യു.കെ.വാര്‍ത്തകള്‍

ഓഖിയെക്കാള്‍ വേഗത്തില്‍ കരോളിന്‍ ; യുകെയില്‍ അതീവ ജാഗ്രതാ നിര്‍ദ്ദേശം

ലണ്ടന്‍ : കേരളത്തെ പിടിച്ചുലച്ച ഓഖിയുടെ ഇരട്ടി വേഗതയില്‍ കരോളിന്‍ ചുഴലിക്കൊടുങ്കാറ്റ് യുകെ തീരത്തേക്ക്. 90 മൈല്‍ വേഗതയിലുള്ള കാറ്റാണ് പ്രതീക്ഷിക്കുന്നത്. 70 മുതല്‍ 90 മൈല്‍ വരെ വേഗതയിലാകും കാറ്റ് വീശിയടിക്കുകയെന്ന് മെറ്റ് ഓഫീസ് വ്യക്തമാക്കി. ചുഴലിക്കാറ്റ് കൂടി എത്തുന്നതോടെ സ്‌കോട്ട്‌ലണ്ട്, ഇംഗ്ലണ്ട്, നോര്‍ത്തേണ്‍ അയര്‍ലണ്ട്, വെയില്‍സ് എന്നിവിടങ്ങളില്‍ ശനിയാഴ്ചവരെ മഞ്ഞും താപനില മൈനസിലേയ്ക്ക് വീഴുകയും ചെയ്യും.


നാഷണല്‍ ഒബ്‌സര്‍വേറ്ററി നോര്‍ത്തേണ്‍ സ്‌കോട്ട്‌ലന്‍ഡില്‍ ആംബര്‍ വിന്‍ഡ് വാണിംഗ് നല്‍കിയിരിക്കുകയാണ്. സതേണ്‍ സ്‌കോട്ട്‌ലന്‍ഡിലും നോര്‍ത്തേണ്‍ ഇംഗ്ലണ്ടിലും യെല്ലോ വാണിംഗും നല്‍കിയിട്ടുണ്ട്. ഇത് വെള്ളിയാഴ്ചയോടെ സതേണ്‍ ഇംഗ്ലണ്ടിലേക്ക് വ്യാപിപ്പിക്കുകയും ശനിയാഴ്ച വരെ തുടരുകയും ചെയ്യും. 2017-2018 വിന്റര്‍ സീസണിലെ മൂന്നാമത്തെ ചുഴലിക്കാറ്റാണ് കരോളിന്‍.


നോര്‍ത്തേണ്‍ സ്‌കോട്ട്‌ലന്‍ഡില്‍ 70 മുതല്‍ 80 മൈല്‍ വരെ വേഗതയിലുള്ള കാറ്റാണ് പ്രതീക്ഷിക്കുന്നത്. കാറ്റിന്റെ വേഗത 90 മൈല്‍ വരെയാകാന്‍ സാധ്യതയുണ്ട്. കാറ്റില്‍ പല വസ്തുക്കളും പറക്കാന്‍ സാധ്യതയുണ്ടെന്നും അവ ജീവാപായത്തിനു പോലും കാരണമായേക്കാമെന്നും മെറ്റ് ഓഫീസ് മുന്നറിയിപ്പ് നല്‍കുന്നു. കെട്ടിടങ്ങള്‍ക്ക് കേടുപാടുകളുണ്ടാകാമെന്നും മേച്ചില്‍ ഓടുകള്‍ പറന്നുപോയേക്കാമെന്നും മുന്നറിയിപ്പ് പറയുന്നു.


