യു.കെ.വാര്‍ത്തകള്‍

കൊറോണാ സമയത്തും യുകെയില്‍ കൊലപാതക പരമ്പര; 9 പേര്‍ കൊല്ലപ്പെട്ടു

ലണ്ടന്‍ : രാജ്യം കൊറോണ ഭീതിയിലമരുമ്പോഴും ക്വാറന്റൈന്‍ രണ്ടാമത്തെ ആഴ്ചയില്‍ കടന്നപ്പോഴേക്കും ശമനമില്ലാതെ കൊലപാതക പരമ്പര. വിവിധ കൊലപാതകങ്ങളിലായി ഒന്‍പത് പേരാണ് കൊല്ലപ്പെട്ടത്. സസെക്‌സില്‍ നാലംഗ കുടുംബവും കൊല്ലപ്പെട്ടപ്പോള്‍ സൗത്ത് വെയില്‍സില്‍ ഭാര്യയെ കൊലപ്പെടുത്തിയ ഭര്‍ത്താവിനെതിരെ കൊലപാതക കുറ്റം ചുമത്തി. സൗത്ത് യോര്‍ക്ക്ഷയറില്‍ എന്‍എച്ച്എസ് നഴ്‌സ് കുത്തേറ്റാണ് മരിച്ചത്. ഇതിന് പുറമെ ഹെര്‍ട്ട്‌ഫോര്‍ഡ്ഷയറില്‍ കൊലപാതക-ആത്മഹത്യകളില്‍ മൂന്ന് പേരും മരിച്ചു.

കൊറോണാവൈറസിനെ നേരിടാന്‍ ലോക്ക്ഡൗണില്‍ ആയതോടെ ബ്രിട്ടനില്‍ ജനങ്ങള്‍ വീടുകളില്‍ ഇരിക്കുമ്പോഴാണ് ഈ കൊലപാതകങ്ങള്‍. സസെക്‌സ് വുഡ്മാന്‍കോട്ടിലെ വീട്ടില്‍ ഞായറാഴ്ച വൈകുന്നേരമാണ് രണ്ട് മുതിര്‍ന്നവരെയും, രണ്ട് കുട്ടികളും മരിച്ച നിലയില്‍ കണ്ടെത്തിയത്. ഒരു കുടുംബത്തിലെ നാല് അംഗങ്ങളാണ് മരിച്ചതെന്ന് പോലീസ് കരുതുന്നു. ഇവരുടെ വീട്ടിലെ നായയും ചത്തു .

സൗത്ത് വെയില്‍സില്‍ സെല്‍ഫ് ഐസൊലേഷനിലായിരുന്ന ഭാര്യയെയാണ് 69-കാരനായ ആന്റണി വില്ല്യംസ് കൊലപ്പെടുത്തിയത്. കേസില്‍ ഇയാളെ കോടതിയില്‍ ഹാജരാക്കി. പരുക്കേറ്റ നിലയില്‍ കണ്ടെത്തിയ ഭാര്യ റൂത്തിനെ ആശുപത്രിയില്‍ എത്തിച്ചെങ്കിലും ഇവര്‍ മരിച്ചു. 45 വര്‍ഷക്കാലമായി ഒരുമിച്ച് കഴിയുന്ന ദമ്പതികള്‍ ഏറെ സ്‌നേഹത്തോടെ കഴിഞ്ഞ് വന്നിരുന്നതാണെന്ന് അയല്‍ക്കാര്‍ പറഞ്ഞു. എന്നാല്‍ കാര്‍ഡിഫ് മജിസ്‌ട്രേറ്റ്‌സ് കോടതിയില്‍ ഹാജരാക്കിയ വില്ല്യംസ് കൊലപാതക കുറ്റം നിഷേധിച്ചു. ഇയാളെ ഡിസ്ട്രിക്ട് ജഡ്ജ് കസ്റ്റഡിയില്‍ റിമാന്‍ഡ് ചെയ്തു.

