അസോസിയേഷന്‍

സുഗതകുമാരി ടീച്ചറിന്റെ കവിതകളിലൂടെ ഒരു സഞ്ചാരവും ഡോ : പുനത്തില്‍ കുഞ്ഞബ്ദുള്ള അനുസ്മരണവും ലണ്ടനില്‍


പുതുവര്‍ഷത്തിലെ ആദ്യ പരിപാടിയുമായി ലണ്ടനിലുള്ള കലാ സാഹിത്യ കൂട്ടായ്മ 'കട്ടന്‍ കാപ്പിയും കവിത'യും ജനുവരി 14ന് വീണ്ടും ഒത്തുകൂടുന്നു . മലയാളി അസോസിയേഷന്‍ ഓഫ് ദി യു .കെ.' യുടെ ആഭിമുഖ്യത്തില്‍ , ലണ്ടനിലെ മനോപാര്‍ക്കിലുള്ള 'കേരള ഹൗസി'ല്‍ വെച്ച് , രണ്ട് പരിപാടികളുമായിട്ടാണ് , അന്ന് വൈകീട്ട് 5 മണി മുതല്‍ ഇതിനു വേണ്ടി വേദിയൊരുക്കുന്നത് .

ആദ്യം മലയാളത്തിന്റെ പ്രിയ കവിയത്രി സുഗതകുമാരി ടീച്ചറിന്റെ കവിതകളിലൂടെ ഒരു സഞ്ചാരം നടത്തുകയാണ് . മലയാള കവിതയുടെ മുഖ്യധാരയില്‍ വര്‍ത്തിക്കുകയാണെങ്കിലും കവിയത്രി എന്ന നിലയില്‍ മാത്രമല്ല , സുഗതകുമാരി ടീച്ചര്‍ ആദരിക്കപ്പെടുന്നത്‌. ഓരോ മലയാളിയുടെയും നിത്യ ജീവിതത്തില്‍ ഇത്രത്തോളം ഇടപെടുകയും , സ്വാധീനം ചെലുത്തുകയും ചെയ്തിട്ടുള്ള മറ്റൊരാള്‍ ഇല്ല. സുഗതകുമാരി ടീച്ചര്‍ക്ക് എണ്‍പതു വയസ്സാകുമ്പോള്‍ നാമൊരോരുത്തരും അത്‌ ഓര്‍ത്തുവയ്ക്കുന്നതും , ആശംസകള്‍ ചൊരിയുന്നതും അതിനാലാണ്‌. സുഗതകുമാരി ടീച്ചറുടെ കവിതകളെക്കുറിച്ചുള്ള നിങ്ങളുടെ കാഴ്ചപ്പാടുകളും, പഠനങ്ങളും, ഇഷ്ടപ്പെട്ട കവിതകളും, വരികളും ചൊല്ലിയാടാവുന്നതാണ്.


ഈയിടെ നമ്മെ വിട്ട് പോയ മലയാളത്തിന്റെ പ്രിയപ്പെട്ട സാഹിത്യകാരന്‍ ഡോ. പുനത്തില്‍ കുഞ്ഞബ്ദുള്ള അനുസ്‌മരണത്തിനാണ് വേദി പങ്കിടുന്നത് . തന്റെ സമകാലികരായ ആധുനിക സാഹിത്യകാരന്മാരില്‍നിന്നും , സാഹിത്യകാരികളില്‍നിന്നും ദര്‍ശനത്തിലും ആവിഷ്‌കാരരീതിയിലും വ്യത്യസ്തനായിരിക്കുവാന്‍ കുഞ്ഞബ്ദുള്ള എന്ന കുഞ്ഞിക്ക ബോധപൂര്‍വ്വമല്ലാതെ തന്നെ നടത്തിയ സര്‍ഗ്ഗാത്മക സമരമാണ് അദ്ദേഹത്തിന്റെ രചനകളുടെ മൗലികതയ്ക്ക് നിദാനം.