റോഡുകള്‍ അടക്കാന്‍ സാധ്യതയുള്ളതിനാല്‍ യാത്രകള്‍ താമസിച്ചേക്കാം. റെയില്‍, ഫെറി സര്‍വീസുകളും വിമാന സര്‍വീസുകളും റദ്ദാക്കാനും ഇടയുണ്ട്. പവര്‍കട്ടിനുള്ള സാധ്യതയുമുണ്ട്. കടലില്‍ വന്‍ തിരമാലകള്‍ക്ക് സാധ്യതയുണ്ട്. വെള്ളിയാഴ്ച പുലര്‍ച്ചയോടെ യുകെയിലെ ഒട്ടുമിക്ക പ്രദേശങ്ങളിലും മഞ്ഞുവീഴ്ചയുണ്ടാകും. നോര്‍ത്തേണ്‍ സ്‌കോട്ട്‌ലന്‍ഡ്, നോര്‍ത്തേണ്‍ അയര്‍ലന്‍ഡ്, നോര്‍ത്ത് വെയില്‍സ് നോര്‍ത്ത് വെസ്റ്റ് മിഡ്‌ലാന്‍ഡ്‌സ് എന്നിവിടങ്ങളില്‍ 10 മുതല്‍ 20 സെ.മീ.വരെ മഞ്ഞുവീഴ്ചയുണ്ടാകുമെന്നും മെറ്റ് ഓഫീസ് അറിയിച്ചു.


  • ഗ്രേറ്റര്‍ മാഞ്ചസ്റ്ററില്‍ വീടിനുള്ളില്‍ 3 കുട്ടികളെ ചുട്ടുകൊന്നു; അമ്മയും, 3 വയസുകാരിയും ജീവന് വേണ്ടി മല്ലിടുന്നു; 5 പേര്‍ പിടിയില്‍
  • കൊടുംശൈത്യം തുടരുന്നു; വിമാനങ്ങള്‍ റദ്ദാക്കി; ലക്ഷക്കണക്കിന് യാത്രക്കാര്‍ ദുരിതത്തില്‍ ,സ്‌കൂളുകള്‍ രണ്ടാം ദിവസവും അടച്ചു
  • കൊവന്‍ട്രിയില്‍ മരിച്ച ജെറ്റ്സിയുടെ സംസ്കാരം യുകെയില്‍ ; ആദരാഞ്ജലികള്‍ അര്‍പ്പിച്ചു മലയാളി സമൂഹം
  • മഞ്ഞില്‍ മുങ്ങി യുകെ; റോഡുകളില്‍ ഐസ് കൂമ്പാരം,സ്‌കൂളുകള്‍ക്ക് അവധി , വൈദ്യുതി മുടക്കം
  • ലിവര്‍പൂളില്‍ ക്‌നാനായ യൂണിറ്റിനെ തോമസ് ജോണ്‍ വാരികാട്ടു നയിക്കും, മലയാളി ജൂനിയര്‍ ലോര്‍ഡ് മേയര്‍ക്കു സ്വികരണവും,ക്രിസ്തുമസ് ആഘോഷവും
  • കൊവന്‍ട്രിയില്‍ കാന്‍സര്‍ രോഗത്തെ തുടര്‍ന്ന് മലയാളി നേഴ്‌സ് മരിച്ചു, എട്ടു ദിവസത്തിനിടെ വിടവാങ്ങിയത് മൂന്ന് മലയാളികള്‍
  • ലണ്ടനില്‍ മലയാളി അന്തരിച്ചു; വിടവാങ്ങിയത് ഒഐസിസി പ്രവര്‍ത്തകനായ സാക്ക് വര്‍ഗീസ്
  • ബ്രക്‌സിറ്റ് ഡീല്‍ 19ന് മന്ത്രിസഭാ ചര്‍ച്ചചെയ്യും; ആഞ്ഞടിക്കാന്‍ ബോറീസും കൂട്ടരും, പൗണ്ട് ഉയര്‍ന്നു
  • ബ്രക്‌സിറ്റില്‍ അവസാനനിമിഷം സമവായം; ചര്‍ച്ച അടുത്ത ഘട്ടത്തിലേക്ക്, തെരേസ മേയ്ക്ക് ആശ്വാസം
  • ബ്രിട്ടീഷ് ജിഹാദികളെ കൊന്നൊടുക്കുമെന്നു പറഞ്ഞ പ്രതിരോധ സെക്രട്ടറിക്കെതിരെ ലേബര്‍
  •  
        © 2012 ukmalayalamnews.com All rights reserved. Powered by Phoenix Infoway