സൗത്ത് യോര്‍ക്ക്ഷയറില്‍ മൂന്ന് മക്കളുടെ അമ്മയായ എന്‍എച്ച്എസ് നഴ്‌സാണ് നിരവധി കുത്തുകളേറ്റ് മരിച്ചത്. ബാണ്‍സ്ലി മിഡില്‍ക്ലിഫിലെ ഇവരുടെ വീടിന് പുറത്തുവെച്ചാണ് അക്രമം. ഇവരുടെ ഭര്‍ത്താവ് ക്രെയ്ഗ് വുഡ്ഹാളിനെയാണ് പോലീസ് പിന്നീട് അറസ്റ്റ് ചെയ്തത്. മുന്‍ സൈനികനായ ക്രെയ്ഗ് ഏഴ് മാസം മുന്‍പാണ് നഴ്‌സിനെ വിവാഹം ചെയ്തത്. ഇയാളെ ചോദ്യം ചെയ്ത് വരികയാണ്. നിരവധി പ്രദേശവാസികള്‍ നോക്കിനില്‍ക്കവെയാണ് ഞായറാഴ്ച വൈകുന്നേരം നഴ്‌സിനെ കൊലപ്പെടുത്തിയത്. റോത്തര്‍ഹാം ജനറല്‍ ഹോസ്പിറ്റല്‍ നഴ്‌സായ വുഡ്ഹാളിനെ രക്ഷിക്കാന്‍ പോലീസും, പാരാമെഡിക്കുകളും, യോര്‍ക്ക്ഷയര്‍ എയര്‍ ആംബുലന്‍സും സ്ഥലത്തെത്തിയെങ്കിലും ഫലമുണ്ടായില്ല.

ഹെമെല്‍ ഹെംപ്‌സ്റ്റെഡില്‍ 57-കാരന്‍ ഗാരി വാക്കര്‍, ഭാര്യ 50-കാരി കരോളിന്‍, 24-കാരിയായ മകള്‍ കാറ്റി എന്നിവരെയാണ് മറ്റൊരു സംഭവത്തില്‍ മരിച്ച നിലയില്‍ കണ്ടെത്തിയത്. കൊലപാതകം നടത്തിയ ശേഷം ആത്മഹത്യ ചെയ്തതാണെന്നാണ് അന്വേഷണ ഉദ്യോഗസ്ഥര്‍ സംശയിക്കുന്നത്.

  • മഞ്ഞുവീഴ്ച: ആംബുലന്‍സ് സര്‍വീസുകളും കോവിഡ് വാക്‌സിന്‍ സേവനവും തടസപ്പെട്ടു
  • യുകെയിലെ സ്‌കൂള്‍ വിദ്യാര്‍ത്ഥികള്‍ക്കിടയില്‍ വ്യാപക കോവിഡ് ടെസ്റ്റിംഗ് നടത്താനുള്ള സര്‍ക്കാര്‍ പദ്ധതി അനിശ്ചിതത്വത്തില്‍
  • യുകെയില്‍ കോവിഡ് ആര്‍ നിരക്ക് 0.6ലേക്ക് താഴ്ന്നു; ലോക്ക്ഡൗണ്‍ കടുപ്പിക്കില്ല, ഇന്നലെ 1248 മരണങ്ങള്‍ കൂടി
  • യുകെയില്‍ കനത്ത മഞ്ഞുവീഴ്ച; റോഡില്‍ വാഹനവുമായി ഇറങ്ങുന്നവര്‍ ജാഗ്രത പാലിക്കുക
  • ഇംഗ്ലണ്ടിലെ ഹൈസ്ട്രീറ്റ് ഫാര്‍മസികളും കോവിഡ് വാക്‌സിനേഷന്‍ ആരംഭിക്കുന്നു
  • യുകെ പ്രവേശനത്തിന് കോവിഡ് നെഗറ്റീവ് സര്‍ട്ടിഫിക്കറ്റ് തിങ്കളാഴ്ച മുതല്‍ മതി
  • പുതിയ കോവിഡ് വൈറസ്: ബ്രസീലില്‍ നിന്നുമുള്ള വിമാന സര്‍വീസുകള്‍ റദ്ദാക്കി യുകെ
  • യുകെയില്‍ ഒറ്റദിവസം കോവിഡ് മൂലം പൊലിഞ്ഞത് 1564 ജീവനുകള്‍; ആശുപത്രികള്‍ കടുത്ത സമ്മര്‍ദ്ദത്തില്‍
  • മാസ്‌ക് ധരിക്കാതെ പൊതുഗതാഗതത്തിലും സൂപ്പര്‍മാര്‍ക്കറ്റുകളിലും എത്തരുത്; കര്‍ശന നിയന്ത്രണങ്ങളുമായി പോലീസ്
  • വാക്‌സിനേഷന്‍; എന്‍എച്ച്എസ് മേധാവിയെ ശകാരിച്ചു ബോറിസ്; ഫ്രണ്ട്‌ലൈന്‍ ജീവനക്കാരെ ഒഴിവാക്കിയതിലും രോഷം
  •  
        © 2020 ukmalayalamnews.com All rights reserved. Powered by Phoenix Infoway