അസോസിയേഷന്‍

ഗ്രാമര്‍ സ്‌കൂള്‍ സൗജന്യ ഓണ്‍ലൈന്‍ മത്സര പരീക്ഷക്ക് രജിസ്റ്റര്‍ ചെയ്യേണ്ട അവസാന തീയതി ഇന്ന്; യുക്മ Y6 ചലഞ്ച് 2020 പരീക്ഷകള്‍ ജൂലൈ 11, 12 തീയതികളില്‍; രക്ഷിതാക്കള്‍ക്കായുള്ള അവസാന വെബ് സെമിനാര്‍ നാളെ

2021 ലെ ഗ്രാമര്‍ സ്‌കൂള്‍ പ്രവേശനത്തിന് തയ്യാറെടുക്കുന്ന വിദ്യാര്‍ത്ഥികള്‍ക്കായി യുക്മ ജൂലൈ മാസത്തില്‍ രണ്ട് സൗജന്യ ഓണ്‍ലൈന്‍ പരിശീലന പരീക്ഷകള്‍ (mock tests) സംഘടിപ്പിക്കുകയാണ്. ഇംഗ്ലീഷ്, കണക്ക് പരീക്ഷകള്‍ ഉള്‍പ്പെടുന്ന രണ്ട് സെറ്റുകളായാണ് പരീക്ഷകള്‍ വിഭാവനം ചെയ്തിരിക്കുന്നത്. ജൂലൈ 11, 12 (ശനി, ഞായര്‍) തീയതികളില്‍ നടക്കുന്ന പരീക്ഷകളില്‍ വിജയികളാകുന്ന വിദ്യാര്‍ത്ഥികള്‍ക്ക് യുക്മ ദേശീയ തലത്തിലും റീജിയണല്‍ തലങ്ങളിലും സര്‍ട്ടിഫിക്കറ്റുകളും പാരിതോഷികങ്ങളും നല്‍കുന്നതാണ്.

തികച്ചും പ്രൊഫഷണല്‍ രീതിയില്‍ തന്നെയാണ് വെബ് സെമിനാറും പരീക്ഷകളും വിഭാവനം ചെയ്തിരിക്കുന്നത്. ഫലപ്രഖ്യാപനത്തോടൊപ്പം പരീക്ഷയില്‍ പങ്കെടുത്ത എല്ലാ വിദ്യാര്‍ത്ഥികള്‍ക്കും തങ്ങളുടെ മാര്‍ക്കുകളും, ഓരോ വിഭാഗങ്ങളിലും ലഭിച്ച മാര്‍ക്കിന്റെ വിശകലനവും ലഭ്യമാക്കുന്നതാതാണെന്ന് സംഘാടകര്‍ അറിയിച്ചു. വിദ്യാര്‍ത്ഥികള്‍ക്ക് പഠനത്തില്‍ കൂടുതല്‍ ശ്രദ്ധ നല്‍കേണ്ട മേഖലകളെക്കുറിച്ചുള്ള അവബോധം ഉണ്ടാക്കുവാന്‍ ഇത് സഹായകരമായിരിക്കും.

മത്സര പരീക്ഷകള്‍ക്ക് മുന്നോടിയായി, പങ്കെടുക്കുന്ന കുട്ടികള്‍ക്കും രക്ഷിതാക്കള്‍ക്കുമായി ഒരു വെബ് സെമിനാര്‍ യുക്മ സംഘടിപ്പിച്ചിരുന്നു. ജൂണ്‍ ആറാംതീയതി രണ്ടു സെഷനുകളായി നടന്ന സെമിനാറില്‍ നൂറുകണക്കിന് മാതാപിതാക്കള്‍ ആണ് പങ്കെടുത്തത്. ഇനിയും പങ്കെടുക്കാന്‍ സാധിക്കാത്ത നിരവധി രക്ഷിതാക്കളുടെ അഭ്യര്‍ത്ഥന കണക്കിലെടുത്ത് നാളെ ജൂണ്‍ 27 ശനിയാഴ്ച 12 മണിക്ക് മറ്റൊരു വെബ്സെമിനാര്‍ കൂടി സംഘടിപ്പിക്കുകയാണെന്ന് യുക്മ ദേശീയ പ്രസിഡന്റ് മനോജ്കുമാര്‍ പിള്ള, ജനറല്‍ സെക്രട്ടറി അലക്‌സ് വര്‍ഗീസ്, യുക്മ യൂത്തിന്റെ ചുമതലയുള്ള ദേശീയ വൈസ് പ്രസിഡന്റ് ലിറ്റി ജിജോ എന്നിവര്‍ അറിയിച്ചു. സെമിനാറില്‍ പങ്കെടുക്കുവാന്‍ താല്പര്യമുള്ളവര്‍ അവസാന തീയ്യതിയായ ഇന്നു (26/6/20) തന്നെ www.uukma11plus.com എന്ന വെബ് സൈറ്റില്‍ രജിസ്റ്റര്‍ ചെയ്യേണ്ടതാണ്.

