അസോസിയേഷന്‍

ഹരിയും കൃപയും ശോഭയും ഗായകരായെത്തുന്ന സ്റ്റാര്‍സിംഗര്‍ 3യുടെ പുതിയ എപ്പിസോഡ് വൈറലാകുന്നു

ഇഷ്ടഗാനങ്ങളുമായി മത്സരാര്‍ത്ഥികള്‍ എത്തുന്ന ഗര്‍ഷോം ടി വി- യുക്മ സ്റ്റാര്‍ സിംഗര്‍ 3 യുടെ ആദ്യ റൗണ്ട് മത്സരങ്ങള്‍ കൂടുതല്‍ ഗായക പ്രതിഭകളെ ശ്രോതാക്കളുടെ മുന്നില്‍ അവതരിപ്പിക്കുകയാണ്. മൂന്നു ഗായകര്‍ വീതം എത്തുന്ന അഞ്ച് എപ്പിസോഡുകളിലൂടെ പതിനഞ്ച് മത്സരാര്‍ഥികളാണ്‌ സ്റ്റാര്‍സിംഗര്‍ 3 യില്‍ ഏറ്റുമുട്ടുന്നത്.


മത്സരത്തിന്റെ നാലാം എപ്പിസോഡ് പ്രേക്ഷകര്‍ക്ക് മുന്നിലെത്തിക്കുകവഴി കൂടുതല്‍ സ്ഥിരം പ്രേക്ഷകരെ നേടിക്കൊണ്ട് ഗര്‍ഷോം ടി വി.യും പുത്തന്‍ നാഴികക്കല്ലുകള്‍താണ്ടി മുന്നേറുകയാണ്. യുക്മ ദേശീയ കലാമേളകളില്‍ കഴിഞ്ഞ ഏതാനും വര്‍ഷങ്ങളായി സീനിയര്‍ - ജൂനിയര്‍ വിഭാഗങ്ങളില്‍ സ്ഥിരം ജേതാക്കളായ ഹരികുമാര്‍ വാസുദേവനും കൃപാ മരിയാ ജോര്‍ജും പാടുവാന്‍ എത്തുകയാണ് ഈ എപ്പിസോഡില്‍ . അതുപോലെ തന്നെ, നോര്‍ത്ത് വെയില്‍സില്‍ നിന്നുള്ള ആദ്യമത്സരാര്‍ത്ഥിയായി ശോഭ ആന്‍ ജോര്‍ജ് കൂടി എത്തിയപ്പോള്‍ പ്രേക്ഷകര്‍ക്ക് ആകാംക്ഷയുടെ നിമിഷങ്ങള്‍ സമ്മാനിക്കുകയാണ് നാലാം എപ്പിസോഡ്.


ജാനകിയമ്മയുടെ ഗാനങ്ങളെ ഒരു പൂക്കാലമായി നെഞ്ചിലേറ്റുന്ന കൃപ 'കൂടെവിടെ' എന്ന സിനിമയിലെ "പൊന്നുരുകും പൂക്കാലം" എന്ന ഗാനമാണ് ആലപിക്കുന്നത്. ഒ എന്‍ വി കുറുപ്പിന്റെ രചനയില്‍ മറ്റൊരു ജോണ്‍സണ്‍മാഷ് ഗാനവുമായെത്തുന്ന കൃപ, യുക്മ സ്റ്റാര്‍സിംഗര്‍ സീസണ്‍ 2 ജേതാവ് അനു ചന്ദ്രയുടെ സ്വന്തം തട്ടകമായ സ്വിണ്ടനില്‍നിന്നു തന്നെയാണെത്തിയിരിക്കുന്നത് . സ്റ്റാര്‍ സിംഗര്‍ 3 യിലെ ഏറ്റവും പ്രായം കുറഞ്ഞ മറ്റൊരു മത്സരാര്‍ത്ഥിയാണ് കൃപ.


രണ്ടാമത്തെ ഗാനവുമായെത്തുന്നത് ഷെഫീല്‍ഡില്‍ നിന്നുള്ള ഹരികുമാറാണ്. യുക്മ ദേശീയ കലാമേളകളില്‍ സംഗീതവുമായി ബന്ധപ്പെട്ട എല്ലാ ഇനങ്ങളിലും സമ്മാനാര്‍ഹനാകുന്ന ഹരി, ഇക്കഴിഞ്ഞ ദേശീയ കലാമേളയില്‍ സംയുക്ത കലാപ്രതിഭ കൂടിയായും തിളങ്ങിയിരുന്നു. ഹരിയോടൊപ്പം ദേശീയ കലാപ്രതിഭാ പട്ടം പങ്കുവച്ചത് സ്റ്റാര്‍സിംഗര്‍ 3യിലെ മറ്റൊരു മത്സരാര്‍ത്ഥിയായ സാന്‍ ജോര്‍ജ് തോമസ് ആയിരുന്നു എന്നത് മറ്റൊരു യാദൃശ്ചികത മാത്രം. കൈതപ്രം- ജോണ്‍സണ്‍ മാഷ്- യേശുദാസ് കൂട്ടുകെട്ടില്‍ പിറന്ന "ദേവാങ്കണങ്ങള്‍ കയ്യൊഴിഞ്ഞ താരക"വുമായാണ് ഹരി എത്തുന്നത്.


