‌ബോളുമായി ബന്ധപ്പെട്ട എല്ലാ കാര്യങ്ങളില്‍ നിന്നും ഫിഫ വിലിക്കിയിരുന്നു. പിന്നീട്അപ്പീലിനെത്തുടര്‍ന്ന് ആ വിലക്ക് ആറു വര്‍ഷമായി കുറച്ചു.

  • മലയാള സിനിമയിലെ സ്ത്രീവിരുദ്ധതയ്ക്കും ലിംഗവിവേചനത്തിനുമെതിരെ തുറന്നടിച്ച് റിമ കല്ലിങ്കല്‍
  • 'ഉഴവൂരിനെപ്പോലെയുള്ള ജോക്കറെ പാര്‍ട്ടിക്ക് ആവശ്യമില്ല'; ഉഴവൂര്‍ വിജയനെ അധിക്ഷേപിച്ച് മാണി സി കാപ്പന്‍
  • സഹോദരന് നീതി തേടി എല്ലും തോലുമായ ശ്രീജിത്ത് പഴയ മിസ്റ്റര്‍ തിരുവനന്തപുരം!
  • ഇന്ത്യന്‍ പാസ്പോര്‍ട്ട് ഇനി തിരിച്ചറിയില്‍ രേഖയല്ല; അവസാന പേജ് യാത്രാ വിവരമായിരിക്കില്ല
  • പൊണ്ണത്തടി കുറയ്ക്കാന്‍ ബി.ജെ.പി പ്രവര്‍ത്തകര്‍ക്ക് അമിത് ഷായുടെ സ്റ്റഡി ക്ലാസ്
  • മരണത്തിലും ഒന്നിച്ചുണ്ടാവണം: ദയാവധത്തിന് രാഷ്ട്രപതിയുടെ കനിവ് തേടി വൃദ്ധ ദമ്പതികള്‍
  • 'ഓഖി'യിലെ ഹെലിക്കോപ്ടര്‍ കണക്കുമായി പിണറായിയെ പരിഹസിച്ച് ജേക്കബ് തോമസ്‌
  • വാടക കുടിശ്ശിക പെരുകി; മല്ലിക ഷെരാവത്തിനെ പാരീസിലെ ഫ്‌ളാറ്റില്‍ നിന്നും ഇറക്കിവിടും
  • അബുദാബി ഡ്യൂട്ടി ഫ്രീ നറുെക്കടുപ്പില്‍ ഒന്നാം സമ്മാനം മലയാളിക്ക്; കിട്ടിയത് 20.7 കോടി
  • ഐശ്യര്യറായിക്ക് ജനിച്ച മകനാണ് താനെന്ന് 29 കാരന്‍ ; വലിയ തമാശയെന്ന് ഐശ്വര്യ
  •  
        © 2012 ukmalayalamnews.com All rights reserved. Powered by Phoenix Infoway