Don't Miss

കുമ്പസാര രഹസ്യം വൈദികര്‍ പൊലീസില്‍ അറിയിക്കണം; ഇല്ലെങ്കില്‍ അകത്താവും!

കുട്ടികള്‍ക്കെതിരെയുള്ള ലൈംഗിക പീഡനം തടയുന്നതിന് പുതിയ നിയമവുമായി ക്വീന്‍സ് ലാന്റ്. ലൈംഗിക അതിക്രമം അടങ്ങുന്ന കുമ്പസാര രഹസ്യം വൈദികര്‍ പൊലീസില്‍ അറിയിക്കണമെന്നാണ് നിയമത്തില്‍ പറയുന്നത്. കുറ്റകൃത്യം അടങ്ങുന്ന കുമ്പസാര രഹസ്യം മറച്ചുവെക്കുന്ന വൈദികരെ മൂന്ന് വര്‍ഷം വരെ തടവിന് ശിക്ഷിക്കാമെന്നും നിയമത്തില്‍ പറയുന്നു. കുട്ടികള്‍ക്കെതിരെയുള്ള അതിക്രമം തടയുന്നതിനാണ് പുതിയ നിയമം.

'കുട്ടികള്‍ക്കെതിരെയുള്ള അതിക്രമം തടയുന്നതിന്റെ ഭാഗമായി ഇനിമുതല്‍ കത്തോലിക്കാ വൈദികര്‍ക്ക് കുമ്പസാര രഹസ്യം വെളിപ്പെടുത്തേണ്ടി വരും. കുട്ടികളെ ലൈംഗികമായി ദുരുപയോഗം ചെയ്യുന്ന കാര്യത്തില്‍ കുമ്പസാരത്തിന്റെ പവിത്രത ആയുധമാക്കേണ്ടതില്ലെന്നും' നിയമം വ്യക്തമാക്കുന്നു. കുട്ടികള്‍ക്ക് നിയമം മൂലം സംരക്ഷണം നല്‍കുന്നതിന് ഈ നിയമം സഹായകരമാകുമെന്ന് ക്വീന്‍സ് ലാന്റ് നിയമ മന്ത്രി മാര്‍ക്ക് റയാന്‍ പറഞ്ഞു.

കുട്ടികള്‍ക്കെതിരെയുള്ള ലൈംഗിക അതിക്രമം റിപ്പോര്‍ട്ട് ചെയ്യേണ്ടതിന്റെ ഉത്തരവാദിത്വം സമൂഹത്തിലെ എല്ലാവര്‍ക്കും ഉണ്ടെന്നും അദ്ദേഹം പറയുന്നു. മുമ്പ് കുട്ടികളെ ദുരുപയോഗിച്ച കാര്യമാണെങ്കില്‍ പോലും വൈദികര്‍ ഇക്കാര്യം പൊലീസില്‍ അറിയിക്കണം. കുട്ടികളുടെ സുരക്ഷ ഉറപ്പുവരുത്തേണ്ടത് എല്ലാവരുടേയും ഉത്തരവാദിത്വമാണെന്നും റയാന്‍ പറഞ്ഞു.

എന്നാല്‍ ഈ നിയമം അനുസരിക്കുന്നതിനു മുമ്പ് ജയിലില്‍ പോകുമെന്നാണ് കത്തോലിക്കാ ബിഷപ്പുമാരുടെ നിലപാട് എന്ന് എംപി സ്റ്റീഫന്‍ ആന്‍ഡ്രൂസ് പറഞ്ഞു. പ്രതിപക്ഷം നിയമത്തെ അനുകൂലിച്ചെങ്കിലും സ്റ്റീഫന്‍ മാത്രമാണ് എതിര്‍ത്തത്.

  • സ്വര്‍ണക്കടത്ത് നടന്നിട്ടുണ്ടാകാം; തനിക്കതില്‍ അറിവോ പങ്കോയില്ലെന്ന് ജലീല്‍
  • മുഖ്യമന്ത്രിയുടെ അവസ്ഥ കള്ളുകുടിച്ച കുരങ്ങനെ തേളുകുത്തിയപോലെ; കെ.സുരേന്ദ്രന്‍
  • രാഷ്ട്രപതിയും പ്രധാനമന്ത്രിയും സേനാ മേധാവികളും ഉള്‍പ്പെടെ പ്രമുഖരെ ചൈനീസ് കമ്പനി നിരീക്ഷിക്കുന്നു
  • മലപ്പുറത്ത് പതിമൂന്നുകാരിയെ പിതാവും സഹോദരനും പീഡിപ്പിച്ചു
  • ബിനീഷിനെ ചോദ്യം ചെയ്യാന്‍ നര്‍ക്കോട്ടിക്‌സ് ബ്യുറോയും
  • 40 വര്‍ഷത്തിനുശേഷം ഇന്ത്യ- ചൈന അതിര്‍ത്തിയില്‍ വെടിവെയ്പ്പ്
  • സുശാന്തിന് മയക്കുമരുന്ന് നല്‍കി; റിയ ചക്രബര്‍ത്തിയുടെ കുറ്റസമ്മതം, അറസ്റ്റ്
  • കേശവാനന്ദ ഭാരതി വെറുമൊരു സ്വാമിയല്ല
  • അരിവാള്‍ ചുറ്റിക നക്ഷത്രത്തിന്റെ നിര്‍മാണവും വില്‍പനയും നടത്തുന്നവര്‍ക്ക് ജയില്‍ശിക്ഷ ആവശ്യപ്പെട്ട് ബ്രസീല്‍ പാര്‍ലമെന്റില്‍ ബില്‍
  • കപ്പിനും ചുണ്ടിനുമിടയില്‍ പ്രണബ് മുഖര്‍ജിക്ക് പ്രധാനമന്ത്രി പദം നഷ്ടപ്പെട്ടത് രണ്ടു തവണ
  •  
        © 2020 ukmalayalamnews.com All rights reserved. Powered by Phoenix Infoway