യു.കെ.വാര്‍ത്തകള്‍

ചര്‍ച്ചയ്ക്കായി ഡൗണിംഗ് സ്ട്രീറ്റിലെത്തിയെ ടിവി പ്രൊഡ്യൂസര്‍ക്കുനേരെ ലൈംഗികാതിക്രമം!

ലണ്ടന്‍ : ബ്രിട്ടീഷ് പ്രധാനമന്ത്രിയുടെ കാര്യാലയം ആയ ഡൗണിംഗ് സ്ട്രീറ്റിലും സ്ത്രീകള്‍ക്ക് നേരെ അതിക്രമം! മന്ത്രിമാരും എംപിമാരും ലൈംഗികവിവാദങ്ങളില്‍ മുഖം നഷ്ടപ്പെട്ടു നില്‍ക്കുമ്പോഴാണ് പ്രധാനമന്ത്രിയുടെ ഓഫീസിലെത്തിയ ടിവി പ്രൊഡ്യൂസറും രചയിതാവുമായ ഡെയ്‌സി ഗുഡ്‌വിന്‍ തനിക്കുണ്ടായ ദുരനുഭവം വെളിപ്പെടുത്തുന്നത്. ഐടിവിയിലെ ഹിറ്റ് ഡ്രാമ സീരീസായ വിക്ടോറിയയുടെ സ്രഷ്ടാവാണ് 55 കാരിയായ ഡെയ്‌സി.

ഒരു പുതിയ പരിപാടിയെക്കുറിച്ചുള്ള ചര്‍ച്ചയ്ക്ക് ഡൗണിംഗ് സ്ട്രീറ്റില്‍ എത്തിയപ്പോള്‍ സര്‍ക്കാര്‍ ഉദ്യോഗസ്ഥന്‍ അവിടെ വെച്ച് തന്റെ മാറിടത്തില്‍ കയറിപ്പിടിച്ചതായി ഡെയ്‌സി പറഞ്ഞു. തന്നെ ബോണ്ട് ഗേള്‍ എന്ന് വിശേഷിപ്പിച്ച ഉദ്യോഗസ്ഥന്റെ മുഖത്ത് നോക്കി 'എന്താ എന്റെ മാറിടത്തില്‍ പിടിക്കുകയാണോ?' എന്ന് ദേഷ്യപ്പെട്ടു ചോദിച്ചതോടെ ഇളിഭ്യച്ചിരിയോടെ ഇയാള്‍ കൈമാറ്റുകയായിരുന്നു എന്നാല്‍ ഈ സമയത്ത് ഇത് റിപ്പോര്‍ട്ട് ചെയ്യേണ്ട സംഭവമായി കരുതിയില്ല എന്നാണ് ഡെയ്‌സി പറഞ്ഞത്. പക്ഷെ വെസ്റ്റ്മിനിസ്റ്ററില്‍ നിരവധി സ്ത്രീകള്‍ ഇത്തരം ചൂഷണം നേരിട്ട കഥകള്‍ പുറത്തുവരുന്ന സാഹചര്യത്തിലാണ് ഏഴുവര്‍ഷം മുമ്പ് തനിക്കു നേരിടേണ്ടിവന്ന അനുഭവം ഡെയ്‌സി വെളിപ്പെടുത്തിയത്. റേഡിയോ ടൈംസിലാണ് ഡെയ്‌സി തന്റെ അനുഭവങ്ങള്‍ വിവരിച്ചത്.


'കാമറൂണ്‍ പ്രധാനമന്ത്രിയായി ഇരിക്കവെയാണ് ഡൗണിംഗ് സ്ട്രീറ്റില്‍ ഒരു ടെലിവിഷന്‍ പ്രോഗ്രാമിനെക്കുറിച്ചുള്ള ചര്‍ച്ചയ്ക്കായി എത്തിയത്. ഒരു ഡിന്നറിനിടെയാണ് ഈ ഉദ്യോഗസ്ഥനെ കാണുന്നതും, ഇമെയിലിലൂടെ ഇദ്ദേഹം ഫോളോ അപ്പ് ചെയ്യുകയും ചെയ്തു. ഇയാളെ കാണാനായി കാത്തിരിക്കവെ ഡൗണിംഗ് സ്ട്രീറ്റില്‍ നിന്നും ചെറുതായി ഒരു ഡ്രിങ്ക് കഴിച്ചു. ഈ ഉദ്യോഗസ്ഥന്‍ സ്ഥലത്തെത്തി ഒരു മുറിയിലേക്ക് കൂട്ടിക്കൊണ്ടുപോയ ശേഷം അത്ഭുതപ്പെടുത്തിക്കൊണ്ട് കാല്‍ ഞാനിരുന്ന കസേരയിലേക്ക് നീട്ടിവെച്ചു. സണ്‍ഗ്ലാസില്‍ നിങ്ങള്‍ ബോണ്ട് ഗേളിനെ പോലുണ്ടെന്ന് അഭിപ്രായവും പറഞ്ഞു. വിഷയം മാറ്റാനായി ഞാന്‍ ടിവി പരിപാടിയെക്കുറിച്ച് പറഞ്ഞു. ചര്‍ച്ച കഴിഞ്ഞ് എഴുന്നേറ്റപ്പോള്‍ യാതൊരു കൂസലുമില്ലാതെ അയാള്‍ കൈ എന്റെ മാറിടത്തില്‍ വെച്ചു. അത് ചോദ്യം ചെയ്തതോടെ അയാള്‍ കൈ പിന്‍വലിക്കുകയായിരുന്നു'-ഡെയ്‌സി പറയുന്നു.