ബഷീറിനെയും മാധവിക്കുട്ടിയെയുംപോലെ ബൗദ്ധികതയേക്കാള്‍ , സഹജാവബോധത്തെ അവലംബിക്കുന്ന ഒരു സര്‍ഗ്ഗാത്മകതയാണത്. ഭാഷയിലും , രൂപശില്‍പ്പത്തിലും , ചിന്തയിലും ഡോ : പുനത്തില്‍ കുഞ്ഞബ്ദുള്ള എന്ന കുഞ്ഞിക്കയുടെ രചനകള്‍ പുലര്‍ത്തുന്ന സാരള്യം മറ്റു പല മലയാളി എഴുത്തുകാരുടെ കൃതികളെ അപേക്ഷിച്ച് ജീവിതത്തെയും , ജീവിത സന്ദര്‍ഭങ്ങളെയും , മനുഷ്യരെയും , പ്രപഞ്ചത്തെയും സംബന്ധിച്ച വലിയ ആഴങ്ങള്‍ സന്നിഹിതമാക്കുന്നവയായിരുന്നു .

മലയാള ഭാഷാ സ്നേഹികളായ ഏവരെയും ഈ പരിപാടിയിലേക്ക് ഭാരവാഹികള്‍ സ്വാഗതം ചെയ്തു.

  • യുവാവിന് കൈത്താങ്ങായി ലണ്ടന്‍ യാക്കോബിറ്റ് ചര്‍ച്ച്
  • യുക്മ സ്റ്റാര്‍സിംഗര്‍ 3 - അഞ്ചാം എപ്പിസോഡില്‍ പാടുന്നത് ആനന്ദ്, രചന, ജിജോ
  • ആഷ്‌ഫോര്‍ഡുകാര്‍ 13-ാമത് ക്രിസ്തുമസ് പുതുവത്സര ആഘോഷമായ 'പിറവി' നെഞ്ചിലേറ്റി
  • ബെഡ്‌ഫോര്‍ഡ് മലയാളി അസോസിയേഷന്റെ ക്രിസ്തുമസ് & ന്യൂ ഇയര്‍ ആഘോഷം നാളെ
  • ഹീത്രു മലയാളി അസോസിയേഷന്റെ 'ഉദയം 2018 'മെഗാഷോ അവസാന ഒരുക്കങ്ങളിലേക്ക്
  • യുക്മ യൂത്ത് പ്രൊജക്റ്റിന് തുടക്കം; വിദ്യാര്‍ത്ഥികള്‍ക്കായുള്ള പ്രഥമ കരിയര്‍ ഗൈഡന്‍സ് പ്രോഗ്രാമിന് ആവേശോജ്വലമായ പരിസമാപ്തി
  • യുകെകെസിഎ ഹേവാര്‍ഡ്‌സ്ഹീത്ത് & ഹോര്‍ഷം യൂണിറ്റിന് നവനേതൃത്വം; സണ്ണി ലൂക്കാ പ്രസിഡന്റ്, രാജു ലൂക്കോസ് സെക്രട്ടറി
  • ഹരിയും കൃപയും ശോഭയും ഗായകരായെത്തുന്ന സ്റ്റാര്‍സിംഗര്‍ 3യുടെ പുതിയ എപ്പിസോഡ് വൈറലാകുന്നു
  • മാഞ്ചസ്റ്റര്‍ മലയാളി കള്‍ച്ചറല്‍ അസോസിയേഷന്റെ ക്രിസ്തുമസ് - പുതുവത്സര ആഘോഷങ്ങള്‍ വര്‍ണാഭമായി
  • മാസ്സ് ടോള്‍വര്‍ത്തിന്റെ ക്രിസ്തുമസ് പുതുവത്സര പരിപാടികള്‍ ഗംഭീരമായി
  •  
        © 2012 ukmalayalamnews.com All rights reserved. Powered by Phoenix Infoway