ഇമിഗ്രേഷന്‍

നഴ്‌സുമാര്‍ക്കും പ്രൊഫഷനലുകള്‍ക്കും തിരിച്ചടിയായി യുകെയിലെ ഉയര്‍ന്ന വിസാ ഫീസ്

ഇമിഗ്രേഷന്‍ നയങ്ങളില്‍ പൊളിച്ചെഴുത്തു നടത്തി സ്കില്‍ഡ് ജോബുകള്‍ക്കു വിസ നല്‍കുമെന്ന പ്രഖ്യാപനം ഉണ്ടെങ്കിലും യുകെയിലെ ഉയര്‍ന്ന വിസാ ഫീസ് വലിയ തിരിച്ചടിയാണ്. വിസാ ഫീസ് നിലവില്‍ ലോകത്ത് ഏറ്റവും കൂടുതല്‍ ഇവിടെയാണ്. ഇത് സ്കില്‍ഡ് ജോബുകളില്‍ താത്പര്യമുള്ളവര്‍ക്ക് വന്‍ സാമ്പത്തിക ബാധ്യത ഉണ്ടാക്കും. ഷോര്‍ട്ടേജ് ഒക്കുപ്പേഷന്‍ ലിസ്റ്റിലുള്ള വിസയ്ക്ക് 900 പൗണ്ടും അല്ലാത്തവയ്ക്ക് 1,220 പൗണ്ട് വരെയും നല്കണം. ഇതിനു പുറമേയാണ് എന്‍എച്ച്എസ് സര്‍ചാര്‍ജും. നഴ്‌സുമാര്‍ , ലാബ് ടെക്‌നീഷ്യന്‍സ്, എഞ്ചിനീയര്‍മാര്‍ , ടെക്കികള്‍ എന്നിവര്‍ക്കെല്ലാം തിരിച്ചടിയാണിത്.

കാനഡയില്‍ അഞ്ചു പേരടങ്ങുന്ന കുടുംബത്തിന് അഞ്ചു വര്‍ഷത്തെ വര്‍ക്ക് വിസയ്ക്ക് നല്കേണ്ടതിന്റെ 30 ഇരട്ടി യുകെയില്‍ നല്കണം. യുകെയില്‍ അഞ്ചു പേരടങ്ങുന്ന ഒരു കുടുംബത്തിന് നല്‍കേണ്ടി വരുന്നത് 21,299 പൗണ്ടാണ്. ഇത് ബ്രിട്ടണില്‍ പ്രവേശിക്കുന്നതിനു മുമ്പ് തന്നെ മുഴുവനായും അടയ്ക്കണം. ഇതില്‍ ഹെല്‍ത്ത് സര്‍ചാര്‍ജായ 400 പൗണ്ടും ഉള്‍പ്പെടും. ഇത് കുടുംബത്തിലെ ഓരോ വ്യക്തിയും ഓരോ വര്‍ഷം അടയ്ക്കേണ്ട തുകയാണ്. ഓസ്ട്രേലിയയില്‍ ഈടാക്കുന്നതിന്റെ രണ്ടിരട്ടി നിരക്കാണിത്. അവിടെ അഞ്ചു വര്‍ഷത്തേയ്ക്ക് 10,000 പൗണ്ട് ഫീസ് നല്കിയാല്‍ മതി. ജര്‍മ്മനിയില്‍ അഞ്ചു വര്‍ഷത്തേയ്ക്ക് 756 പൗണ്ട് മതി.

ഒരാള്‍ക്ക് അഞ്ചു വര്‍ഷത്തെ വിസയ്ക്ക് യുകെയില്‍ എത്തണമെങ്കില്‍ 3,220 പൗണ്ട് വേണ്ടി വരും. പങ്കാളിയെ കൂടെ കൊണ്ടുവരണമെങ്കില്‍ ഫീസ് 6,500 പൗണ്ടാവും. യൂറോപ്യന്‍ യൂണിയനില്‍ നിന്ന് 2021 ജനുവരി 1 മുതല്‍ ബ്രിട്ടണില്‍ ജോലിയ്ക്കെത്തുന്ന ഒരു വ്യക്തി കുറഞ്ഞ് 1,620 പൗണ്ട് വിസയ്ക്കും 400 പൗണ്ട് ഹെല്‍ത്ത് സര്‍ചാര്‍ജും വര്‍ഷം നല്കണം.

