ആരോഗ്യം

സസ്യാഹാരികള്‍ക്ക് മാംസാഹാരികളേക്കാള്‍ സ്‌ട്രോക്ക് വരാനുള്ള സാധ്യത 20% കൂടുതല്‍


ആധുനിക കാലത്തു ജീവിതരീതിയും ഭക്ഷണശീലവും മനുഷ്യന്റെ ആരോഗ്യത്തെ പ്രതികൂലമായി ബാധിച്ചിട്ടുണ്ട്. ചെറുപ്പക്കാര്‍ പോലും സ്‌ട്രോക്കു മൂലം മരണപ്പെടുന്ന സംഭവങ്ങള്‍ കുതിച്ചുയരുകയാണ്. ആരിലൊരാള്‍ക്കുവീതം സ്‌ട്രോക്ക് വരാനുള്ള സാധ്യതയിലെത്തി നില്‍ക്കുന്നു കാര്യങ്ങള്‍ . ഇപ്പോഴിതാ മറ്റൊരു പഠന റിപ്പോര്‍ട്ടും പുറത്തുവന്നിരിക്കുന്നു. അത് സസ്യാഹാരികള്‍ക്ക് പ്രതികൂലമാണ്. സസ്യാഹാരികള്‍ക്ക് മാംസാഹാരികളേക്കാള്‍ സ്‌ട്രോക്ക് വരാനുള്ള സാധ്യത 20 ശതമാനം കൂടുതല്‍ ആണെന്നതാണത്. വിറ്റാമിനുകളുടെ അളവ് കുറവായതാണ് പ്രധാനകാരണം.


18 വര്‍ഷമായി 50,000 ത്തോളം ആളുകളില്‍ ഓക്സ്ഫോര്‍ഡ് സര്‍വകലാശാല ശാസ്ത്രജ്ഞര്‍ നടത്തിയ പഠനത്തില്‍ , വിറ്റാമിനുകളുടെ അളവ് കുറവായതിനാല്‍ അധിക അപകടസാധ്യതയുണ്ടാകുമെന്ന് പറയുന്നു. കൊളസ്‌ട്രോള്‍ , ഹൃദയ സംബന്ധമായ അസുഖങ്ങള്‍ എന്നിവയ്ക്ക് സസ്യാഹാരം ഉത്തമം ആണെങ്കിലും സ്‌ട്രോക്കിന് അത് വിപരീത ഫലമാണ് സൃഷ്ടിക്കുന്നത്.

ഇത് 10 വര്‍ഷത്തിലധികമായി ആയിരം പേര്‍ക്ക് മൂന്ന് സ്ട്രോക്ക് കേസുകള്‍ക്ക് തുല്യമാണ്, Haemorrhage അഥവാ തലച്ചോറിലെ ധമനികള്‍ പൊട്ടുന്നത്അപകടം ഉണ്ടാക്കുന്നു. പഠനത്തിലെ സസ്യാഹാരികള്‍ക്കു കൊളസ്ട്രോള്‍ കുറവാണെന്നും അതുപോലെ വിറ്റാമിന്‍ ബി 12 പോലുള്ള കീ വിറ്റാമിനുകളുടെ അളവും കുറവാണെന്നും ഗവേഷകര്‍ പറഞ്ഞു.


പൊണ്ണത്തടി, കൊളസ്‌ട്രോള്‍ എന്നിവയൊക്കെ മൂലം മാംസ രഹിത ഭക്ഷണത്തിന്റെ ജനപ്രീതിയുകെയില്‍ വര്‍ദ്ധിച്ചുകൊണ്ടിരിക്കുകയാണ്, രാജ്യത്തു ഏകദേശം 1.7 ദശലക്ഷം ആളുകള്‍ ഇപ്പോള്‍ മാംസം ഒഴിവാക്കുന്നു.എന്നിരുന്നാലും, മാംസം ഒഴിവാക്കുന്നവര്‍ക്ക് കൊറോണറി ഹൃദ്രോഗത്തിന്റെ അളവ് വളരെ കുറവാണ്

