ഇന്റര്‍വ്യൂ

കത്തോലിക്കാ സമൂഹത്തില്‍ സഹോദര സ്നേഹം കുറഞ്ഞു , സ്വാര്‍ത്ഥത വളര്‍ന്നു- ആര്‍ച്ച് ബിഷപ്പ് ജോര്‍ജ് വലിയമറ്റം

ജര്‍മനി ,റോം എന്നിവിടങ്ങളിലെ സന്ദര്‍ശനത്തിന്റെ ഭാഗമായി യുകെയിലെ ലിവര്‍പൂള്‍ ബെര്‍കിങ്ഹെഡില്‍ താമസിക്കുന്ന കോടഞ്ചേരി സ്വദേശി ആന്റോ ജോസിന്റെ വീട്ടില്‍ എത്തിയപ്പോളാണ് 'കുടിയറ്റക്കാരുടെ ബിഷപ്പ്' എന്നനാമത്തില്‍ അറിയപ്പെടുന്ന ആര്‍ച്ചു ബിഷപ്പ് ജോര്‍ജ് വലിയമറ്റത്തെ കാണാന്‍ അവസരം ലഭിച്ചത് . പള്ളിയില്‍ നടന്ന ബിഷപ്പിന്റെ കുര്‍ബാനയ്ക്കു ശേഷം ബെര്‍കിങ്ഹെഡ് കത്തോലിക്ക സമൂഹം നല്‍കിയ സ്വികരണം ഏറ്റുവാങ്ങി ബന്ധു കൂടിയായ സുഹൃത്ത് ആന്റോയുടെ വീട്ടില്‍ വിശ്രമിക്കുന്ന സമയത്താണ് എനിക്ക് അദ്ദേഹത്തോട് സംസാരിക്കാന്‍ അവസരം ലഭിച്ചത് .

കത്തോലിക്ക സഭയില്‍ ഇന്നു വളര്‍ന്നു വരുന്ന തിന്മകളുടെ കാരണം?
എല്ലാത്തിനും ഉപരിയായി നിന്റെ കര്‍ത്താവായ ദൈവത്തെ ബഹുമാനിക്കുക ,നിന്നെപ്പോലെ നിന്റെ അയക്കാരനെയും സ്നേഹിക്കുക എന്ന അടിസ്ഥാന മൂല്യങ്ങളില്‍ നിന്നു വ്യതിചലിച്ചു സ്വാര്‍ത്ഥതയിലേക്ക് നിലംപതിച്ചതുകൊണ്ടാണ് ഇത്തരം പ്രശ്നങ്ങള്‍ ഉണ്ടായിക്കൊണ്ടിരിക്കുന്നത്. ഇതിനെയൊക്കെ അതിജീവിച്ചു സഭ ആതുരസേവനരഗത്തും കരുണയുടെ തലത്തിലും മുന്നേറേണ്ടതുണ്ട് . സഭയെ വിമര്‍ശിക്കുന്നവര്‍ ഒന്നുമനസിലാക്കണം ക്രിസ്റ്റ്യന്‍ സമൂഹമാണ് ഇന്നുകാണുന്ന എല്ലാ വികാസത്തിനും യൂറോപ്പില്‍ നേതൃത്വ൦ വഹിച്ചത്. ഇന്നു യൂറോപ്പില്‍ സഭ തകര്‍ന്നതിന്റെ കാരണം ശരിയായ ആത്മീയ പഠനം നടപ്പില്‍ വരുത്തുന്നതില്‍ വന്ന പരാജയമാണെന്ന് അദ്ദേഹം ചൂണ്ടിക്കാട്ടി .

'കുടിയേറ്റക്കാരുടെ ബിഷപ്പ്' എന്നനിലയില്‍ ആണെല്ലോ അങ്ങ് അറിയപ്പെടുന്നത്.അങ്ങേക്ക് എന്ത് സംഭാവനയാണ് കുടിയേറ്റക്കാര്‍ക്ക് വേണ്ടി ചെയ്യാന്‍ കഴിഞ്ഞത്?

