സ്പിരിച്വല്‍

എയ്ല്‍സ്‌ഫോര്‍ഡ് സെന്റ് പാദ്രെ പിയോ മിഷനില്‍ മാതാവിന്റെ ജനനത്തിരുനാള്‍ ആചരിച്ചു

എയ്ല്‍സ്‌ഫോര്‍ഡ്: ഉത്തരീയമാതാവിന്റെ അനുഗ്രഹാരാമത്തില്‍ എട്ടു നോമ്പ് തിരുന്നാള്‍ ഭക്തിനിര്‍ഭരമായി ആചരിച്ചു. എയ്ല്‍സ്‌ഫോര്‍ഡ് സെന്റ് പാദ്രെപിയോ മിഷനിലെ ഇടവകസമൂഹം സെപ്റ്റംബര്‍ 6 ഞായറഴ്ചയാണ് പ്രധാന തിരുന്നാള്‍ ആയി ആചരിച്ചത്. ഉത്തരീയനാഥയുടെ അനുഗ്രഹം തേടി നിരവധി വിശ്വാസികളാണ് തിരുനാളില്‍ സംബന്ധിച്ചത്. കോവിഡ് മാനദണ്ഡങ്ങള്‍ പാലിച്ച് സ്വര്‍ഗ്ഗാരോപിതമാതാവിന്റെ ഗ്രോട്ടോയില്‍ സജ്ജമാക്കിയ ബലിപീഠത്തിലാണ് തിരുക്കര്‍മ്മങ്ങള്‍ നടന്നത്.

ഞായറാഴ്ച ഉച്ചക്ക് 12 മണിക്ക് മിഷന്‍ ഡയറക്ടര്‍ റവ. ഫാ. ടോമി എടാട്ടിന്റെ കാര്‍മികത്വത്തില്‍ വിശുദ്ധ കുര്‍ബാനയും തുടര്‍ന്ന് നൊവേനയും നടന്നു. പ്രതിസന്ധികളിലും പ്രയാസങ്ങളിലും നമ്മുടെ പൂര്‍വികര്‍ സംരക്ഷണകവചമായി കണ്ട് ധരിച്ചു പോന്ന പരിശുദ്ധ അമ്മയുടെ ഉത്തരീയത്തിന്റെ സംരക്ഷണം ഈ മഹാമാരിയുടെ കാലഘട്ടത്തിലും നമുക്ക് ആശ്വാസമേകട്ടെയെന്ന് ഫാ. ടോമി എടാട്ട് തന്റെ സന്ദേശത്തില്‍ പറഞ്ഞു.

തുടര്‍ന്ന് ഫാ. ടോമി എടാട്ടിന്റെ കാര്‍മികത്വത്തില്‍ ഈ വര്‍ഷം അറിവിന്റെ ആദ്യാക്ഷരം കുറിക്കുന്ന കുട്ടികള്‍ക്കായുള്ള പ്രത്യേക പ്രാര്‍ത്ഥനയും എഴുത്തിനിരുത്തും നടന്നു. പരിശുദ്ധ അമ്മക്ക് അറിവ് പകര്‍ന്നു കൊടുത്ത വിശുദ്ധ അന്നാമ്മയുടെ ചാപ്പലില്‍ ആണ് വിദ്യാരംഭത്തിന്റെ കര്‍മ്മങ്ങള്‍ നടന്നത്.