ബ്രിട്ടീഷ് മെഡിക്കല്‍ ജേണലില്‍ ഗവേഷകര്‍ ഇങ്ങനെ എഴുതുന്നു: 'മൊത്തത്തില്‍, മല്‍സ്യം ഉപയോഗിക്കുന്നവരോ സസ്യഭുക്കുകളോ ആയ യുകെയിലെ മുതിര്‍ന്നവര്‍ക്ക് ഇറച്ചി കഴിക്കുന്നവരേക്കാള്‍ ഹൃദ്രോഗ സാധ്യത കുറവാണ്. സസ്യാഹാരികള്‍ക്ക് ഹൃദ്രോഗ സാധ്യത 22 ശതമാനം കുറവാണെന്ന് കണ്ടെത്തി - അതായത് ഒരു ദശകത്തിനിടെ ആയിരം പേര്‍ക്ക് 10 കേസുകള്‍ കുറവാണ്. എന്നാല്‍ വെജിറ്റേറിയന്‍മാര്‍ക്ക് പകരം സ്ട്രോക്ക് സാധ്യത കൂടുതലാണെന്നും കണ്ടെത്തി.

മാംസം ഒഴിവാക്കുകയും മത്സ്യം കഴിക്കുകയും ചെയ്യുന്നവര്‍ക്ക് 13 ശതമാനം ഹൃദ്രോഗ സാധ്യത കുറവാണ്. ശരാശരി 45 വയസുള്ള 48,188 ആളുകളുടെ ഡാറ്റയാണ് പഠനം പരിശോധിച്ചത്. 18 വര്‍ഷത്തെ ഫോളോ-അപ്പില്‍ 2,820 ഹൃദ്രോഗ കേസുകളും 1,072 സ്‌ട്രോക്കും ഉണ്ടായി.

ആഹാര രീതികളില്‍ ആളുകള്‍ വലിയ ശ്രദ്ധ ചെലുത്തേണ്ട സമയം അതിക്രമിച്ചെന്നാണ് പഠനം മുന്നറിയിപ്പേകുന്നത്.

  • ഡെങ്കിപ്പനി കോവിഡിനെതിരെ പ്രതിരോധശേഷി നല്‍കുമെന്ന് പഠനം
  • കോവിഡ് ബാധ; ആഗോളമായി സ്ലീപ്പിങ് സിക്ക്‌നെസ് ഉണ്ടായേക്കുമെന്ന് ഗവേഷകര്‍
  • ലോക്ക്ഡൗണ്‍ : 70 ലക്ഷം സ്ത്രീകള്‍ ആഗ്രഹിക്കാതെ ഗര്‍ഭിണികളാവുമെന്നു റിപ്പോര്‍ട്ട്
  • പുതിയ കൊറോണ വൈറസ് കണ്ടെത്തി; ലോകമെങ്ങും പടരുമെന്ന് ആശങ്ക
  • ബ്രിട്ടനില്‍ ലിവര്‍ കാന്‍സര്‍ മൂലമുള്ള മരണം 50% കൂടി; കാരണങ്ങള്‍ നിരത്തി കാന്‍സര്‍ റിസേര്‍ച്ച് യുകെ
  • ബസുകളില്‍ സ്നാക്സ് നിരോധനം, എല്ലാ ജങ്ക് ഫുഡിനും അധിക നികുതി- കുട്ടികളിലെ പൊണ്ണത്തടിക്കെതിരെ ശക്തമായ നടപടികള്‍
  • കൂള്‍ഡ്രിങ്ക്സില്‍ വിജയം; ഇനി എല്ലാത്തരം മധുര പലഹാരങ്ങള്‍ക്കും ഷുഗര്‍ടാക്‌സ് ഏര്‍പ്പെടുത്താന്‍ നിര്‍ദ്ദേശം
  • യുകെയിലെ യുവാക്കളില്‍ പ്രമേഹം പകര്‍ച്ചവ്യാധിപോലെ പടരുന്നു; മുന്നറിയിപ്പുമായി ആരോഗ്യവകുപ്പ്
  • സ്ഥിതി ആശങ്കാജനകം: ഇംഗ്ലണ്ടിലെ സ്കൂളുകള്‍ ഷുഗര്‍ ഫ്രീയാക്കണമെന്ന് ദന്തല്‍ സര്‍ജന്മാര്‍
  • യുകെ ജനതയുടെ പൊണ്ണത്തടി ഒതുക്കാന്‍ ഷുഗര്‍ ടാക്‌സിനു പിന്നാലെ ഫാറ്റ് ടാക്‌സും
  •  
        © 2020 ukmalayalamnews.com All rights reserved. Powered by Phoenix Infoway