ഞാന്‍ സെബാസ്റ്റിയന്‍ വള്ളോപ്പിള്ളി പിതാവിനെ തുടര്‍ന്നാണല്ലോ ബിഷപ്പായി വരുന്നത്. അദ്ദേഹത്തിന്റെ കാലത്തു തന്നെ തലശേരി രൂപത ഒട്ടേറെ സ്കൂളുകള്‍ക്കും കോളേജുകള്‍ക്കും തുടക്കം കുറിച്ചിരുന്നു. വിദ്യഭ്യാസ മേഖലയില്‍ സഭയില്‍ ഉണ്ടായ വളര്‍ച്ച മലബാറിലെ മുഴുവന്‍ വളര്‍ച്ചയായി മാറിയിരുന്നു. വള്ളോപ്പിള്ളി പിതാവ് തുടങ്ങിവച്ച വിശ്വാസരൂപീകരണം ശക്തമായി മുന്‍പോട്ടു കൊണ്ടുപോകാന്‍ ഞാന്‍ ശ്രമിച്ചു. അതില്‍ വിജയിച്ചു എന്നാണ് ഞാന്‍ വിശ്വസിക്കുന്നത് .

അങ്ങയുടെ സംഭവ ബഹുലമായ ജീവിതത്തില്‍ ഏറ്റവും വലിയ സാമൂഹിക പ്രവര്‍ത്തമായി കാണുന്നത് എന്താണ്?

1992 ല്‍ നടന്ന വലിയൊരു കര്‍ഷക സമരത്തിനു നേതൃത്വം കൊടുത്തു എന്നതാണ് ഏറ്റവും വലിയ നേട്ടം. അന്ന് കര്‍ഷകര്‍ വളരെ കഷ്ട്ടപ്പെടുന്ന കാലം ആയിരുന്നു. ഒന്നിനും വിലയില്ലാത്ത കാലം. അന്ന് കണ്ണൂരില്‍ നടത്തിയ ഒരു വലിയ കര്‍ഷമാര്‍ച്ചിലൂടെ സര്‍ക്കാരിന്റെ കണ്ണുതുറപ്പിക്കാന്‍ കഴിഞ്ഞു. അത്തരം ഒരു സമരം നടത്തേണ്ട സമയമാണിത്. കാരണം കര്‍ഷകര്‍ ഇന്നു കടുത്ത ദുരിതത്തിലാണ്. ഒന്നിനും വിലയില്ലാത്ത കാലം. കൂടതെ പ്രകൃതി ദുരന്തങ്ങളും കര്‍ഷകരുടെ ജീവിതം തകര്‍ത്തു . ലോകത്തു വിദ്യാഭ്യാസത്തിനും കാര്‍ഷിക വൃത്തിക്കും വലിയ സംഭാവനയാണ് സഭ നല്‍കിയത്. ആദ്യകാല മിഷനറിമാര്‍ ആല്‍മിയ പ്രവര്‍ത്തനത്തോടൊപ്പം കൃഷിയും നടത്തിയിരുന്നു പ്രാര്‍ത്ഥനയും കാര്‍ഷികവൃത്തിയുമായിരുന്നു അവരുടെ പ്രധാന പ്രവര്‍ത്തനമേഖല

ഏതെങ്കിലും രാഷ്ട്രീയക്കാരെ മനസുകൊണ്ട് ഇഷ്ട്ടപ്പെട്ടിട്ടുണ്ടോ ?
എനിക്ക് പൊതുവെ രാഷ്ട്രിയക്കാരുമായി വലിയ അടുപ്പമില്ല. പി ജെ ജോസഫ് വിദ്യാഭ്യാസമന്ത്രി ആയിരുന്ന കാലത്താണ് സഭക്ക് വലിയ നേട്ടങ്ങള്‍ ഉണ്ടായത്. കോടിയേരി ബാലകൃഷ്ണനുമായി നല്ല ബന്ധമാണ് .