നോര്‍ത്ത് വെയില്‍സിലെ പ്രസിദ്ധമായ സ്നോഡോണിയയില്‍ നിന്നും എത്തുന്ന ശോഭ ആന്‍ ജോര്‍ജ് ആണ് ഈ എപ്പിസോഡിലെ അവസാന ഗായിക. യു എ ഇ യില്‍ വിദ്യാഭ്യാസം പൂര്‍ത്തിയാക്കി യു.കെ.യിലെത്തിയ ശോഭ എന്‍ എച്ച എസ്സില്‍ പ്രൊജക്റ്റ് ഓഫീസര്‍ ആയി ജോലിചെയ്യുന്നതിനോടൊപ്പം തന്റെ സംഗീത സ്വപ്നങ്ങളെയും താലോലിക്കുന്നു. ജ്യോത്സന ആലപിച്ച "സുഖമാണീ നിലാവ്" എന്ന ഹൃദയഹാരിയായ ഗാനവുമായാണ് ശോഭ എത്തുന്നത്.

എല്ലാ വെള്ളിയാഴ്ചകളിലും ഗര്‍ഷോം ടി വി യില്‍ സംപ്രേക്ഷണം ചെയ്യുന്ന സ്റ്റാര്‍സിംഗര്‍ 3 യുടെ ഓരോ പുതിയ എപ്പിസോഡുകളുമാണ് തുടര്‍ന്നുവരുന്ന ആഴ്ചകളില്‍ യൂട്യൂബ് ലിങ്ക് സഹിതം വാര്‍ത്തയായി വരുന്നത്.
താഴെ കൊടുത്തിരിക്കുന്ന യൂട്യൂബ് ലിങ്കിലൂടെ സ്റ്റാര്‍സിംഗര്‍ 3 യുടെ പുതിയ എപ്പിസോഡ് കാണുക

https://www.youtube.com/watch?v=6jSqcDyH5Pk&feature=youtu.be

  • യുവാവിന് കൈത്താങ്ങായി ലണ്ടന്‍ യാക്കോബിറ്റ് ചര്‍ച്ച്
  • യുക്മ സ്റ്റാര്‍സിംഗര്‍ 3 - അഞ്ചാം എപ്പിസോഡില്‍ പാടുന്നത് ആനന്ദ്, രചന, ജിജോ
  • ആഷ്‌ഫോര്‍ഡുകാര്‍ 13-ാമത് ക്രിസ്തുമസ് പുതുവത്സര ആഘോഷമായ 'പിറവി' നെഞ്ചിലേറ്റി
  • ബെഡ്‌ഫോര്‍ഡ് മലയാളി അസോസിയേഷന്റെ ക്രിസ്തുമസ് & ന്യൂ ഇയര്‍ ആഘോഷം നാളെ
  • ഹീത്രു മലയാളി അസോസിയേഷന്റെ 'ഉദയം 2018 'മെഗാഷോ അവസാന ഒരുക്കങ്ങളിലേക്ക്
  • യുക്മ യൂത്ത് പ്രൊജക്റ്റിന് തുടക്കം; വിദ്യാര്‍ത്ഥികള്‍ക്കായുള്ള പ്രഥമ കരിയര്‍ ഗൈഡന്‍സ് പ്രോഗ്രാമിന് ആവേശോജ്വലമായ പരിസമാപ്തി
  • സുഗതകുമാരി ടീച്ചറിന്റെ കവിതകളിലൂടെ ഒരു സഞ്ചാരവും ഡോ : പുനത്തില്‍ കുഞ്ഞബ്ദുള്ള അനുസ്മരണവും ലണ്ടനില്‍
  • യുകെകെസിഎ ഹേവാര്‍ഡ്‌സ്ഹീത്ത് & ഹോര്‍ഷം യൂണിറ്റിന് നവനേതൃത്വം; സണ്ണി ലൂക്കാ പ്രസിഡന്റ്, രാജു ലൂക്കോസ് സെക്രട്ടറി
  • മാഞ്ചസ്റ്റര്‍ മലയാളി കള്‍ച്ചറല്‍ അസോസിയേഷന്റെ ക്രിസ്തുമസ് - പുതുവത്സര ആഘോഷങ്ങള്‍ വര്‍ണാഭമായി
  • മാസ്സ് ടോള്‍വര്‍ത്തിന്റെ ക്രിസ്തുമസ് പുതുവത്സര പരിപാടികള്‍ ഗംഭീരമായി
  •  
        © 2012 ukmalayalamnews.com All rights reserved. Powered by Phoenix Infoway