വിദ്യാഭ്യാസ പരിശീലന രംഗത്ത് നിരവധി വര്‍ഷങ്ങളുടെ പാരമ്പര്യമുള്ള, ട്യൂട്ടര്‍ വേവ്‌സ് ന്റെ ബിജു ആര്‍ പിള്ളയാണ് വെബ് സെമിനാര്‍ നയിക്കുന്നത്. മലയാളമനോരമ ഹൊറൈസണ്‍ വെബ് സെമിനാര്‍ പോലുള്ള നിരവധി ശ്രദ്ധേയമായ പരിപാടികള്‍ നിയന്ത്രിച്ചിട്ടുള്ള പരിശീലകനാണ് ബിജു ആര്‍ പിള്ള. തികച്ചും സൗജന്യമായി സംഘടിപ്പിക്കുന്ന ഈ പരിശീലന പരിപാടിയില്‍ പങ്കെടുക്കുന്നതിന്, ഗ്രാമര്‍ സ്‌കൂള്‍ പ്രവേശനത്തിന് തയ്യാറെടുക്കുന്ന മുഴുവന്‍ കുട്ടികളുടെയും രക്ഷിതാക്കളും പരിശ്രമിക്കണമെന്ന് യുക്മ ദേശീയ - റീജിയണല്‍ ഭരണ സമിതികള്‍ അഭ്യര്‍ത്ഥിക്കുന്നു.

  • വാദ്യഘോഷങ്ങളുടെ അനുപമ സംഗീതവുമായി 'Let's Break It Together' ല്‍ നാളെ മാഞ്ചസ്റ്ററില്‍ നിന്ന് അമൃത വര്‍ഷിണി കുംബ്‌ളയും നവ്യ മുകേഷും
  • Let's Break It Together' ല്‍ ഇന്ന് ആസ്വാദകര്‍ക്ക് മുന്നിലെത്തുന്നത് ആറ് അതുല്യ പ്രതിഭകള്‍
  • ശമ്പള വര്‍ദ്ധനവിന് പിന്തുണ അഭ്യര്‍ത്ഥിച്ചു ബ്രിട്ടീഷ് എം.പിമാര്‍ക്ക് നിവേദനങ്ങളുമായി യുക്മ; പുതുതലമുറ നേഴ്സുമാരുടെ കുടുംബത്തിന് വിസാ നിയമങ്ങളില്‍ ദീര്‍ഘകാല ഇളവുകള്‍ക്കുള്ള ശ്രമങ്ങളും
  • 'Let's Break It Together' ല്‍ താളമേള വിസ്മയം തീര്‍ത്ത് ഈസ്റ്റ്ഹാമിന്റെ സ്വരൂപ് മേനോനും ശ്രേയ മേനോനും
  • ലണ്ടനിലെ ഈസ്റ്റ്ഹാമില്‍ നിന്നും MAUK യുടെ അഭിമാന താരങ്ങള്‍ സ്വരൂപ് മേനോനും ശ്രേയ മേനോനും 'Let's Break It Together' ലൈവ് ഷോയില്‍
  • Let's break it together' ല്‍ രാഗ സുന്ദര വിരുന്നൊരുക്കാന്‍ ചൊവ്വാഴ്ച എത്തുന്നത് തെരേസ മാത്തച്ചന്‍, ജോര്‍ജ്ജ് മാത്തച്ചന്‍, ലിസ് മരിയ മാത്തച്ചന്‍ സഹോദരങ്ങളോടൊപ്പം റോസ്‌മേരി ബെന്നിയും
  • കൊറോണ പശ്ചാത്തലത്തില്‍ മാനസീക സമ്മര്‍ദ്ദങ്ങള്‍ അഭിമുഖീകരിക്കുന്നവര്‍ക്കു കൈത്താങ്ങായി യുക്മ ചാരിറ്റി ഫൗണ്ടേഷന്റെ 'ഉയിര്‍'
  • WE SHALL OVERCOME കാമ്പയിനില്‍ ഞായറാഴ്ച വ്യത്യസ്തമായ നൃത്ത സംഗീത പരിപാടി 'ധ്വനി'
  • ശമ്പള വര്‍ദ്ധനയില്‍ നഴ്സുമാരോട് അവഗണന: യുക്മ അംഗ അസോസിയേഷനുകള്‍ വഴി എംപിമാര്‍ക്ക് നിവേദനങ്ങള്‍ സമര്‍പ്പിക്കും
  • യുകെകെസിഎയുടെ ആഭിമുഖ്യത്തില്‍ സൗജന്യ Mock Exam ഞായറാഴ്ച
  •  
        © 2020 ukmalayalamnews.com All rights reserved. Powered by Phoenix Infoway