എയ്ല്‍സ്‌ഫോര്‍ഡ് സെന്റ് പാദ്രെ പിയോ മിഷനില്‍ എല്ലാ മാസവും ഒന്നും രണ്ടും ഞായറാഴ്ചകളില്‍ ഉച്ചക്ക് 12 മണിക്ക് എയ്ല്‍സ്‌ഫോര്‍ഡ് പ്രയറിയില്‍ വച്ച് മലയാളത്തില്‍ വിശുദ്ധകുര്‍ബാന നടത്തപ്പെടുന്നു. സ്വര്‍ഗ്ഗാരോപിത മാതാവിന്റെ ഗ്രോട്ടോക്കു മുന്‍പിലുള്ള ചത്വരത്തിലാണ് വിശുദ്ധ കുര്‍ബാന നടക്കുക. അതുകൊണ്ട് കൂടുതല്‍ പേര്‍ക്ക് ഒരേ സമയം വിശുദ്ധ കുര്‍ബാനയില്‍ പങ്കു ചേരുവാന്‍ അവസരം ഒരുങ്ങുന്നു. പരിശുദ്ധ അമ്മയുടെ സന്നിധിയില്‍ നടക്കുന്ന തിരുക്കര്‍മ്മങ്ങളില്‍ സംബന്ധിച്ച് ദൈവാനുഗ്രഹം പ്രാപിക്കുവാന്‍ ഏവരെയും ക്ഷണിക്കുന്നതായി പള്ളികമ്മറ്റി അറിയിച്ചു.

  • ഗ്രേറ്റ് ബ്രിട്ടന്‍ സീറോ മലബാര്‍ രൂപതയില്‍ യുവജന ധ്യാനവും, യൂത്ത് ലീഡേഴ്‌സ് ട്രെയിനിങ് പ്രോഗ്രാമും ഇന്ന് സമാപിക്കും
  • രണ്ടാം ശനിയാഴ്ച്ച കണ്‍വെന്‍ഷന്‍ 12ന്; അനുഗ്രഹ ശുശ്രൂഷയുമായി സെഹിയോന്‍ യുകെ; കുട്ടികള്‍ക്കും പ്രത്യേക ശുശ്രൂഷ
  • സ്കൂള്‍ കോളേജ് വിദ്യാര്‍ത്ഥികള്‍ക്കായി സെഹിയോന്‍ യുക യുടെ പ്രത്യേക പ്രാര്‍ത്ഥനാ ഒരുക്കം നാളെ
  • കുട്ടികള്‍ക്കും ടീനേജുകാര്‍ക്കും മാതാപിതാക്കള്‍ക്കായും അഭിഷേകാഗ്‌നി ഗ്ലോബല്‍, ലിറ്റില്‍ ഇവാഞ്ചലിസ്റ്റ് മിനിസ്ട്രിയുടെ നേതൃത്വത്തില്‍ ഉപവാസ പ്രാര്‍ത്ഥനാ ധ്യാനം ഓണ്‍ലൈനില്‍
  • ഗ്രേറ്റ് ബ്രിട്ടന്‍ സീറോ മലബാര്‍ രൂപതയില്‍ പരിശുദ്ധ കന്യാമറിയത്തിന്റെ ജനനത്തിരുന്നാളും എട്ടുനോമ്പാചരണവും
  • എട്ട് നോയമ്പ് ആചരണവും നൊവേനയും ലെസ്റ്ററിലെ സെന്റ് അല്‍ഫോന്‍സാ മിഷനില്‍
  • ലീഡ്‌സിലെ പ്രശസ്തമായ. എട്ടുനോയമ്പ് തിരുനാളിന് ഞായറാഴ്ച കൊടിയേറും. പ്രധാനതിരുനാള്‍ സെപ്റ്റംബര്‍ 6ന്
  • സെഹിയോന്‍ നാലാം വെള്ളിയാഴ്ച നൈറ്റ് വിജില്‍ 28 ന്
  • സെഹിയോന്‍ യുകെ ഒരുക്കുന്ന 'സ്‌കൂള്‍ ഓഫ് ഇവാഞ്ചലൈസേഷന്‍ ' അവധിക്കാല ഓണ്‍ലൈന്‍ ധ്യാനം 24 മുതല്‍ 26 വരെ
  • അജപാലന ആഭിമുഖ്യങ്ങളില്‍ കാതലായ മാററങ്ങള്‍ വരുത്തണം: കര്‍ദിനാള്‍ മാര്‍ ജോര്‍ജ്ജ് ആലഞ്ചേരി
  •  
        © 2020 ukmalayalamnews.com All rights reserved. Powered by Phoenix Infoway