യു.കെ.വാര്‍ത്തകള്‍

ലോക് ഡൗണിന്റെ ആദ്യ ആഴ്ചകളില്‍ ആശുപത്രികളില്‍ നിന്ന് കൊറോണ പരിശോധന കൂടാതെ കെയര്‍ ഹോമുകളിലേക്ക് തിരിച്ചയച്ചത് 20000 വൃദ്ധരെ

കൊറോണയില്‍ കെയര്‍ ഹോമുകളെ സര്‍ക്കാര്‍ അവഗണിച്ചത് ഗുരുതര വീഴ്ചയായി ആദ്യം മുതല്‍ ചൂണ്ടിക്കാട്ടപ്പെട്ടിരുന്നു. കെയര്‍ ഹോമുകളില്‍ ആയിരങ്ങള്‍ മരണപ്പെട്ടത് കണക്കുകളില്‍ ഇല്ലാത്തതു വലിയ വിമര്‍ശനമാണ് ഉയര്‍ത്തിയത്. ലോക് ഡൗണ്‍ തുടങ്ങിയ ആദ്യ ആഴ്ച ആശുപത്രികളില്‍ നിന്ന് കൊറോണ പരിശോധന നടത്താതെ കെയര്‍ ഹോമുകളിലേക്ക് തിരിച്ചയച്ചത് 20000 വൃദ്ധരെയാണെന്ന ഞെട്ടിക്കുന്ന വിവരം പുറത്തുവന്നിരിക്കുകയാണ്. കോവിഡ് -19 പോസിറ്റീവ് പരീക്ഷിച്ചിട്ടുണ്ടെങ്കിലും.ഏപ്രില്‍ 16 വരെ, സര്‍ക്കാര്‍ മാര്‍ഗ്ഗനിര്‍ദ്ദേശങ്ങള്‍ പ്രകാരം രോഗികളെ കെയര്‍ ഹോമുകളിലേക്ക് വിട്ടയക്കണം എന്നായിരുന്നു.

ഫെബ്രുവരി 25 ന് പുറത്തിറക്കിയ പൊതുജനാരോഗ്യ മാര്‍ഗ്ഗനിര്‍ദ്ദേശപ്രകാരം പറഞ്ഞിരുന്നത് 'കെയര്‍ ഹോമിലോ സമൂഹത്തിലോ പരിചരണം ലഭിക്കുന്ന ആളുകള്‍ രോഗബാധിതരാകാന്‍ സാധ്യതയില്ല എന്നായിരുന്നു. ഈ 'വിനാശകരമായ' നയം മൂലം .കെയര്‍ ഹോമുകളില്‍ വൈറസ് പടര്‍ന്നുപിടിച്ച് 15,000 ത്തോളം വൃദ്ധരും ദുര്‍ബലരുമായ അന്തേവാസികളെയും കൊന്നൊടുക്കിയതാണ് ആരോപണം .

മാര്‍ച്ച് 23 നും ഏപ്രില്‍ 16 നും ഇടയിലുള്ള 25 ദിവസ കാലയളവില്‍ 19,124 പേരെ ആശുപത്രികളില്‍ നിന്ന് കെയര്‍ ഹോമുകളിലേക്ക് വിട്ടതായി എന്‍എച്ച്എസ് ഇംഗ്ലണ്ട് ഡാറ്റ വെളിപ്പെടുത്തി. ബ്രിട്ടനില്‍ പകര്‍ച്ചവ്യാധി പിടിപെട്ട മാര്‍ച്ച് ആദ്യ മൂന്ന് ആഴ്ചകളില്‍ 23,000 ത്തിലധികം രോഗികളെ കെയല്‍ ഹോമുകളിലേക്ക് പറഞ്ഞുവിട്ടു. കൊറോണ പരിശോധനയ്ക്ക് വിധേയമാക്കാതെ കെയര്‍ ഹോമുകളിലേക്ക് വിട്ടതാണ് പരാജയമെന്ന് ചാരിറ്റികള്‍ പറയുന്നു.