പുതിയ ത്രെഷോള്‍ഡ് സാലറി നഴ്സുമാരടക്കമുള്ളവര്‍ക്ക് താഴ്ത്തിയിട്ടുള്ള സാഹചര്യത്തില്‍ ഇത്രയും ഉയര്‍ന്ന വിസാ നിരക്കുകള്‍ നിലവിലുള്ളത് വലിയ ബാധ്യതയാണ്. പാര്‍ലമെന്റില്‍ വേണ്ടത്ര ചര്‍ച്ച ചെയ്യാതെയാണ് വിസാ നിരക്കുകള്‍ വര്‍ദ്ധിപ്പിച്ചിരിക്കുന്നതെന്ന് ഇമിഗ്രേഷന്‍ തിങ്ക് ടാങ്ക് അഭിപ്രായപ്പെട്ടു.

  • ബ്രക്‌സിറ്റിന് ശേഷമുള്ള പുതിയ ഇമിഗ്രേഷന്‍ സംവിധാനം അടുത്തയാഴ്ച മുതല്‍
  • യുകെയിലെ പോസ്റ്റ്-ബ്രക്സിറ്റ് സമ്പ്രദായത്തിലെ വിസ നടപടികള്‍ തുടങ്ങുന്നു; മാറ്റം എങ്ങനെയൊക്കെ?
  • പ്രവാസികള്‍ക്ക് ഇപ്പോള്‍ നാട്ടിലേക്ക് വരേണ്ട; വന്ദേ ഭാരത് അഞ്ചാം ഘട്ടത്തില്‍ യാത്രക്കാരില്ല
  • പോയിന്റ് ബേസ്ഡ് ഇമിഗ്രേഷന്‍ സിസ്റ്റം പുനഃപരിശോധിക്കണമെന്ന് ആവശ്യം; ഇന്ത്യക്കാരെ സൂക്ഷിക്കണമെന്നും മുന്നറിയിപ്പ്
  • കൊറോണ മൂലം ബ്രിട്ടനില്‍ പാസ്‌പോര്‍ട്ട് നടപടികള്‍ താറുമാറായി ; കെട്ടിക്കിടക്കുന്നത് നാല് ലക്ഷം അപേക്ഷകള്‍
  • യുകെയിലെത്താന്‍ സാധിക്കാത്തവരുടെ വിസ മേയ് 31 വരെ ദീര്‍ഘിപ്പിക്കും, മലയാളികള്‍ക്ക് ആശ്വാസം
  • കഴിഞ്ഞവര്‍ഷം യുകെ സ്റ്റഡി വിസ ലഭിച്ചത് 37500 ഇന്ത്യന്‍ വിദ്യാര്‍ത്ഥികള്‍ക്ക്
  • ലോ സ്‌കില്‍ഡ്കാര്‍ക്ക് വിസയില്ല; 25600 പൗണ്ട് ജോബ് ഓഫര്‍ ഉള്ളവര്‍ക്ക് വിസ, പുതിയ ഇമിഗ്രേഷന്‍ പോയിന്റുകള്‍ ഇങ്ങനെ ...
  • മിനിമം 23000 പൗണ്ട് വാര്‍ഷിക ശമ്പളം; ഇയുവിന് പുറത്ത് 25600 പൗണ്ട്, യുകെയില്‍ പഠിച്ചവര്‍ക്ക് നേട്ടം- പുതിയ ഇമിഗ്രേഷന്‍ സംവിധാനം ഇപ്രകാരം
  • പുതിയ കുടിയേറ്റ നിയമത്തിലെ കാര്യങ്ങള്‍ അറിയാം
  •  
        © 2020 ukmalayalamnews.com All rights reserved. Powered by Phoenix Infoway