എന്താണ് യു കെ മലയാളികളോട് പറയാനുള്ളത്?
ദൈവ വിശ്വാസത്തില്‍ മുന്‍പോട്ടു പോകുക. മക്കളെ വിശ്വാസത്തില്‍ വളര്‍ത്തുക .

പിതാവിനുള്ള സ്വീകരണത്തിനു ,റോയ് ജോസഫ് ,ജോര്‍ജ് ജോസഫ് ,ഷിബു മാത്യു ,സജി ജോണ്‍ ,ജിനോയ് മാടന്‍ ,ജോസഫ് കിഴക്കേകൂറ്റ്‌ ,ബാബു മാത്യു എന്നിവര്‍ നേതൃത്വം കൊടുത്തു . എല്ലാവര്‍ക്കും സ്നേഹ വിരുന്നും സംഘാടകര്‍ ഒരുക്കിയിരുന്നു

1938 ല്‍ കോട്ടയം പുന്നത്തറയിലാണ് ആര്‍ച്ചു ബിഷപ്പ് ജോര്‍ജ് വലിയമാറ്റം ജനിച്ചത്. 1949 ല്‍ കോഴിക്കോട് കോടഞ്ചേരിയിലേക്കു കുടിയേറി. 1963ല്‍ വൈദികനായി. 1989 ല്‍ തലശേരി രൂപതയുടെ മെത്രാനായി. 1995 ല്‍ ആര്‍ച്ചു ബിഷപ്പ് ആയി. 2014 ല്‍ സ്ഥാനമാനങ്ങള്‍ ഒഴിഞ്ഞു വിശ്രമം ജീവിതം നയിക്കുന്ന വളരെ വലിയ ചരിത്രകാലത്തുകൂടി നടന്നുനീങ്ങിയ ഒരു വ്യക്തിത്വമാണ് അദ്ദേഹത്തിന്റേത്.

  • പൊറിഞ്ചു ഞാനായതിന്റെ പേരില്‍ അഭിനയിക്കാതിരുന്നവരുമുണ്ട്- ജോജു ജോര്‍ജ്
  • റോയല്‍ ഗെറ്റപ്പില്‍ ഭാവന !
  • ഗ്ലാമര്‍ ലുക്കില്‍ മാത്രം പ്രത്യക്ഷപ്പെട്ട കസ്തൂരിയുടെ പുതിയ വേഷം കണ്ട് ആരാധകര്‍ ഞെട്ടി !
  • സഹിക്കാവുന്നതിനപ്പുറം സഹിച്ചു; പൊട്ടിത്തെറിച്ച് റിമിടോമിയുടെ ഭര്‍ത്താവ്
  • വീട് ജപ്തി ചെയ്തിട്ടില്ല, വാര്‍ത്തകള്‍ മാനസിക സംഘര്‍ഷമുണ്ടാക്കുന്നു- ശാലു മേനോന്‍
  • ജയിലില്‍ ആരെങ്കിലും സന്ദര്‍ശിക്കാന്‍ എത്തിയിരുന്നെങ്കിലെന്ന് കൊതിച്ചിട്ടുണ്ട്- അറ്റ്‌ലസ് രാമചന്ദ്രന്‍
  • രാഷ്ട്രീയത്തില്‍ തൊട്ടുകൂടായ്മയുണ്ടെന്ന് ഞാന്‍ വിശ്വസിക്കുന്നില്ല- കെ എം മാണി
  • ലിപ്‌ലോക്ക് അഭിനയിച്ചാല്‍ അച്ഛനും അമ്മയും എന്തു പറയും എന്നു ചിന്തിച്ചിരുന്നു- ഐശ്വര്യ ലക്ഷ്മി
  • എന്റെ ഒരു ദിവസവും അടുത്ത ദിവസവും തമ്മില്‍ ഒരു സാമ്യവും ഉണ്ടായിരിക്കില്ല- ലെന
  • കുട്ടിക്കാലം മുതലേ ഞാനും ലാലേട്ടന്റെ ആരാധിക - മഞ്ജുവാര്യര്‍
  •  
        © 2020 ukmalayalamnews.com All rights reserved. Powered by Phoenix Infoway