'ഏജ് യുകെ'യിലെ ചാരിറ്റി ഡയറക്ടര്‍ കരോലിന്‍ അബ്രഹാംസ് പറഞ്ഞത് : 'ഈ ഭീകരമായ സ്ഥിതിവിവരക്കണക്ക് കെയര്‍ ഹോമുകളില്‍ എത്രത്തോളം വിനാശകരമായ പ്രത്യാഘാതങ്ങള്‍ കാണിക്കുന്നുവെന്ന് വ്യക്തമാക്കുന്നതാണ് എന്നാണ്.
'ഒരു രാജ്യം എന്ന നിലയില്‍ ഞങ്ങള്‍ക്ക് തുടക്കം മുതല്‍ അവകാശം ലഭിച്ചിരുന്നെങ്കില്‍, പ്രായമായ പലരുടെയും ജീവന്‍ രക്ഷിക്കപ്പെടുമെന്ന് ഉറപ്പായിരുന്നെന്നു അവര്‍ പറഞ്ഞു. ഡിസ്ചാര്‍ജ് ചെയ്ത 20,000 പേരില്‍ എത്രപേര്‍ക്ക് കൊറോണ വൈറസ് ഉണ്ടായിരുന്നുവെന്നും ഡിസ്ചാര്‍ജ് ചെയ്യുന്നതിന് മുമ്പ് എല്ലാ ആളുകളെയും പരീക്ഷിക്കാത്തത് എന്തുകൊണ്ടാണെന്നും ഉള്ള ഗുരുതരമായ ചോദ്യങ്ങള്‍ ഉണ്ട്. നഷ്ടപ്പെട്ട ജീവിതങ്ങള്‍ക്ക് ഉത്തരവാദിത്തമുണ്ടായിരിക്കണം.

ഏപ്രില്‍ പകുതിയോടെ കെയര്‍ ഹോമുകളിലേക്ക് ഡിസ്ചാര്‍ജ് ചെയ്യപ്പെടുന്നവരുടെ എണ്ണം പ്രതിദിനം 700 ആയി കുറഞ്ഞുവെന്ന് ആണ് ഇന്നലെ പ്രസിദ്ധീകരിച്ച എന്‍എച്ച്എസ് ഡാറ്റ വെളിപ്പെടുത്തിയത് .

കൊറോണ വൈറസ് സര്‍ക്കാര്‍ കൈകാര്യം ചെയ്ത രീതിയെ വിമര്‍ശിച്ചു ഇംഗ്ലണ്ടിലെ കെയര്‍ ഹോമുകളെ പ്രതിനിധീകരിക്കുന്ന സംഘടനയുടെ തലവന്‍ തന്നെ നേരത്തെ രംഗത്തു വന്നിരുന്നു. കോവിഡ് മൂലം മരിക്കാനുള്ള സാധ്യത കൂടുതലുള്ള ആളുകള്‍ കെയര്‍ ഹോമുകളിലായതിനാല്‍ തുടക്കം മുതല്‍ അവര്‍ക്കു മുന്‍ഗണന നല്‍കേണ്ടതായിരുന്നുവെന്ന് കെയര്‍ ഇംഗ്ലണ്ടിലെ പ്രൊഫ മാര്‍ട്ടിന്‍ ഗ്രീന്‍ പറഞ്ഞിരുന്നു. കെയര്‍ ഹോമുകളിലെ പരിശോധനയിലും പിപിഇയിലും ഇപ്പോഴും പ്രശ്‌നങ്ങളുണ്ടെന്ന് അദ്ദേഹം എംപിമാരോട് പറഞ്ഞിരുന്നു.

