സിനിമ

തമിഴകത്തിന് പുതിയ 'തലൈവി' ; ആരാധകരുടെ വിശേഷണം ഏറ്റെടുത്ത് നയന്‍താര


തമിഴകത്ത് തലൈവി എന്ന വിളിപ്പേര് ജയലളിതയ്ക്കു മാത്രമായിരുന്നു ഇതുവരെ. എന്നാല്‍ അമ്മയുടെ മരണത്തോടെ ആ തലൈവി പട്ടത്തിന് പുതിയ ഒരാള്‍കൂടി എത്തിയിരിക്കുന്നു. കഴിഞ്ഞദിവസം പുതിയ സിനിമ ആറം സിനിമയുടെ പ്രചരണാര്‍ഥം ചെന്നൈയിലെത്തിയ നയന്‍താരയാണ് ഈ പട്ടത്തിന് അര്‍ഹയായത്. ചടങ്ങിനെത്തിയ നയന്‍താരയെ ആരാധകര്‍ സ്വീകരിച്ചത് 'എങ്കള്‍ തലൈവി നയന്‍താര' എന്ന ആര്‍പ്പുവിളികളോടെയായിരുന്നു. ലേഡി സൂപ്പര്‍സ്റ്റാര്‍ എന്ന വിശേഷണത്തിന് പിന്നാലെയാണ് തലൈവി പട്ടം കൂടി നയന്‍താരയെ തേടിയെത്തുന്നത്.

സിനിമയിലെ വിവാദങ്ങള്‍ക്ക് വിരാമമിട്ട് വേറിട്ട പാതയിലൂടെയാണ് നയന്‍താരയുടെ സമീപകാല സഞ്ചാരം. ഗ്ലാമര്‍വേഷങ്ങളില്‍ നിന്ന് മാറി ക്യാരക്ടര്‍ റോളുകളിലാണ് നടിയുടെ ഇപ്പോഴത്തെ ശ്രദ്ധ. പുതിയ ചിത്രം ആറം അത് തെളിയിക്കുകയും ചെയ്യുന്നു. തമിഴ്‌നാടിന്റെ സമകാലിക രാഷ്ട്രീയസാഹചര്യങ്ങളും സാമൂഹികപ്രശ്‌നങ്ങളും കൈകാര്യം ചെയ്യുന്ന ചിത്രത്തിന് വന്‍വരവേല്‍പ്പാണ് ലഭിച്ചിരിക്കുന്നത്. തമിഴില്‍ നായകപ്രാധന്യമില്ലാതെ ഒറ്റയ്‌ക്കൊരു സിനിമ വിജയിപ്പിക്കുക അത്ര എളുപ്പമല്ല. പക്ഷെ തനിക്കത് സാധിക്കുമെന്ന് മായ പോലെയുള്ള സിനിമകളിലൂടെ നയന്‍താര തെളിയിച്ചതാണ്.


രജനികാന്തിനെയും വിജയിയുമൊക്കെ തലൈവ എന്നും ദളപതി എന്നും വിശേഷിപ്പിക്കുമ്പോഴും ഇതുവരെ ആര്‍ക്കും തലൈവിപട്ടം നല്‍കാന്‍ തമിഴ് ജനത തയാറായിട്ടില്ല. ആഭരണങ്ങളും മേക്കപ്പുമില്ലാതെ നീല ബ്ലൗസും സാരിയുമായി തികച്ചും സിംപിളായി എത്തിയ നയന്‍താരയെ കണ്ടാല്‍ തലൈവി എന്ന് വിളിക്കാന്‍ തോന്നിപ്പോകുമെന്നാണ് ആരാധകരുടെ പക്ഷം. ആരാധകരുടെ തലൈവി വിളിയ്ക്ക് താരം കൈ കൂപ്പി അഭിവാദ്യങ്ങള്‍ അറിയിക്കുകയും ചെയ്തു. ഭാവിയില്‍ ഒരു രാഷ്ട്രീയ റോളിന് കൂടി നയന്‍സിനെ പ്രേരിപ്പിക്കുന്നതാവും ഈ തലൈവി പട്ടം.


  • അമ്മയുടെ വഴിയേ ലിസിയുടെ മകള്‍ കല്യാണിയും സിനിമയിലേക്ക്: ടീസര്‍ യൂട്യൂബ് ട്രെന്‍ഡിങ്ങില്‍ ഒന്നാമത്
  • ടൊവിനോയും ഐശ്വര്യ ലക്ഷ്മിയും ഒന്നിച്ച മായാനദിയുടെ തകര്‍പ്പന്‍ ട്രെയിലറെത്തി
  • ദീപികയുടേയും ബന്‍സാലിയുടെയും തല വെട്ടാന്‍ അഞ്ചുകോടി പ്രഖ്യാപിച്ചു ക്ഷത്രിയ യുവ മഹാസഭ നേതാവ്
  • ഇറാക്കിലെ നഴ്‌സുമാരുടെ ദുരിത ജീവിതം പറഞ്ഞ 'ടേക്ക് ഓഫ്' ഐഎഫ്എഫ്‌ഐ മത്സരവിഭാഗത്തില്‍
  • ആ രംഗത്തെക്കുറിച്ച് ആലോചിക്കുമ്പോള്‍ അറപ്പ് തോന്നും; ബോളിവുഡ് ചിത്രത്തിലെ അഭിനയത്തെക്കുറിച്ച് റായി ലക്ഷ്മി
  • മെഴ്‌സിഡസ് ബെന്‍സിന്റെ ടയര്‍ ഊരിത്തെറിച്ചു; അമിതാഭ് ബച്ചന്‍ രക്ഷപെട്ടത് തലനാരിഴയ്ക്ക്
  • തമിഴ് സിനിമാ ചേരുവകളെ ട്രോളി നയന്‍താരയെ വാഴ്ത്തി അമലപോള്‍
  • സിനിമയില്ല, വിവാഹമോചനവും; ഗ്രാനൈറ്റ് ബിസിനസില്‍ വിജയക്കൊടി പാറിച്ചു പ്രിയാരാമന്‍
  • തെലുങ്കിലെ മികച്ച സഹനടനായി മോഹന്‍ലാല്‍; ജനതാ ഗാരേജിന് ആറ് അവാര്‍ഡുകള്‍
  • എന്നെക്കൊണ്ട് റിമിയെ കെട്ടിക്കാന്‍ അപ്പച്ചന് ആഗ്രഹമുണ്ടായിരുന്നു- കുഞ്ചാക്കോ ബോബന്‍ , എന്തേ പാലായ്ക്ക് വന്നില്ലെന്ന് റിമി
  •  
        © 2012 ukmalayalamnews.com All rights reserved. Powered by Phoenix Infoway