സംഭവം പരാതിയായി ഉന്നയിക്കപ്പെട്ടതോടെ ഇതിനെക്കുറിച്ചു അന്വേഷണം വരും. ആ ഉദ്യോഗസ്ഥന്‍ മാത്രമല്ല, സ്ത്രീകളോട് മോശമായി പെരുമാറുന്ന മറ്റു ഉദ്യോഗസ്ഥര്‍ക്കും തിരിച്ചടിയാവും ഇനി ഉണ്ടാവുക.

  • സ്ത്രീകളെ അനാവശ്യമായി മസാജ് ചെയ്ത ഇന്ത്യന്‍ ഡോക്ടര്‍ക്ക് 10 വര്‍ഷം ജയിലഴി
  • ഇംഗ്ലണ്ടില്‍ നാലിലൊന്ന് നഴ്‌സുമാരും അമിതവണ്ണക്കാര്‍ ; പരിഹരിക്കാന്‍ നിര്‍ദ്ദേശം
  • ജീവിതത്തില്‍ ഒറ്റപ്പെട്ടവര്‍ക്കായി 'ലോണ്‍ലിനെസ്' വകുപ്പും മന്ത്രിയും രൂപീകരിച്ചു ലോകത്തിന് ബ്രിട്ടന്റെ മാതൃക
  • ലുലു ഗ്രൂപ്പ് 120 മില്യണ്‍ ഡോളറിനു സ്‌കോട്ട്‌ലന്‍ഡിലെ പൈതൃക ഹോട്ടലായ 'കാലിഡോണിയന്‍ ' ഏറ്റെടുത്തു
  • നഴ്‌സുമാര്‍ക്കും പാരാമെഡിക്കലുകള്‍ക്കും കവന്‍ട്രിയില്‍ 59 മില്ല്യണ്‍ പൗണ്ടിന്റെ പരിശീലന കേന്ദ്രം തുറന്ന് വില്യമും കെയ്റ്റും
  • പനിക്കു മരുന്ന് വാങ്ങിയെത്തിയ പെരുമ്പാവൂര്‍ സ്വദേശി കെന്റിലെ വീട്ടില്‍ കുഴഞ്ഞുവീണു മരിച്ചു
  • ബള്‍ഗേറിയന്‍ മെഡിക്കല്‍ യൂണിവേഴ്‌സിറ്റി പ്രവേശന പരീക്ഷ സെപ്റ്റംബര്‍ 2 ന് ബിര്‍മിങ്ഹാമില്‍
  • എന്‍എച്ച്എസ് ജീവനക്കാര്‍ വരെ പാക്കിസ്ഥാനില്‍ നിന്നും വ്യാജഡിഗ്രികള്‍ വാങ്ങുന്നു
  • പ്ലാസ്റ്റിക് നിരോധനം നടപ്പാക്കുന്ന ലോകത്തെ ആദ്യ സൂപ്പര്‍മാര്‍ക്കറ്റ് ചെയിനായി ഐസ്‌ലാന്റ്; ഇനി എല്ലാം പേപ്പര്‍
  • ബ്രിട്ടന് പഴയ സ്നേഹമില്ലെന്ന് ട്രംപ്; സന്ദര്‍ശനം റദ്ദാക്കാന്‍ വിചിത്ര കാരണം നിരത്തി വൈറ്റ് ഹൗസ്
  •  
        © 2012 ukmalayalamnews.com All rights reserved. Powered by Phoenix Infoway