പ്രതിസന്ധി ഘട്ടത്തില്‍ കെയര്‍ ഹോം മേഖലയ്ക്ക് അഭൂതപൂര്‍വമായ പിന്തുണ ലഭിച്ചിട്ടുണ്ടെന്ന് ആരോഗ്യ സെക്രട്ടറി മാറ്റ് ഹാന്‍കോക്ക് പറയുമ്പോഴാണ് കെയര്‍ ഇംഗ്ലണ്ട് യഥാര്‍ത്ഥ അവസ്ഥ വ്യക്തമാക്കുന്നത്. കൊറോണ വൈറസ് പകര്‍ച്ചവ്യാധിയോട് ഇംഗ്ലണ്ടിലെ കെയര്‍ ഹോമുകള്‍ പൊരുതിയത് കൈകള്‍ കെട്ടിയിട്ടാണ്. അതുകൊണ്ടാണ് ഈ മേഖലയിലെ വിവരങ്ങള്‍ ഏപ്രില്‍ അവസാനം വരെ പുറത്തു വരാതിരുന്നത്. പകര്‍ച്ചവ്യാധി ആസൂത്രണം പൂര്‍ണ്ണമായും അപര്യാപ്തമാണെന്നും രോഗബാധിതരായ രോഗികളെ കെയര്‍ ഹോമുകളിലേക്ക് ഡിസ്ചാര്‍ജ് ചെയ്യുകയായിരുന്നെന്നും എന്‍എച്ച്എസില്‍ മാത്രമായിരുന്നു സര്‍ക്കാര്‍ ശ്രദ്ധ കേന്ദ്രീകരിച്ചതെന്നും എംപിമാരുടെ ആരോഗ്യ സാമൂഹിക പരിപാലന സമിതിയുടെ മുമ്പാകെ പ്രൊഫ. ഗ്രീന്‍ വിശദീകരിച്ചു.

പകര്‍ച്ചവ്യാധി ആരംഭിച്ചതിനുശേഷം കെയര്‍ ഹോമുകളില്‍ കൊറോണ വൈറസ് ബാധിച്ച് 11,600 ല്‍ അധികം ആളുകള്‍ മരിച്ചതായാണ് ഏറ്റവും പുതിയ ഔദ്യോഗിക കണക്കുകള്‍ . എന്നാല്‍ മരണം 22,000ത്തോളം ആണെന്നു റിപ്പോര്‍ട്ടുണ്ട്. ഇതോടെ വയോജനങ്ങളെ കെയര്‍ഹോമുകളില്‍ നിര്‍ത്താന്‍ ആളുകള്‍ ഭയപ്പെടുന്ന സ്ഥിതിയിലെത്തി കാര്യങ്ങള്‍ . ഇതിന്റെഫലമായി കെയര്‍ഹോമുകളില്‍ നിന്നും ഉറ്റവരെ വീടുകളിലേക്ക് കൂട്ടിക്കൊണ്ട് വരുന്നവരേറുന്നുവെന്നും സ്ഥിരീകരിക്കപ്പെട്ടിട്ടുണ്ട്. ഈ വിധത്തില്‍ അന്തേവാസികള്‍ കുറയുന്നത് കെയര്‍ഹോമുകളുടെ സാമ്പത്തികസ്ഥിതി അവതാളത്തിലാക്കുമെന്നും അവിടങ്ങളിലെ നഴ്‌സുമാര്‍, കെയറര്‍മാര്‍ തുടങ്ങിയ ആയിരക്കണക്കിന് പേരുടെ ജോലികള്‍ക്ക് കടുത്ത ഭീഷണിയുയര്‍ത്തുമെന്നുമുള്ള മുന്നറിയിപ്പും വന്നിട്ടുണ്ട്. കെയര്‍ഹോമുകളിലെ കൊറോണ ബാധ സംബന്ധിച്ച് ഇനിയും കൃത്യവും ആധികാരികവുമായ കണക്കുകള്‍ പുറത്തുവന്നിട്ടില്ല.

കെയര്‍ഹോമുകളിലെ റെസിഡന്റുമാര്‍ക്ക് കൊറോണ ടെസ്റ്റുകളും ട്രീറ്റ്‌മെന്റുകളും പ്രദാനം ചെയ്യാത്തതിന്റെ ഫലമായി ഇവിടങ്ങളിലെ അന്തേവാസികള്‍ മരിക്കുന്നത് നിത്യസംഭവങ്ങളായിരിക്കുന്നതിനാല്‍ ഇപ്പോള്‍ റെസിഡന്റ്‌സിന്റെ എണ്ണത്തില്‍ പത്ത് ശതമാനമാണ് ഇടിവുണ്ടായിരിക്കുന്നത്. ഇതിനെ തുടര്‍ന്ന് യുകെയിലാകമാനമുള്ള കെയര്‍ ഹോമുകളില്‍ 40,000ത്തില്‍ അധികം കിടക്കക്കളാണ് ആളില്ലാതെ ഒഴിഞ്ഞ് കിടക്കുന്നത്. ഇത് കൂടിവരുമെന്നാണ് മുന്നറിയിപ്പ്. ഈ സ്ഥിതി തുടര്‍ന്നാല്‍ കെയര്‍ഹോമുകള്‍ക്ക് മുന്നോട്ട് പോകാന്‍ പ്രയാസമായിത്തീരുമെന്നു ലോയര്‍മാരും കെയര്‍ പ്രൊവൈഡര്‍മാരും ചാരിറ്റികളും ചൂണ്ടിക്കാട്ടുന്നു.

