യു.കെ.വാര്‍ത്തകള്‍

ബ്രക്സിറ്റ് ബില്‍ പാര്‍ലമെന്റിന്റെ മുന്നിലേയ്ക്ക്; എതിര്‍ത്തും അനുകൂലിച്ചും എംപിമാര്‍


ലണ്ടന്‍ : യൂറോപ്യന്‍ യൂണിയനുമായുള്ള ചര്‍ച്ചകള്‍ക്കൊടുവില്‍ ഉരുത്തിരിയുന്ന ഉടമ്പടി വ്യവസ്ഥകള്‍ അംഗീകരിച്ച് നിയമമാക്കുന്ന ബ്രക്സിറ്റ് ബില്ല് പാര്‍ലമെന്റിന്റെ മുന്നിലേയ്ക്ക്. ബില്‍ പാര്‍ലമെന്റിന്റെ അനുമതിക്കായി അവതരിപ്പിക്കുമെന്ന് ബ്രക്സിറ്റ് സെക്രട്ടറി ഡേവിഡ് ഡേവീസ് പാര്‍ലമെന്റില്‍ വ്യക്തമാക്കി. ഭരണ കക്ഷിയായ കണ്‍സര്‍വേറ്റീവ് പാര്‍ട്ടിയിലെ ബ്രക്സിറ്റ് അനുകൂലികളുടെ കടുത്ത എതിര്‍പ്പ് അവഗണിച്ചാണ് അന്തിമകരാര്‍ പാര്‍ലമെന്റിന്റെ അനുമതിക്കായി സമര്‍പ്പിക്കാന്‍ സര്‍ക്കാര്‍ തീരുമാനിച്ചത്.

പാര്‍ലമെന്റിന്റെ അനുമതിക്കായി സമര്‍പ്പിക്കുന്ന ബ്രക്സിറ്റ് ഉടമ്പടി വ്യവസ്ഥകള്‍ പാര്‍ലമെന്റ് അംഗീകരിച്ചാലും ഇല്ലെങ്കിലും ഹിതപരിശോധനാഫലം മാനിച്ച് ബ്രക്സിറ്റ് നടപ്പാക്കുമെന്ന സര്‍ക്കാരിന്റെ കടുംപിടുത്തതില്‍ നിന്നുള്ള തിരിച്ചുപോക്കാണിത്. പുതിയ തീരുമാനത്തെ ലേബര്‍ പാര്‍ട്ടി സ്വാഗതം ചെയ്തു.


എന്നാല്‍ ബില്‍ പാര്‍ലമെന്റില്‍ അവതരിപ്പിക്കാതെ ഇതിന്മേല്‍ വീണ്ടുമൊരു ഹിതപരിശോധന വേണമെന്നാണു ബ്രക്സിറ്റിന്റെ കടുത്ത വിമര്‍ശകരായ ലിബറല്‍ ഡെമോക്രാറ്റിക് പാര്‍ട്ടിയുടെ നിലപാട്.

പാര്‍ലമെന്റിന്റെ മുന്നിലെത്തുന്ന ബില്ലില്‍ പൗരാവകാശങ്ങളും സാമ്പത്തിക ബാധ്യതയും നേട്ടങ്ങളും മറ്റ് മാറ്റങ്ങളുമെല്ലാം കൃത്യമായി വ്യക്തമാകും.


ബ്രക്സിറ്റ് ചര്‍ച്ചകള്‍ ആറുവട്ടം പൂര്‍ത്തിയായിട്ടും നിര്‍ണായക വിഷയങ്ങളില്‍ തീരുമാനത്തിലെത്താന്‍ ഇരുകൂട്ടര്‍ക്കും കഴിഞ്ഞിട്ടില്ല. ഇനിയുമായിട്ടില്ല. ബില്ലിന്റെ കാര്യത്തില്‍ രണ്ടാഴ്ചക്കകം തീരുമാനമെടുക്കണമെന്ന് ഇ യു നേതാക്കള്‍ അന്ത്യ ശാസനം നല്‍കുകയും ചെയ്തിരുന്നു. ഇതോടെയാണ് പാര്‍ലമെന്റിന്റെ അനുമതി തേടാന്‍ തെരേസ മേ സര്‍ക്കാരിനെ പ്രേരിപ്പിച്ചത്.