കെയര്‍ ഹോം മേഖല കടുത്ത പ്രതിസന്ധിയിലൂടെയാണ് മുന്നോട്ട് പോകുന്നതെന്നും സ്ഥിരീകരിക്കപ്പെട്ടിട്ടുണ്ട്. ഈ സാമ്പത്തിക പ്രതിസന്ധി രണ്ട് കൊല്ലമെങ്കിലും നീണ്ടേക്കാമെന്നും വിദഗ്ധര്‍ മുന്നറിയിപ്പേകുന്നു. കെയര്‍ഹോമുകളില്‍ ആവശ്യത്തിന് പരിശോധന നാടക്കാത്തതും കോവിഡ് പരിശോധന യഥാസമയം നടക്കാത്തതും ആണ് പ്രതിസന്ധിയുണ്ടാക്കിയത്. മലയാളികളടക്കം ആയിരക്കണക്കിനു ജീവനക്കാരുടെ ഭാവി അപകടത്തിലാണ്. നിരവധി ജീവനക്കാര്‍ക്കും കോവിഡ് ബാധിച്ചിരുന്നു.

  • ഇംഗ്ലണ്ടിലെ 43 കൗണ്ടികളില്‍ കോവിഡ് പെരുകുന്നു; മലയാളി കുടുംബങ്ങള്‍ ആശങ്കയില്‍
  • യുകെയില്‍ 85 കൊറോണ മരണങ്ങള്‍കൂടി; കഴിഞ്ഞ ആഴ്ചത്തേക്കാള്‍ നേരിയ കുറവ് മാത്രം
  • തിരുവനന്തപുരം സ്വര്‍ണ കള്ളക്കടത്ത് ബിബിസിയിലും; പേരുദോഷം കേള്‍പ്പിച്ചു പിണറായി സര്‍ക്കാര്‍
  • വീട് വാങ്ങലുകാര്‍ക്ക് കോളടിച്ചു; വീട് വിലകളില്‍ 15,000 പൗണ്ടിന്റെ വരെ കുറവ്
  • നോട്ടിംഗ്ഹാം മലയാളിയ്ക്ക് സമ്മാനമടിച്ചത്‌ ലംബോഗിനി സൂപ്പര്‍ കാറും 20000 പൗണ്ടും
  • മിനി ബജറ്റില്‍ ഓഫറുകളുമായി റിഷി സുനാക്; വാറ്റ് വെട്ടിക്കുറച്ചു, സ്റ്റാമ്പ് ഡ്യൂട്ടി ഇല്ലാതെ വീടുകള്‍ വാങ്ങാം, മൂന്ന് മാസത്തേക്ക് തൊഴിലാളികള്‍ക്ക് 1000 പൗണ്ട്
  • യുകെയില്‍ കോവിഡ് ബാധിച്ച് ഇന്നലെ മരിച്ചത്126 പേര്‍; ഒരാഴ്ചക്കിടെ മരണങ്ങളില്‍ 26% കുറവ്
  • ബ്രിട്ടനില്‍ ഇന്നലെ റിപ്പോര്‍ട്ട് ചെയ്തത് 155 കൊറോണ മരണം
  • യുവാക്കള്‍ക്കായി റിഷി സുനാകിന്റെ 2 ബില്ല്യണ്‍ പൗണ്ടിന്റെ 'കിക്ക്സ്റ്റാര്‍ട്ട് സ്‌കീം'; പ്രോപ്പര്‍ട്ടി മാര്‍ക്കറ്റിനായി സ്റ്റാമ്പ് ഡ്യൂട്ടി ഹോളിഡേ
  • പബ്ബില്‍ പോളിഷ് സംസാരിച്ച എന്‍എച്ച്എസ് കെയര്‍ വര്‍ക്കറെ ആക്രമിച്ചു
  •  
        © 2020 ukmalayalamnews.com All rights reserved. Powered by Phoenix Infoway