സു​പ്ര​ധാ​ന വി​ഷ​യ​ങ്ങ​ളി​ല്‍ ര​ണ്ടാ​ഴ്​​ച​ക്ക​കം തീ​രു​മാ​ന​മെ​ടു​ക്ക​ണ​മെ​ന്നും ​ അല്ലാത്തപക്ഷം ​വ്യാ​പാ​ര ച​ര്‍​ച്ച​കള്‍ ഇൗ ​വ​ര്‍​ഷം ന​ട​ക്കി​ല്ലെ​ന്നും യൂ​റോ​പ്യന്‍ ക​മീ​ഷ​ന്‍​സ്​ ചീ​ഫ്​ നെ​ഗോ​ഷ്യേ​റ്റര്‍ മൈ​ക്കി​ള്‍ ബേ​ണി​യര്‍ വ്യ​ക്ത​മാ​ക്കിയിരുന്നു.

ഇ.യു അംഗമായിരിക്കെ ബ്രിട്ടന്‍ ഏറ്റെടുത്ത സാമ്പത്തിക ബാധ്യതകള്‍ പൂര്‍ത്തീകരിക്കുക, ബ്രിട്ടനിലെ \യൂറോപ്യന്‍രാജ്യക്കാരായ പൗരന്മാരുടെ അവകാശങ്ങള്‍ സംബന്ധിച്ച് നയം രൂപവത്കരിക്കുക തുടങ്ങി നിരവധി വിഷയങ്ങളില്‍ കൃത്യമായ നയം എത്രയും വേഗം രൂപവത്കരിക്കണമെന്നാണ് ഇ.യു ആവശ്യപ്പെട്ടിരിക്കുന്നത്. 2019 മാര്‍ച്ച് 29ന് ബ്രക്‌സിറ്റ് നടപടികള്‍ പൂര്‍ത്തിയാക്കാനാണ് ബ്രിട്ടീഷ് സര്‍ക്കാര്‍ ലക്ഷ്യമിടുന്നത്.

  • സ്ത്രീകളെ അനാവശ്യമായി മസാജ് ചെയ്ത ഇന്ത്യന്‍ ഡോക്ടര്‍ക്ക് 10 വര്‍ഷം ജയിലഴി
  • ഇംഗ്ലണ്ടില്‍ നാലിലൊന്ന് നഴ്‌സുമാരും അമിതവണ്ണക്കാര്‍ ; പരിഹരിക്കാന്‍ നിര്‍ദ്ദേശം
  • ജീവിതത്തില്‍ ഒറ്റപ്പെട്ടവര്‍ക്കായി 'ലോണ്‍ലിനെസ്' വകുപ്പും മന്ത്രിയും രൂപീകരിച്ചു ലോകത്തിന് ബ്രിട്ടന്റെ മാതൃക
  • ലുലു ഗ്രൂപ്പ് 120 മില്യണ്‍ ഡോളറിനു സ്‌കോട്ട്‌ലന്‍ഡിലെ പൈതൃക ഹോട്ടലായ 'കാലിഡോണിയന്‍ ' ഏറ്റെടുത്തു
  • നഴ്‌സുമാര്‍ക്കും പാരാമെഡിക്കലുകള്‍ക്കും കവന്‍ട്രിയില്‍ 59 മില്ല്യണ്‍ പൗണ്ടിന്റെ പരിശീലന കേന്ദ്രം തുറന്ന് വില്യമും കെയ്റ്റും
  • പനിക്കു മരുന്ന് വാങ്ങിയെത്തിയ പെരുമ്പാവൂര്‍ സ്വദേശി കെന്റിലെ വീട്ടില്‍ കുഴഞ്ഞുവീണു മരിച്ചു
  • ബള്‍ഗേറിയന്‍ മെഡിക്കല്‍ യൂണിവേഴ്‌സിറ്റി പ്രവേശന പരീക്ഷ സെപ്റ്റംബര്‍ 2 ന് ബിര്‍മിങ്ഹാമില്‍
  • എന്‍എച്ച്എസ് ജീവനക്കാര്‍ വരെ പാക്കിസ്ഥാനില്‍ നിന്നും വ്യാജഡിഗ്രികള്‍ വാങ്ങുന്നു
  • പ്ലാസ്റ്റിക് നിരോധനം നടപ്പാക്കുന്ന ലോകത്തെ ആദ്യ സൂപ്പര്‍മാര്‍ക്കറ്റ് ചെയിനായി ഐസ്‌ലാന്റ്; ഇനി എല്ലാം പേപ്പര്‍
  • ബ്രിട്ടന് പഴയ സ്നേഹമില്ലെന്ന് ട്രംപ്; സന്ദര്‍ശനം റദ്ദാക്കാന്‍ വിചിത്ര കാരണം നിരത്തി വൈറ്റ് ഹൗസ്
  •  
        © 2012 ukmalayalamnews.com All rights reserved. Powered by Phoenix Infoway